اية اخبار المثلث العاكس و شنطة الاسعافات ... ؟

يا شباب اية اخبار المثلث العاكس و شنطة الاسعافات ياحسن احنا خلاص قربنا من اول فبراير ..
اللى عندة اى معلومة يفيدنا :satelite:

هقولك انا
غالبا يااما هيمدوها تاني او هيصهينو علي الحكاية دي
وبجد عن ثقة يعني مش هتخرج عن الحلين دول وبكرة تشوف

المثلث والاسعافات عملو حوارات عليها وودلوقتى مش بسمع عنها اى حاجه هما شكلهم كده نفضو

ياباشا هم لموا الا عايزين يلموة ولم يحبوا يلموا تانى هيلموا

الصبح سامع فى الراديو انهم ابتداء من اول فبراير هيعملوا فى ادارات المرور او اماكن قريبه منها بشرط ان تكون مطابقه للمواصفات المصرية علشان المواطن ميلفش ويتعب نفسه فى المثلث والشنطه مطابقه والا لا وسيتم التفتيش عليها حسب كلام السمؤل فى السيارت التى تقوم بالتجديد والسيارت الجديده عند فحص السياره
ده اللى سمعته الصبح يوم 18/1/2009 من الدكتور ايمن الضبع فى اذاعه جمهوريه مصر العربية الساعه 7 الا خمسة

يا مسهل
عاوزين نخلص من الحكايه دي

يعني أخر كلام هايتباعوا في المرور وهايبدأوا التفتيش عليهم من أول فبراير فعلا ولا أيه الاخبار ونظام سعرهم أيه
ياريت اللي عنده أخبار يفيدنا

يا جماعة ما ده الكلام اللي بنسمعه من شهر 6 السنة اللي فاتت .
شكلهم كدة هيفتشوا عليهم فجأة و يعملوها مفاجأة الفالانتين للشعب .

شششششششش
اسكتوا خليهم ناسيين شوية

ييييييييييييييييييييييييي ييييه
مالواحد كان ناسي ايه لازمة انكو تفكرونا
هو الواحد ناقص وجع دماغ
والشنطه والمثلث هايعملوا كام دلوقت ؟؟؟؟؟؟؟؟

اقتباس:

---

المشاركة الأصلية كتبت بواسطة MoToRiZeR

يا جماعة ما ده الكلام اللي بنسمعه من شهر 6 السنة اللي فاتت .
شكلهم كدة هيفتشوا عليهم فجأة و يعملوها مفاجأة الفالانتين للشعب .

---

دي يعني زي الامتحان المفاجيء كعقاب للطلبة هههههههه

لالا ..
لما الناس كلها تلتزم بعدم وضع ملصقات ولا فاميه ولا زينون والحزام مربوط والباشا قفل الخزنة بتاعته ..
يدخلوا على القسم (ب) من العملية الا وهو ( المثلث والشنطة ) ..
علشان محدش يقدر يدفع كل ده مرة واحدة ...:) (تخطيط مستقبلى برده )..

so what we r gonna do
from where we can get them