السلام عليكم
الحمد لله اشتريت بيجو 305 و العربيه ما شاء الله جاامده ، و ان شاء الله تكون عند حسن ظني للنهاية
عايز أدهنها دهان نضيف و بسعر مناسب ، ياريت تذكرولي أنواع خامات الدهانات النضيفه ، و تكلفة كل واحد منهم ، و المدة اللي بيأخذها البوهيجي للدهان
علشان أكون علي دراية بالتكاليف قبل ما أروحله ،
و لو ممكن تذكرولي التظبيطات اللي ممكن أعملهالها عامة علشان أحافظ عليها من البارومة و علشان الترويشات بشكل عام و التكاليف بالمره :36_1_1[1]:
الف مبروك العربيه أنا بجد فرحان لإن الناس بدأت تشكر في العربيه دي لإني بقالي فتره بقنع الناس إنها عربيه حلوه ومفيش حد مصدق غير الي جربها علي العموم أنا عربيتي لونها أبيض مائل للأصفر مشهور بإسم أبيض سن فيل أنا راشش العربيه هنا في المنصوره بس الدهان بجد نظيف ولما بييجي علي العربيه أقل نور العربييه كلها بتلمع وبيكون لونها جميل جدا
مش عارف قد إيه المده الي بتحتاجها العربيه عشان تترش بس لازم تترش ببوتامين عشان البرومه
باشا لو حضرتك تقدر تيجي المقابله الاحنا متفقين عليها ده يبقي شرف لينا
و نتكلم بشكل اوسع عن المشاكل و المزايا
الله يبارك فيك يا باشا و دي نتيجة صلاة الإستخاره ثم نصائحكماقتباس:
المشاركة الأصلية كتبت بواسطة kzizo
هل الرش ده دوكو ولا ايه ؟ و كلفك كام ؟ و ياريت اسم المكان اللي عملته فيها
نور باشااقتباس:
المشاركة الأصلية كتبت بواسطة Nour_Peugeot
الشرف ليا طبعاً
هحاول ان شاء الله بس معتقدش في المقابله دي لأني مش في القاهره حالياً و مرتبط بأعمال كتير في الفتره دي
بإذن الله لو فيه فرصه هحضر
الدهان بيتوقف على حالة الدهان القديم ونضافة السمكرة
بمعنى لو العربيه فيها مناطق شيلة معجون كتير فى مناطق كتير زى السقف والكبوت فبيضطر البوهيجى لتنزيلها على الصاج ولو فيه كدا انصح بتنزيل العربيه كامله على الصاج عشان يكون شغل على المضبوط
وتتأسس من اول وجديد وفى الحاله ديه هتفرق معاك فى المعجون والبطانات والسنفرة والتنر
لكن لو حاله صاجها فبريكة فى معظم المناطق ومش شايله معجون هتحتاج لوش نضافة خفيف ومش هتكلفك كتير
والدهان نوعين عادى وميتالك يعنى اللون مضاف اليه صدف عاكس حبيبات
هتحتاج فى حدود 1.5 بويا وزيهم ورنيش وكام علبة معجون ستوك وكيلو معجون دوكو و1/4 صنفرة ولزق وجرايد وهتستغرق يومين
لكن فى حاله شد العربية على الصاج هتحتاج نفس الكميات لكن زياده فى المعجون يعنى عشرة أستوك و2 معجون دوكو ويجى نص ك صنفرة وبطانات يجى 2ك وبلاك وكرتونه تنر ولزق وجرايد
بالنسبة لنوع الدهان فهو نوع واحد محبب للمصريين وهو أكوا
والمعجون ميدو أستك وبلاك كابسي والباقى سايب بالكيلو
ك ميتالك 90 ج
ك عادة 60 ج
علبة أستك 12 ج
بطانة ك 29 ج
البلاك ك ب 10 ج
يعنى المونة عالى الصاج هتكلفك فى حدود 700 جنيه وتستغرق أسبوعين والمصناعيه فى حدود600-650
لكن لو وش نضافة هتكلفك مونه فى حدود 350 ج ومصناعية 300 ج
وبس ياسيدى
كفيت ووفيت يا هيرو :)
أى خدمة ياوليد باشااقتباس:
المشاركة الأصلية كتبت بواسطة walids
و عيزين نشوفك برضه فى المقابلة
باشا الله يكرمك قولى الحاجات دى ممكن تتعمي فين فى الزقازيق علشان انا من الزقازيق وعاوز اشد العربية وياريت لو تقلى مين بتاع البويات اللى ممكن اجيب من عندةاقتباس:
المشاركة الأصلية كتبت بواسطة the-hero
فيه واحد عند شارع لكوز بعد الجامع بشارع انت جاى من الزراعة
وفيه واحد عند مزلقان طريق هرية
جزاء الله خيرا والف شكر على الافادةاقتباس:
المشاركة الأصلية كتبت بواسطة the-hero