الموضوع: توب جير تفتتح احدث مركز خدمه لجيلى

السلام عليكم و رحمه الله :

اخوانى الاعزاء فى المنتدى حبيت انقل لكم خبر عرفته امبارح لما كنت بغير سير الديناموا فى عربيتى الفروته رحت على مركز البيلى فى عين الصيره ( مركز خدمه جيلى و هيونداى ) لقيته صحراء جردا مفيش حد هناك ( علشان صاحبه مدفعش للعمال و المهندسين مرتباتهم فسبوه ) غير صنايعى و فرد امن و الحاج فاروق ( مدير مخازن قطع الغيار لجيلى ) المهم الحاج فاروق قالى انهم فتحوا مركز ليهم ( توب جير ) فى جسر السويس بعد مركز هوندا و امام مركز اوماترا و قالى ان المركز دا فيه كل قطع الغيار بتاعه كل موديلات جيلى فى مصر فقولت اقولكم علشان الكل يستفيد و انشاء الله هحاول اروح قريبا اشوفه و اعرف فعلا الكلام دا حقيقى ولا لا .

ربنا يسهل إن شاء الله لما اروح هكتب كل اللى حصل علشان كدا انا مستنى اجمع كل اللى عايز اعمله فى العربيه علشان التقييم يكون من كل الجوانب .