الكاوتش بتاع الزجاج الخلفي للعربية بتاعتي كان شايط ومتقطع فقلت أغيره. الراجل قال لي الكاوتش الجديد بيتباع بالمتر. أنا قلت مش مشكله ومسألتش عن السعر(قلت في بالي يعني الموضوع كله حيتكلف 20 جنيه بالكتير) وخليته يركب.

الراجل فك الكاوتش القديم وجه يركب الكاوتش الجديد قصَّر معاه واتضطر يركب حته كمان ويلحم بسيليكون. قلت له كان المفروض تفيس الطول قبل ما تشيل الكاوتش القديم (اللي اتفرول خالص ومينفعش يركب تاني) وتقيس الكاوتش اللي عندك وتشوف حيكفي ولا لأ. قال لي يا باشا نركب الكاوتش ده وفي أي وقت اركبلك بدلاله حته واحده.

المهم استلمت على كده بس لما جيت احاسب قال لي 55 جنيه (المتر ب 20 جنيه)

اديته 50 جنيه ومشيت.
شوية كاوتش ب 50 جنيه؟ ايه رأيكم؟