كيف تهرب من رسوم تسجيل الشهرالعقاري

**baher** · 03-05-2007 05:11 AM

الموضوع ده لسه عارفه من صديق محامي ليا طبعا كلنا عارفين ان رسوم التسجيل في الشهر العقاري عاليه جدا ومرتفعه يعني انا افتكر عربتي الشاهين دفعت ليها حوالي الف جنيه علشان اسجلها المهم الحركه دي بقى حلوه انت هترفع على نقسك قضيه تطلب فيها من نفسك انك تتملك العربيه يعني انت المدعي وانت المدعي عليه انت المدعي علشان معاك توكيل وانت المدعي عليه علشان انت اللي معاك العربيه المهم هيطلع ليك عقد صحه ونفاذ من المحكه تاخد العقد وتوثق بيه طبعا الموضوع ده صعب شويه يعني هيحتاج حوالي اسبوع بس أوفر كتير هتحتاج فيه لمحامي هياخد بالكتير 200جنيه ورسوم القضيه هتبقى حوالي 100جنيه يعني كله بالكتير موش هيكمل 400جنيه واللي موش مصدق ممكن اديكم نمره المحامي صديقي وهو يخلص ليكم اللي انتوا عايزينه وهو شغال على الحركه دي ليل ونهار وأي خدمه ومتنسوش تدعولي

**Abdallah** · 03-05-2007 12:42 PM

انا سألت امبارح على رسوم تسجيل عربيتى ( كورولا 93 ) كانوا 37 جنيه متهيالى الواحد يسجلها اوفر ههههههههههه

**baher** · 03-05-2007 01:46 PM

انا سألت امبارح على رسوم تسجيل عربيتى ( كورولا 93 ) كانوا 37 جنيه

:shock: :shock: :shock: :shock: :shock: :shock:

**جندى مجند** · 03-05-2007 02:16 PM

انا سألت امبارح على رسوم تسجيل عربيتى ( كورولا 93 ) كانوا 37 جنيه

حضرتك تقصد رسوم التسجيل فى الشهر العقارى ولا الضريبة اللى بتتدفع فى المرور عند التجديد؟؟ لو حضرتك قصدك رسوم التسجيل فى الشهر العقارى يبقى أكيد قللوها جداً لأن أنا كنت مسجل نقل ملكية فليشيا 96 من حوالى سنتين كنت دافع فيها 600 جنيه

**خالد** · 03-05-2007 02:25 PM

الأخ الفاضل / باهر
أفتكر أن الموضوع ده يعتبر سرقة وحرام جداً للطرفين ، صاحب السيارة الذى يحتال على الدولة ، والمحامى الذى يأكل من حرام ومن سحت ، ومن نبت لحمه من سحت فالنار أولى به ، وربك دائماً بالمرصاد وأفعل ماشئت كما تدين تدان
ربنا هايرزقك باللى ينصب عليك فى أضعاف أضعاف ماأخذته ، أو تحصل حاجة للعربية وتدفع فيها الشئ الفلانى ، وساعتها الناس مش هاتدعيلك زى ماأنت فاكر

03-05-2007 09:48 PM

ولية تتهرب؟؟ :?:

**Abdallah** · 03-05-2007 10:12 PM

سورى يا جماعة غلطة مطبعية 370 جنيه

**جندى مجند** · 04-05-2007 12:21 AM

أفتكر أن الموضوع ده يعتبر سرقة وحرام جداً للطرفين ، صاحب السيارة الذى يحتال على الدولة ، والمحامى الذى يأكل من حرام ومن سحت ، ومن نبت لحمه من سحت فالنار أولى به ، وربك دائماً بالمرصاد وأفعل ماشئت كما تدين تدان

برجاء عدم القاء التهم جزافاً فالاجراء المشروح أعلاه اجراء رسمى مسموح به فى الدولة و ليس تزويراً مثلاً أو ما شابه .. و فوق كدة لماذا لا تقول ان الرسوم اللى الدولة فرضاها على التسجيل هو نوع من الاتاوات ليس له أى هدف سوى لهف أموال الناس و خلاص زيه زى جمارك السيارات اللى مفيش مثيل لها فى العالم كله "و لا تأكلوا أموالكم بينكم بالباطل و تدلوا بها إلى الحكام لتأكلوا فريقاً من أموال الناس بالإثم و أنتم تعلمون" - البقرة 188

**Hazem Salah** · 04-05-2007 04:17 PM

مع احترامى التام للجميع و تفهمى للمبررات
فان هذا احتيال لامبرر له

**Abdallah** · 04-05-2007 09:41 PM

يا جماعة الراجل مغلطش ومضربش حد على ايده فلا مجال هنا للتجريح والاهانات وعيب اننا نوصف واحد انه مزور او محتال عشان هوا بيحاول يساعد والنقطة هنا انى شايف ان الدولة بتفرض رسوم تسجيل على السيارات ذات الموديلات الحديثة مبالغ فيها , وجمارك مبالغ فيها واشياء عديدة ودة مجرد ثغرة بننفذ منها مش اكتر لا احتيال ولا تزوير, وبالنسبة للاخ الى بيقول اننا بنحتال على الدولة فيا عزيزى انظر حولك وسترى قمة الاحتيال فى رسوم تسجيل او جمارك او رسوم ضريبية او تامين تدفعه اجبارى ولا تستفيد به وعجبى.

الموضوع: كيف تهرب من رسوم تسجيل الشهرالعقاري

LinkBack

أدوات الموضوع

عرض

-

-

-

-

-

المواضيع المتشابهه

رسوم تسجيل ماتريكس 2007 اونوماتيك

رسوم تسجيل صنى 2009

رسوم تسجيل ماروتي 2008 في الشهر العقاري

رسوم تسجيل شيروكي 1998

حد يعرف رسوم تسجيل هيونداى اكسيل 97 1500cc فى الشهر العقارى

الكلمات الدلالية لهذا الموضوع

المفضلات

المفضلات

ضوابط المشاركة