لدى مشكلة فى الشاسية ارجو المساعدة

**uhlphp** · 18-01-2009 10:34 PM

لدى سيارة مازدا هاتش باك

معلش انا هاحاول اوصف المكان على قد مقدر
اكتشفت وجود تاكل فى الصاج عند الجزء العلوى فوق العجلة الخلفية هناك قطعتين متقابلتين من الصاج مشين بدورن حول العجلة جزء من الداخل وفى اعلاة مكان تثبيت المساعد والجزء الاخر مقابل لهو وواصل بالرفرف الخلفى ( التاكل عند الفاصل بينهم تقريبا مكان الحام بينهم وهو جزء لا يتعدى مساعة 10 سم .
سئالت ناس قالو ان هذا الجزء عبارة عن غطاء للفراغ الموجود بين الشاسية والرفرف عند العجلة الخلفية مثل الجزء البلاستيك الذى يكون موجود عند العجلة الامامية .

ارجوء معرفة هل هذه مشكلة كبيرة وطريقة علاجها اية وارجو ايضاً توضيح كيف يتم تثبيت الرفرف الخلفى فى السيارات الهاتش باك .

واشكر كل من يتكرم بالمساعدة وافادتى بالراى

**samirayad** · 18-01-2009 10:39 PM

الموضوع دة عاوز....سمكرى سيارات كويس....وبتحصل عادى نتيجة المياة الراكدة وعملية الغسيل للسيارة

**uhlphp** · 27-01-2009 07:11 PM

الاخوة الاعضاء تحية طيبة

ارجو من لديه اى فكرة عن هذة المشكلة ان يتكرم باى توضيح لانى مش عاوز اروح لسمكرى يعمل شغل عليه ويبهدل فى العرابية وتكون المشكلة علاجها بسيط .

لذا ارجو من لدية اى فكرة ان لا يبخل بها

**pro_samir** · 28-01-2009 03:25 AM

شوف اكتر من سمكرى متعتمدش على كلام واحد بس

انزل الحرفيين مثلا وشوف كذا واحد

وكل حاجة بتتعمل و مش بتبان كمان انها معمولة

يعنى حتى الحتة اللى بيربط فيها المساعد دى ساعات بتبقى متاكلة خالص فى عربيات وبيغيروها عادى جدا مش فاكر اسمها البطيخة ولا اية

**uhlphp** · 02-02-2009 12:30 AM

اعادة السئوال يمكن حد يتكرم ويرد علينا

يا جماعة انا ممكن اروح لاكتر من سمكرى واسئلهم لكن هل كلهم كلمهم صح او مش بيحاولو يكبرو الموضوع عشان يعملو شغل

انما انا بسئال على رايكم انتو عشان اخد فكرة ممن لدية دراية بالموضوع عشان لما اروح لحد يكون لديه ولو فكرة تقريبية للموضوع