سلوك قذر(حرفياً، بمعنى الكلمه)

النهارده كنت سايق ورا واحد راكب مرسيدس C-Class ولقيته رمى كيس كبير فيه طرشي وأكل تاني. الشارع أساساً نضيف وحتى لو مش نضيف فده سلوك قذر. المهم فضلت وراه بحاول آجي جنبه. جيت جنبه وفتحت الزجاج وقلت له "اللي حضرتك عملته ده اسمه قذاره"
طبعاً الراجل اتخض ومفهمش حاجه قلت له "الأكل اللي أنت رميته ده!". الراجل احرج ومعرفش يقول حاجه. سيبته ومشيت.

رمي أي حاجه في الشارع شيء مستفز وخصوصا لو كان أكل. واللي بيغظني أكترهو أنه اللي بيعمل كده وهو راكب عربيه كأنه مش هامه البني آدمين اللي ماشين في الشارع على رجلهم. ماهو راكب عربيته مش مهم لما يكون الشارع مزبله أبوه.

اليه رأيكم؟

معاك 100% فاللى عملته وكويس انك احرجته عشان ما يعملهاش تانى
واحد تانى كان هايشتمه فسره وخلاص لكن برافو عليك فعلا انك عملت كده

اقتباس:

---

المشاركة الأصلية كتبت بواسطة tottiti

معاك 100% فاللى عملته وكويس انك احرجته عشان ما يعملهاش تانى
واحد تانى كان هايشتمه فسره وخلاص لكن برافو عليك فعلا انك عملت كده

---

كلام صح 100%
يارب كل الى يشوف حاجة شاذة يعلق و لو بكلمة
شكرااا لكم جميعا

اللي عمله أمر سئ و ده امر مفروغ منه طبعا :fdsa:

أحييك علي إيجابيتك و الله و ربنا يكتر من امثالك

:)

فعلا تصرف سليم جدا من حضرتك و نفسى كلنا اللى نشوف حاجة غلط نتعامل معاها

بس معلش سؤال برة الموضوع

لو اللى عمل كدا كان واحد راكب مثلا عربية قديمة او غلبانة هل كنت هتروح تزعق له و تقوله اللى رميته دا غلط ؟؟

اقتباس:

---

المشاركة الأصلية كتبت بواسطة Rsarabia

فعلا تصرف سليم جدا من حضرتك و نفسى كلنا اللى نشوف حاجة غلط نتعامل معاها

بس معلش سؤال برة الموضوع

لو اللى عمل كدا كان واحد راكب مثلا عربية قديمة او غلبانة هل كنت هتروح تزعق له و تقوله اللى رميته دا غلط ؟؟

---

أعتقد أيوه :)

ذكري لنوع عربيته كان لسبب.
نوع العربية مؤشر للمستوى الاقتصادي والذي
في الأغلب (وليس بالضرورة) يدل على مستوى اجتماعي وتعليمي المرتفع.

يعني بكلمات أخرى، عندما أرى سيارة فارهه، فاني اتوقع أن سائقها (في الأغلب) ذا وعي ثقافي وتحضر.

طبعاً ليس بالضروة أن اللي راكب عربية قديمة متهالكه أقل وعي وتحضر

طبعا ده منظور طبقي لا انكره. وقد يكون تصرفي ده يحمل بعض الغبطه.

في حاجه عايز أقلها بس مش عارف أقلها بالعربي ف حقولها بالانجليزي.

Wealthy societies can "afford" to be civilized and self-disciplined. Poverty tend to cause crudeness and indecency. On the other hand, some rich people have apathy and lack empathy. Which I guess was the case of that guy in the Mercedes-Benz

لانه من............
ولو انه فى بلد اوربى وديموقراطى ترى هل كان يستطيع فعل ذلك؟

انت والله عندك حق

احنا امبارح 19 - 1 - 2009
كنا فى القاهرة
وجبنا اك لومشروب واكلنا فى العربية ووالله اتحرجنا نرمى فتفوتة من الشارع كنا ماشين فى صلاح سالم عند عمارات العبور تحديدا وبصراحة الشارع ميسمحش نعمل فيه حاجة كده خاصة انه شريان البلد
ولو كنا رمينا حاجة كان بتوع مصر قالوا شوف الدمايطة
بس الحمد لله
ومرميناش حاجة الا لما رجعنا دمياط امبارح بالليل واحن ا بنظف العربية وبنطلع حاجتنا

كويس انة ماقالش
دى زبالة يا جاهل
زى اعلان يونس شلبى زمان
:B4_556::B4_556::B4_556:

اقتباس:

---

المشاركة الأصلية كتبت بواسطة itsonlyme

ذكري لنوع عربيته كان لسبب.
نوع العربية مؤشر للمستوى الاقتصادي والذي
في الأغلب (وليس بالضرورة) يدل على مستوى اجتماعي وتعليمي المرتفع.

