حد جرب ياخد قرض قبل كده؟

**M.Gamaledeen** · 19-01-2009 02:20 PM

المشاركة الأصلية كتبت بواسطة نور القمر

نصيحة بناءاً على تجارب الكثير من معارفي بلاش موضوع القروض
في الاخر نتيجته خسارة مؤكدة ومتاهة ووجع قلب مع البنوك
قرايبي اخدو قروض بضمان اراضي كانت النتيجة انهم خسروا القرض والاراضي بسبب الفوايد والفوايد المركبة

عايز أقولك ان مش في قروض البنك بس ممكن الواحد يخسر كل حاجة

المهم اننا قبل ما نعمل اي خطوة نعرف إمكانياتنا ايه وهانقدر عليها ولا لأ

**fady.bekatcho** · 19-01-2009 03:11 PM

انا عن نفسى لما جيت اخد قرض كان المبلغ موجود بس مش عايز اطلعة مرة واحدة وهو لما جيت اشترى العربية

فخد قرض من البنك بضمان شهادة

وكان بياخد ارباحه من الشهادة نفسها يعنى فوايد القرض كان بياخدها من فوايد الشهادة واسدد انا قيمة القرض بس

بس تفصيلة بالظبط مش فاكرها لان والدتى هيا الى عملت الموضوع كلة

**NaderNabil** · 19-01-2009 04:19 PM

المشاركة الأصلية كتبت بواسطة ahmodium

ربنا يهديك

علي أساس اني مجنون أو ضليت الطريق؟؟؟
بلاش يا دكتور الكلام الكبير ده....الحمد لله انا عارف كويس الكلام اللي بفكر فيه و حاسبها من كل ناحية....مش معني ان حضرتك مقتنع بحاجة يبقى اللي مش ماشي بيها أو مش مقتنع بيها يبقي غلط !!!

الأفضل أن تثق بالله......زي ما إنت كاتب في توقيعك

الحمد لله ثقتي بربنا ملهاش حدود....
و جملة حضرتك مش في محلها :)