السلام عليكم يا شباب,
بكره ان شاء الله رايح الأزهر بارك, بس مش عارف الطريق منين, لو حد يكسب فيا ثواب ويوصفلي أروح ازاي؟؟
علما بأني هتحرك من مدينة نصر؟
وهل في أماكن للركن داخل البارك ولا بركن فين ؟؟
مشكوريين جميعا.
عرض للطباعة
السلام عليكم يا شباب,
بكره ان شاء الله رايح الأزهر بارك, بس مش عارف الطريق منين, لو حد يكسب فيا ثواب ويوصفلي أروح ازاي؟؟
علما بأني هتحرك من مدينة نصر؟
وهل في أماكن للركن داخل البارك ولا بركن فين ؟؟
مشكوريين جميعا.
بص انا هشرح لك على حد علمى ...
انت تاخد الاوتوستراد وتفضل واخده على طول وهتعدى على نادى السكة وبعديه نادى المقاولون وبعديه بشوية القلعة وبعد كده هتلاقى الازهر بارك ...
وفى مكان تركن فيه هناك متقلقش ...
تدخل صلاح سالم و تفضل ماشى فية و تطلع كوبرى الفنجرى و تنزل منة و بعدين بحوالى 500 متر و انت ماشى هتلاقى على يمينك مسجد الشرطة اابتدى ارمى شمال عشان هتلاقى نفق الازهر فى وشك هتخش من جنبة شمال و بعد كدة علطول هتلاقى الازهر بارك على يمينك .. و خلى بالك من السلمة المكسورة
اعتقد انه يقصد كوبري الفردوس "فوق ميدان الفردوس" اللي هو بعد كوبري العروبة "كوبري العروبة اللي بيعديك فوق امتداد رمسيس"
http://www.postimage.org/aV36Lbd0.jpg
اسف فعلا قصدى كوبرى الفردوس
هما ولاد الحرام سابوا حاجة لولاد الحلال !! :rfds:
تدخل سينما تلاقى اتنين :k17:
تدخل كافيه تلافى اتنين :k17:
تدخل ملاهى تلافى اتنين :k17:
تدخل النادى تلاقى اتنين :k17:
...
الاماكن اللى الواحد ممكن يروحها ..
يااما تسافر مكان وتقضوا يوم حلو ..
يااما تروحوا مكان خاص بيكم ..
المهم ميكنش مكان عـام ..
الازهر بارك :)اقتباس:
كده مش فاضل غير القسم... حد يعرف قسم نضيف و يكون فيه لعب للأطفال؟؟!!!
والموضوع مش اوفر اوي علي فكره.
..والامن نوعا ما عامل نوع من النظام هناك
المكان جميل جدا وهيعجبك...
الطريق زي ما توصف فوق..
.فيه باركنج داخل البارك ب 5 جنيه العربيه
واعمل حسابك وانت راجع ان اليوتيرن بعييييد جدا...
انا دايما لما بروح بليل الامن بيمنع الناس انها تفضل علي النجيله بذات لو المكان ضلمهاقتباس:
بس بالليل الأمن مش بيكون قد كدة و خصوصا تحت الشجر فى الأماكن الضلمة بيكون فيه بلاوى
__________________
ماهو المشكلة فى الكراسى اللى فى الطرق الضيقة اللى بين الشجر
هتفضل ماشي لغاية اما تلاقي كوبري ماتطلعوش انزل من تحته ولف هو ده اليوترن
مقدرش احدد لك اوى بس تقريبا 3 كيلو فما فوق ده على تقديري
عموما ما تقلقش لان هو اول كوبري هو اللى هتلف من تحته
وبالتوفيق
كدة يبقى انت راجع مدر الجديدة أو مدينة نصر
بعد ما تخرج من الازهر بارك خليك على اليمين و بعد ما يخلص السور بكام متر هاتلاقى طريق فرعى ضيق يمين ادخل فيه
ده هاتلاقيه داخل على نفق شمال من تحت الطريق و هاتطلع تانى على صلاح سالم أو تكمل على طول و تطلع على الاوتوستراد
الف شكر ياباشمهندس محمد على الافاده