يعني بكلمات أخرى، عندما أرى سيارة فارهه، فاني اتوقع أن سائقها (في الأغلب) ذا وعي ثقافي وتحضر.


[/LEFT]

---

انا برضه كنت فاكر كده ....ههههه

لكن لقيت ناس حاطين بادج جامعة المنصورة ( يعنى دكتور او معيد فى الجامعة ) و بيمشوا عكس الطريق...و بيرموا فى الشارع ...عادى يعنى .. بي ام او كاررو مش فارقة المهم البيئة اللى الكائن اللى سايق اتربى فيها !

الله ينور يا باشا و يا ريت كل الناس تاخد موقف زى حضرتك كان كل شىء انصلح حاله

احييك على ايجابيتك يا ريت كلنا نبقى كدة

انا لقيت مرة بوكس شرطة بيرمى زبالة فى جنب الشارع

sad but true

انا رمضان اللي فات ساعة السحور لقيت ناس فارشين فول و طعمية عالعربية و مقعدين عيالهم ياكلوا عالسقف .

بس ده عادي لأن مفيش أفراد في بلدك إلا قليلاَ ، عندهم أي نوع من المسئولية الإجتماعية .

ماهو الكلاكس عمال علي بطال قذارة، الجري الجنوني قذارة، الغرز سلوك قذر، المشي عكس سلوك قذر، عدم وجود طابور في أي شئ و محاولة سرقة الدور سلوك قذر، الواسطة سلوك قذر .

يعني تقدر تقول إن عدم المسئولية تجاه المجتمع اللي إنت عايش فيه بتحوله بشئ أشبه بصفيحة زبالة ملموم عليها الدبان .

بس احلى حاجة انك عرفتة غلطة يمكن دة يخلية مايعملش كدة تانى

i also think it it independant on the man not on the car model

sorry
its dependant on

اقتباس:

---

المشاركة الأصلية كتبت بواسطة MoToRiZeR

sad but true

انا رمضان اللي فات ساعة السحور لقيت ناس فارشين فول و طعمية عالعربية و مقعدين عيالهم ياكلوا عالسقف .

بس ده عادي لأن مفيش أفراد في بلدك إلا قليلاَ ، عندهم أي نوع من المسئولية الإجتماعية .

ماهو الكلاكس عمال علي بطال قذارة، الجري الجنوني قذارة، الغرز سلوك قذر، المشي عكس سلوك قذر، عدم وجود طابور في أي شئ و محاولة سرقة الدور سلوك قذر، الواسطة سلوك قذر .

يعني تقدر تقول إن عدم المسئولية تجاه المجتمع اللي إنت عايش فيه بتحوله بشئ أشبه بصفيحة زبالة ملموم عليها الدبان .

---

معاك حق بس ياريت كلنا نبدء نوعى ونغير سلوك الناس :S_thum1[1]:

حضرتنى نكته بخصوص مشاركتك
فى احد الدول المتقدمة ( مش هنا طبعا ) .. البصق من الشباك غرامة 5 ج
فكان هناك سيارة بصق صاحبها مش الشباك فالمرور مسكه وقال له عليك غرامة 5 جنيه .. اعطاله 10 قال الضابط معيش فكه قال له وانا ايضا معييش فكه قال الضابط والحل ؟ .. قال له السائق خلاص اتفووووو ... خالصين

انا لو مكانك احدف عليه جامد لحد ما يحك فى سور او يلبس فى حد عشان يعرف النظافة مش بس فى السواقة او بنوع العربية النظافة نظافة الروح والنفس
اخوكم يوسف

دلوقتي محافظة القاهرة وبتعاون مع هيئة النظافة في غرامات تترواح من 1000 الى 5000 جم لاي حد بيرمي اي حاجة في شارع
سواء عربية ملاكي او نقل

تخيلوا وانا فى طريق القاهرة - الاسماعيلية
وتحديدا على كوبرى العاشر من رمضان
عربية BMW
الفئة السابعة
اخر حاجة
زجاج فامية
لوحة معدنية تحمل رقمين فقط
هيئة سياسية
واتفاجىء
بفتح الزجاج
والقاء كمية من المخلفات رهيبة على الطريق
كانز-ورق ساندوتشات-وعلبة سجائر
تخيلوا حينما تنتج القذارة من اهل الاحترام والرقى
:120146b