التجميع المحلى لافيو

**dr_mohamed2007** · 17-08-2007 12:58 PM

انا كنت ناوى اشتريها لكن بعد التصنيع المحلى صرفت نظر اولا للعيوب التى سمعت عنها فى التجميع المحلى كما حدث مع الفيرنا وثانيا بسبب السعر كما هو لم يتغير المفروض ان يقل السعر بعد التجميع المحلى ما رايكم ؟؟؟

**eng/muhamad** · 17-08-2007 02:35 PM

عندك حق
فكر فى كيا ريو عربيه ممتازه

**bassam nagy** · 17-08-2007 05:31 PM

سعرها مبالغ فية اوى

**hero** · 17-08-2007 05:38 PM

هو السعر كام يا جماعه.....انا شفت في ملحق السيارات انة بيبتدي من 69 وشوية...

**bassam nagy** · 17-08-2007 05:42 PM

سعرها 69990

**osman hisham** · 17-08-2007 08:57 PM

د.محمد ....... لو حتشترى اليومين دول ممكن تلاقى الأفيو الكورى عند المعارض

**Ahmed Anwer** · 18-08-2007 02:57 AM

النهاردة نزل إعلانات في الأهرام و الوسيط عن الأفيو المجمعة محلية
في خبر حلو أوي في الإعلان إنهم هينزلوا منها أتوماتيك و دي ميزة جامدة كانت تنقص تلك السيارة و حاجة بقت هامة جدا لمعظم المستهلكين حاليا ( الأتوماتيك)
و الخبر الوحش إنهم منزلوش سعرها عن سعر اللي كانت كوري ، مش عارف بقه ده استهبال و لا نصاحة و لا جس نبض و بعدين هينزلوا سعرها ، الأفيو المانيوال المستوردة فول أوبشن كانت 74000 و دلوقت برده اللي مجمعة في مصر بنفس السعر يبقي إيه بقه فايدة التجميع المحلي ما كانوا يستوردوها أحسن ؟؟؟
و ايه هيبقي اثر ده علي السوق ، خصوصا إن الفئة السعرية دي هي أكثر فئة شعبية في السوق و فيها اللانوس و الفيرنا و الإسبرانزا ، يعني كلها عربيات مجمعة محليا ، بس بتهيألي إن الأفيو كان لازم ينزلوا في سعرها خمستلاف جنيه علي الأقل عشان تكون منافسة للسيارات دي لأن الألف جنية بتفرق في الفئة دي جامد ، طبعا ألأفيو فيها ميزات عن العربيات دي ألإسبرانزا صيني و تجميع مصري يعني اللي يشتريها واحد قلبه جامد قوي والفيرنا واللانوس موديلات توقف إنتاجها في بلادها من زمان غير إن في ناس كتير ليهم مآخذ عليها
أتوقع إن غبور هينزل سعر الفيرنا لأنه ناصح و مبيسمحش بمنافسة خاصة في الفئة دي ،
ويا تري بقه هيدخلونا في مشاكل التجميع المحلي ، قوائم الإنتظار ، عيوب التقفيل ، الدهان المصري اللي مش قد كده إطلاقا و لا هما دارسين الموضوع كويس و هينتجوا حاجة كويسة خصوصا إن جنرال موتورز من أوائل مصنعي السيارات في مصر خصوصا سيارات النقل اللي مكتسحة السوق.
أتوقع أيضا إن في عربيات هتتأثر جامد زي السيريون اللي كان ناس كتير بيشتروها عشان الأتوماتيك بس
و أتمني بعد كده إنهم يعلنوا عن الخطوات دي قبلها بشوية عشان أنا لسه شاري فيرنا 1600 أتوماتيك رغم إني كنت معجب جدا بالأفيو و مجبتهاش عشان بس الأتوماتيك
و النبي يا جماعة محدش يرد و يقول الأفيو لانوس متنكرة عشان الكلام ده مش منطقي و حتي لو كده يبقي دي ميزة للأفيو مش عيب إنها وريثة سيارة ناجحة نجاح باهر في مصر مع شكل جديد و صالون حكاية و علامة تجارية زي شيفرولية
أتوقع الخطوة الجاية إنهم هيجمعوا الأوبترا في مصر و لو ضبطوا سعر العربيتين دول منصور هيكتسح السوق

**mina_ramsis** · 18-08-2007 11:02 AM

حرام عليك يا احمد هتخسرنى كتير اذا جمعوا الاوبترا محليا :D :D :D

أتوقع الخطوة الجاية إنهم هيجمعوا الأوبترا في مصر و لو ضبطوا سعر العربيتين دول منصور هيكتسح السوق

**Ahmed Anwer** · 18-08-2007 03:44 PM

يا باشا قلتلك قبل كده مش هتخسر و لا حاجة بالعكس
بعدين سيادتك شايفهم أصلآ منزلوش سعرها عن المستورد

**ahmed1981** · 19-08-2007 12:02 AM

المشاركة الأصلية كتبت بواسطة dr_mohamed2007

انا كنت ناوى اشتريها لكن بعد التصنيع المحلى صرفت نظر اولا للعيوب التى سمعت عنها فى التجميع المحلى كما حدث مع الفيرنا وثانيا بسبب السعر كما هو لم يتغير المفروض ان يقل السعر بعد التجميع المحلى ما رايكم ؟؟؟

هو فعلا المفروض سعرها كان ينزل شوية لكن جايز ده يحصل قريب يمكن
ثانيا مصنع GM لا يقارن بمصنع غبور
لأن GM هي الشركة الأم المالكة للمصنع ومعندهاش التهريج بتاع المجمعين الآخرين وأظن زيادة الضمان دليل على ذلك وأظن الحكم على الأفيو المحلية لسه شوية

الموضوع: التجميع المحلى لافيو

LinkBack

أدوات الموضوع

عرض

-

-

-

Re: التجميع المحلى لافيو -

المواضيع المتشابهه

ظهر صوت احتكاك فى الصباح لافيو

تم تغيير تيل فرامل امامي لافيو

تغيير النظام الصوتى لافيو اتوماتيك

بوجيهات هيونداى الاصليه ngk لافيو هاتش باك 2009

الاوبترا المحلى

الكلمات الدلالية لهذا الموضوع

المفضلات

المفضلات

ضوابط المشاركة