افيو تجمع محليـــــــــــــــــــــ ـــــــــا

**mtema99** · 17-08-2007 02:44 PM

و حياتك الخوف لان فيه ناس كتيره دماغها غريبه فمصر ده غير الشويه التانيين اللي بينضحك عليهم

**mina_ramsis** · 17-08-2007 02:46 PM

فعلا الاسعار غالية شوية و كان المفروض تقل عن كده بس اللى خلى الماتريكس تتجمع فى تركيا و تغلى 4 اللاف جنيه مش هيخلى منصور يزود سعرها بعدين هيا مازديتش و لا حاجة هيا كانت ب 74 الف و لسة 74 الف بس تجميع مصرى و هذا اذا دل على شئ يدل ان اسعار العربيات كلها موديل 2008 هيبقى ولعة السؤال هنا ايه مصير الناس اللى شاريه التقفيل الكورى اذا باعوا عربياتهم دلوقتى هل الحركة ديه هتقلل من سعرها و لا تزودها و لا ملهاش تأثير

**memo_hefnawy** · 17-08-2007 02:47 PM

يا جماعه عايز أوضح نقطة :

تجميع جى إم حاجة و تجميع أى توكيل محلى حاجة تانية

يعنى جى إم بتجمع بنفسها فى مصر - دايو أبو الفتوح هو إللى بيجمع - بيجو بعض الموديلات أباظة بيجمعها على خطوط الهيئة العربية - هيونداى غبور هو إللى بيجمع - بى إم بفاريا (هنا غير بى إم بره) هى إللى بتجمع

و بالتالى مستوى الجودة مختلف تماما لما يكون مصنع تابع للشركة الأم من مصنع تابع للوكيل المحلى إللى عايز ضرب النار

**mtema99** · 17-08-2007 02:49 PM

معترضتش
انا اعتراضي الاول عن السعر

**Ahmed Anwer** · 18-08-2007 03:00 AM

النهاردة نزل إعلانات في الأهرام و الوسيط عن الأفيو المجمعة محلية
في خبر حلو أوي في الإعلان إنهم هينزلوا منها أتوماتيك و دي ميزة جامدة كانت تنقص تلك السيارة و حاجة بقت هامة جدا لمعظم المستهلكين حاليا ( الأتوماتيك)
و الخبر الوحش إنهم منزلوش سعرها عن سعر اللي كانت كوري ، مش عارف بقه ده استهبال و لا نصاحة و لا جس نبض و بعدين هينزلوا سعرها ، الأفيو المانيوال المستوردة فول أوبشن كانت 74000 و دلوقت برده اللي مجمعة في مصر بنفس السعر يبقي إيه بقه فايدة التجميع المحلي ما كانوا يستوردوها أحسن ؟؟؟
و ايه هيبقي اثر ده علي السوق ، خصوصا إن الفئة السعرية دي هي أكثر فئة شعبية في السوق و فيها اللانوس و الفيرنا و الإسبرانزا ، يعني كلها عربيات مجمعة محليا ، بس بتهيألي إن الأفيو كان لازم ينزلوا في سعرها خمستلاف جنيه علي الأقل عشان تكون منافسة للسيارات دي لأن الألف جنية بتفرق في الفئة دي جامد ، طبعا ألأفيو فيها ميزات عن العربيات دي ألإسبرانزا صيني و تجميع مصري يعني اللي يشتريها واحد قلبه جامد قوي والفيرنا واللانوس موديلات توقف إنتاجها في بلادها من زمان غير إن في ناس كتير ليهم مآخذ عليها
أتوقع إن غبور هينزل سعر الفيرنا لأنه ناصح و مبيسمحش بمنافسة خاصة في الفئة دي ،
ويا تري بقه هيدخلونا في مشاكل التجميع المحلي ، قوائم الإنتظار ، عيوب التقفيل ، الدهان المصري اللي مش قد كده إطلاقا و لا هما دارسين الموضوع كويس و هينتجوا حاجة كويسة خصوصا إن جنرال موتورز من أوائل مصنعي السيارات في مصر خصوصا سيارات النقل اللي مكتسحة السوق.
أتوقع أيضا إن في عربيات هتتأثر جامد زي السيريون اللي كان ناس كتير بيشتروها عشان الأتوماتيك بس
و أتمني بعد كده إنهم يعلنوا عن الخطوات دي قبلها بشوية عشان أنا لسه شاري فيرنا 1600 أتوماتيك رغم إني كنت معجب جدا بالأفيو و مجبتهاش عشان بس الأتوماتيك
و النبي يا جماعة محدش يرد و يقول الأفيو لانوس متنكرة عشان الكلام ده مش منطقي و حتي لو كده يبقي دي ميزة للأفيو مش عيب إنها وريثة سيارة ناجحة نجاح باهر في مصر مع شكل جديد و صالون حكاية و علامة تجارية زي شيفرولية
أتوقع الخطوة الجاية إنهم هيجمعوا الأوبترا في مصر و لو ضبطوا سعر العربيتين دول منصور هيكتسح السوق

**mtema99** · 18-08-2007 03:04 AM

أتوقع أيضا إن في عربيات هتتأثر جامد زي السيريون اللي كان ناس كتير بيشتروها عشان الأتوماتيك بس

مش شرط فيه ناس هتفضل تشتري الدايهاتسو عشان بتحبها لان ليها شكل خاص

**Ahmed Anwer** · 18-08-2007 03:05 AM

إلي hoko_mosha
بالعكس الناس اللي شارية الأفيو الكوري هيستفيدوا جامد عشان عربياتهم فيها ميزة التجميع الكوري اللي مش هيبقي موجود بعد كده يعني عربياتهم هتبقي أحسن في البيع