احترس من هذا المعرض

**mohamedaamm** · 18-01-2009 11:33 AM

السلام عليكم الكلام ده حصل معايا فى 2-11-2008
انا رحت معرض اسمه تريدينج جروب فى شارع الطيران بمدينة نصر و كنت عاوز اشترى لانسر بومة 1600 اتوماتيك كويتى خليجى كلاسيك عن طريق بنك
و قابلت انسان هناك اسمه احمد و قال لى ان هما بيستوردوها و هى عندة و كل الالوان و بعد كده و كان سعر العربيه عنده 107000 و اعطيت له عربون 1000 جنية كحجز للعربيه و كانت مش واقفة العربيه فى المعرض و لكن كانت واقفة الهاف سبورت لون تانى مش عاوزة و قلت له فين العربيه قال لى فى المخزن فى ابو رواش المهم كان عرض السعر مكتوب علية سارى لمدة اسبوع و بعد ما خلصت الورق و ده حصل فى يومين قال لى ان العربية مش موجوده قلت له ازاى قال لى ان حظهم كان كويس و انباعو كلهم و لكن ممكن يجيبها لى 110 الف قلت له ان احنا متفقين على 107 قال لى ان هى غليت قلت له مش العرض سارى لمدة اسبوع قال ده للبنك بس و الفرق بسيط 3 الاف جنية مش حاجة و على العموم انتظر علشان فيه طلبية تانية جاية فى الطريق لما توصل ممكن سعرها يكون كويس و اعطيها لك بنفس السعر و هى فى المينا و الورق بيخلص و ناقص عليهم يومين
و بعدين يومين بعدهم يومين لحد ما عدا على الموضوع ده اكثر من 10 ايام و بعدين رحت قابلت صاحب المعرض قال لى ان هما مش عندهم العربيه و هو مش بيستوردوها و هو اسف من اللى حصل بس ممكن يجيبها لى من حد تانى بدون مكسب للمعرض و حتكون ب 110 الف فاخدت فلوسى و مشيت بس العربية اليومين دول غالية فى كل حته
و انا اللى خسرت
فيا ريت تاخدو بالكو
على فكرة انا لسه بدور على مكان مناسب الاقيها فيه بسعر مناسب
اخوكم محمد

**eg_falcon** · 18-01-2009 11:57 AM

و الله العالم دي مالهاش الا حملة خليها تصدي عشان يعرفوا قيمة المستهلك

**mahmoud_nov1985** · 18-01-2009 12:03 PM

ولسه الفساد والكدب هيعملوا فينا اكتر من كده

**احمد عبدالله** · 18-01-2009 12:22 PM

خليها تصدي

**حماده عزو** · 18-01-2009 12:24 PM

خليها تصدي

+111111111111111111111111111111111

**Amrrr** · 18-01-2009 12:34 PM

انا اشتريت قبل كدة زيرو من التوكيل بتاعه (غبور) & والمرة التانية من المصرية للسيارات
ويفضل التوكيل حتى لو هتستلم بعد فترة وممكن يماطل معاك في اسبوع بعد المدة اللي اتفقتوا بالكتير لكن في النهاية فلوسك مضمونة