التجميع المحلى لافيو

**محمدايهاب** · 19-08-2007 04:02 AM

أنا كمان انتبهت لحكاية الأوتوماتيك بتاعت الأفيو و دي نقطة لصالح العربية لكن أما تكون المانول الفاضية ب69990 ده أسمه استهبال فعلا و أنا أتوقع أن سعر الأفيو ينزل لغاية 64 على الأكثر خاصة أن منصور فعلا من أذكى الوكلاء في مصر و أكثرهم قدرة على تسويق العربيات مثلا اشتري عربية شيفرولية و ادخل سحب مع 50 شاري على عربية أفيو - تنزيل سعر الأوبترا الهاتشباك السبور إلا85 - تنزيل سعر الأفيو في فترات كتيير على مدار السنة إلا 69 ( عروض سابقة )كل دي عروض ممتازة تدل على قوة الوكيل و الدليل هو انتشار المفاجئ للأفيو و الأوبترا و أتوقع عروض أقوى من منصور شيقرولية

**شريف** · 19-08-2007 11:32 AM

ثانيا مصنع GM لا يقارن بمصنع غبور
لأن GM هي الشركة الأم المالكة للمصنع ومعندهاش التهريج بتاع المجمعين الآخرين وأظن زيادة الضمان دليل على ذلك وأظن الحكم على الأفيو المحلية لسه شوية

بس العامل المصرى مشترك فى الاتنين

**ahmed1981** · 19-08-2007 02:54 PM

المشاركة الأصلية كتبت بواسطة شريف

ثانيا مصنع GM لا يقارن بمصنع غبور
لأن GM هي الشركة الأم المالكة للمصنع ومعندهاش التهريج بتاع المجمعين الآخرين وأظن زيادة الضمان دليل على ذلك وأظن الحكم على الأفيو المحلية لسه شوية

بس العامل المصرى مشترك فى الاتنين

لكن رقابة الجودة تفرق من مصنع لآخر
ومشكلة كل مصانع السيارات في مصر هي رقابة الجودة
وأظن GM رقابتها أفضل من المحليين لأن فكرها عالمي مش محلي فقط
والله أعلم

**محمدايهاب** · 20-08-2007 11:33 PM

فعلا عروض المنصور للعربيات مذهل و في عرض سمعته في الراديو و هو أشتري الشيفروليه الدبابة و اكسب 3 جنيهات دهب

**Ahmed Anwer** · 20-08-2007 11:47 PM

الأهم إنهم كاتبين في إعلاناتهم إنهم جايبين وحدة دهانات من أحدث الوحدات في العالم
عشان بصراحة غبور شكله كده بيدهن عند الأسطي عبده في عابدين ، دهان يقرف الصراحة بيجرح من أي حاجة ، و تلاقي الدهان مغبر تحت الرفارف و المرايات تلاقي حته موصلهاش الدهان و يدوب مبخبخ عليها

**mohey** · 22-08-2007 10:32 AM

يجماعه خلو بالكم منصور بيجمعها هنا الأن لأن خط الإنتاج فى كوريا تم تغيره لشكل جديد يعنى الإفيو فى باقى العالم هتكون ذات شكل أحدث من الذى سيتم تجميعه محلى
وطبعاً هتلاقى منصور إشترى الخط القديم برخص التراب وركبه فى مصر لتحقيق أرباح مضاعفه على قفانا .
وإلا لماذا لم يجمعها بالشكل الحديث المعلن عنه فى كوريا ؟
الحاجة التانيه أن التكيف بيكتف العربيه وذلك من سابق خبرة أكثر من مالك للسيارةفكيف سيكون الوضع مع الأتوماتك
الحاجة الثالثة السيارة مازالت تحتوى على موتور اللانوس ذو 8 صمامات 1500 CC 75 حصان وهو يعتبر موتور ليس بالحديث فى ظل الإتجاه إلى المواتير ذات ال16 صمام الأفضل أداء.

**شريف** · 22-08-2007 03:01 PM

الحاجة الثالثة السيارة مازالت تحتوى على موتور اللانوس ذو 8 صمامات 1500 CC 75 حصان وهو يعتبر موتور ليس بالحديث فى ظل الإتجاه إلى المواتير ذات ال16 صمام الأفضل أداء.

هو فعلا موتور اللانوس اللى مبنى على موتور الكورسا تسعينات و هو موتور اداءة كويس بس مش عارف فى الافيو عامل ازاى (وزن السياره تقريبا 1100 كجم ) و دة اكتر من اللانوس و فى تعديلات تانية بتقلل طاقة الموتور

**Abohmaid** · 22-08-2007 11:53 PM

طب ياريت يا جماعة اية الراى النهائى فى العربية دى انا خلاص كنت ناوي اشتريها (الكوري) ياريت اخر كلام علشان انا محتار جدا

**Hesham A.Megid** · 23-08-2007 12:22 AM

يا جماعه منصور بيهرج...انا كنت في التوكيل النهارضه و قالولي ان الاسعار كالتالي:

M/T air con, power steering and cassette: 74,000
M/T full options: 76,000
A/T full options: 83,000!!!!!

علي فكره, ال automatic فيها حاجات كتير زياده عن ال manual و بصراحه عجباني اوي بس السعر مبالغ فيه جدااااااا....مش شايف اي سبب مقنع انها تبقي اغلي من ال verna ب 10,000 جنيه, و متور ال verna احسن من متور ال aveo مييييت مرة!

الشكل الجديد لل aveo :
http://www.automobilemag.com/auto_sh...hevrolet_aveo/

**eng_amrazek** · 23-08-2007 09:09 AM

افيدونا يا اهل الخير
الاوتوماتيك الجديدة الواحد يتكل على الله و يشتريها ولا ايه؟؟؟؟؟؟؟
و انا كنت سالت فى منصور من ثلاثة ايام و قالوا ب 80000جنيه
ارجو الافادة