ربنا ستر و الحمد لله، لكن؟؟؟

اخواني الاعزاء
من كام يوم كنت ببص تحت العربية و كنت بلاقي فيه نقط زيت، نقط كتير، بحكم عملي و صعوبة اخد اجازة و دوامي الطويل "طنشت على الموضوع" و قلت الله بيستر، و فعلا ربنا ستر.
كنت فاكر انه اللي بينقط ده هو زيت البريك، و اللي اتضح انه زيت الموتور؟
المهم، رحت اغير الزيت، و سالت الراجل قولتله ايه اللي بينقط تحت؟ قالي دة الكرتير (ما اعرفش اسمه كده و الا ايه) و هو اللي بيكون تحت الموتور و فيه الزيت. قاللي ممكن جوان الكرتير بايظ
رحت اشتريت الجوان و السيلكون بتاعه و قلت لصاحبي ياخدها عند ميكانيكي عشان يزبطها.
المهم الحمد لله زبطت، لكن من بعد كده صرت اسمع صوت تسقيف للموتور مع العلم ما تغيرش حاجة على العربية، الا البنزينة.
يا ترى ايه ممكن يكون السبب؟

لو قصدك انك حطيت بنزين من محطة تانية يبقى احتمال البنزين دة مش كويس

MMamdouh

انا مستني حتى يخلص البنزين و امون من مكان ما بمون دايما، بس يعني اذا ما كان البنزين هو المشكلة، تفتكر تكون ايه؟

أكيد البنزين اللى تم تموينة مغشوش...............

البنزين عامل اساسى فى تسقيف الموتور ، او بمعنى اصح كما قال محمد ممدوح استنى لما تفضى خزانك و بعد كدة مون من محطة موثوق فيها زى امارات مصر مثلا ، و بعدها تبتدى تقلق مش قبل كدة .

سلام
انا فعلا غيرت البنزين من بنزينة بفول منها دايما، و للأسف التسقيف لساه زي ما هوه.
مش عارف هيعمل و خايف اروح هنا و الا هنا يقوموا الصنايعية يطلعولي العيوب الشرعية فيها، هيا لسا عاملة 120 الف كيلو و وضعها كويس بس العمر اللي حقه. هيا موديل 96.

اقتباس:

---

المشاركة الأصلية كتبت بواسطة Thaer

اخواني الاعزاء
من كام يوم كنت ببص تحت العربية و كنت بلاقي فيه نقط زيت، نقط كتير، بحكم عملي و صعوبة اخد اجازة و دوامي الطويل "طنشت على الموضوع" و قلت الله بيستر، و فعلا ربنا ستر.
كنت فاكر انه اللي بينقط ده هو زيت البريك، و اللي اتضح انه زيت الموتور؟
المهم، رحت اغير الزيت، و سالت الراجل قولتله ايه اللي بينقط تحت؟ قالي دة الكرتير (ما اعرفش اسمه كده و الا ايه) و هو اللي بيكون تحت الموتور و فيه الزيت. قاللي ممكن جوان الكرتير بايظ
رحت اشتريت الجوان و السيلكون بتاعه و قلت لصاحبي ياخدها عند ميكانيكي عشان يزبطها.
المهم الحمد لله زبطت، لكن من بعد كده صرت اسمع صوت تسقيف للموتور مع العلم ما تغيرش حاجة على العربية، الا البنزينة.
يا ترى ايه ممكن يكون السبب؟

---

هل يا أخى الميكانيكى وهو بيغيرلك جوان الكرتير.....ماححدتش كمية الزيت الباقية جوة الكارتير ولا اية.....وهل لمبة الزيت نورت ولا مش شغالة من الأساس......لأن الموضوع كدة فيه مشكله.....عموما سيبها على الله وكل داء وله دواءه......واحنا متابعين معاك وفى انتظار ردك.......وبرضة عاوز أسألك هل أنت واثق فى الميكانيكى اللى غير الزيت(مايمكن حط زيت مش كويش)....فى الحالة دى ممكن مبدئيا تروح تشترى زيت تانى وبنفسك وتغيرة وتطمن على المقاس يمكن ربنا يسهل ويكون العيب من الزيت وبرضة ركب فلتر زيت جديد.....وياريت تقولنا على التطورات

كمية الزيت كانت ناقصة كتير، يعني يا دوبك كان فيها حوالي 2 كيلو و ممكن اقل شوية. طبعا الميكانيكي هو اللي غيرلي الجوان و انا بنفسي غيرت الزيت، 3.5 كيلو مع تغير فلتر الزيت طبعا برضه الزيت اللي متعود اغيره للسيارة و هو نوعه سوبر شل بلص، معرفش اذا كان فيه بمصر منه او لا.
انا لاحظت حاجة و هي انه التسقيف بيبتدي لما يكون ال ار بي ام على 2 لغاية 2.3 تقريبا.
صراحة انا شاكك انه الرشاشات عندي فيها مشكلة، و مستني فرج ربنا و يكون معي شوية فلوس عشان اغيرهم، و اللي خلاني اشك بالرشاشات (بخاخات) هو انه الماتور بيهز جامد مع اني لسا مغير البوجيهات و الاسلاك بتوعهم.
آسف على الإطالة

لا أسف ولا حاجه ...وتابع الأداء ولو فيه مشكله قلنا علشان نفكر معاك