باعتباري خبير في أكل المطبات و الحكات
اسمحلى اتصدر الردود و أسجل خبرتي المتواضعة
أولا : نوع العائق
العوائق البارزة أقل ضررا من الحفر و النقر بالذات على المساعد لأن الحفرة بتحاول تتني المساعد و المقص و المساعد مفرود انما المطب بيكون المساعد مقفول....
ثانيا : طريقة تلقى العائق
لو المطب متوسط الارتفاع و انت على سرعة متوسطة (بتاع 60-80) مثلا يبقى ممكن تاخده بالجنب -شرابوللي- بس في الحقيقة الموضوع ده مش بيساعد
بالعكس ده بيخلي الحمل مرة كاملا على العفشة اليمين و بعدها كاملا على العفشة الشمال و أن لا أنصح بيه
ولكن ...لو المطب عااالي (كوبري بترابزين) و انت على سرعة قليلة يبقى الأفضل تاخده شرابوللي علشان ما تحكش وسط العربية فيه
انما ....مطب عالي و سرعة عالية و تاخده شرابوللي يبقة ممكن تتصل بالونش ييجي ياخدك لأنك هاتكسر مقص و هاتتقلب على جنبك ان ما كانش على أم رأسك .
ثالثا : الأضرار
غالبا المساعد بيضرب من كتر الهرت فيه و خصوصا المدقات
المقص هو اللي بيتكسر من الرزعة الجامدة
بلاش تحود في و تكسر جامد قبل المطب علشان الكبالن
طبعا كراسي الموتور و كراسي الفتيس بتتهلك من المطبات و بتحتاج تتغير
و الله من وراء القصد
المفضلات