مشكلة عدم ثبات الـ Rpm - مازدا 323 فاميلى مو 98

السلام عليكم
انا عندى عربية مازدا 323 فاميلى مو 98 1600 كاملة اوتوماتيك
العربية ممتازة و باحبها جدا بس عندى مشكلة اود سرد تفاصيلها عليكم :
1- احيانا اجدال rpm غير ثابت و بحصلوا رعشة و خصوصا عندما اكون ماشى و اوقف العربيةالمفروض اتة يثبت عند سرع السلانسية بس الاقية يترعش و ينخفض كان العربية حتبطل بس هى ما بتبطلش
2- رحت للجماعة النصابين بتوع غبور و كشفوا على العربية و قاللى ان طلمية البنزين ضعيفة و محتاجين نغيرها قولت ماشى و خرجت دافع 1260 جنية و مشيت بالعربية اول يوم 100%
3- تانى يوم المشكلة ظهرت تانى فاتعكننت و رحتلهم ففوجئت و انا رايح ان العربية اداؤها مثالى و بالطبع المهندس كفتة صبننى و اوهمنى انى بيتهيالى و بعد ما طلعنا و جربنا و حاولت اعفرت العربية بس ما فيش فايدة و نزل و روحت و انا فى طريق العودة عملتها زى ما تكزن خايفة منهم
4- روحت للميكانيكى بلية فقاللى ان الايدل عوز يتنظف فراح فاكة و راشة اسبراى و ركبة تانى العربية زى الفل لمدة اسبوع من الاداء القياسى و بعد كدة بدات تعملها
5- لكن فى الفترة الاخيرة بدات اربط مدى شدة ظهور تلك المحوظة عندما اكون ماشى بالليل و العربية معشقة على ال D او R و اكون فاتح النور و المراوح شغالة لازم تعمل كدة

هل المشكلة عنى فى طلمبة البنزين - الايدل - مشكلة كهربية تكونمحتاجة كتاوت للنور او المراوح و لا اية
ارجوكم افيدونى لانى تعبت و مش عوز يضحك عليا تانى زى ما اضحك عليا فى غبووووور
و اشكر كل من يتعون معى
خالد

يا باشا مشكله بسيطه ان شاء الله

هوا واير عداد السرعه بس قصر شويه عموما هيتيغير كده وبأذن الله المشكله هتتحل والله اعلم

في مفاوضااااااااااااات مستمره لارجاع عضويتي القديمه
nabaster سابقا

اية علاقة واير عداد السرعة بالمشكلة بتاعتى؟
للعلم ان العربية ما فيهاش واير للعداد انما حساس سرعة راكب بفيشة فى ظهر العدادات

انا اسف جدا جدا يا باشا مأخدتش بالي خااااااااالص من انه عداد ال ار بي ام

انا كنت فاكره عداد السرعه وعلشان كده قلت لحضرتك الحل ده انا اسف لسوء الفهم كمان مره

المشكله الاساسيه بقي اسف معرفش ليهل واستني حضرتك راي باقي الاعضاء

تمت الموافقه علي ارجاع عضويتي القديمه بس شكلهم هيعاقبوني اسبوع ده ظلم :ma:

اشكرك جزيل الشكر على ذوقك و اهتمامك

على فكرة واضح انك انت الوحيد اللى يمتلك العربية دى و للاسف انا كمان بافكر اتجنن و اجيب واحده زيها بس موديل 97 كاملة اوتوماتيك لانى تعبت من الماتيوال و الحل انى اجيب عربية مش منتشرة علشان تكون رخيصة شويه.
فحضرتك تنصحنى باية و ياريت تجاوبنى على الاتى :
-رايك الشخصى و من واقع التجربة اشتريها و لا اغير رأيى ؟
-لو هاشترى ايه عيوبها اللى اخلى بالى منها و انا باشتريها ؟
-ايه اخبار قطع الغيار موجود جديد و لا استيراد و لا الاتنين ؟
-قطع الغيار رخيصة و لا غاليه و الاقيها فين ؟
-متوسط السعر لو حالتها ممتازة.
و ربنا يعينك فى مشكلتك

على فكرة مشكلتك دى حصلت مع واحد صاحبى بس عربيته دايو جولييت كورى و كان السبب فيشة او سنسور عايزين يتغيروا بس مشكلة السنسور ده ان صاحبى لازم يجيبوا استيراد علشان الجديد منه مضروب .
على فكرة مشكلتك دى اعتقد ان سببها بسيط جدا بس اعتقد انها مش مشكلة ممكن تضر عربيتك.
-ونفس المشكلة حصلت معايا فى عربيتى برده بس انا عربيتى سويفت هاتش باك و مشيت بيها حوالى اسبوع لحد ما رحت للميكانيكى فى دقيقتين ظبط الموتور و هو نفسة اللى قالى امشى بيها و مش اقلق و كانت مشكلتى ظبط الهوا بس
يا رب اكون قدرت شويه افيدك بس لو اشتريت المازدا دى اكيد هنبقى اصحاب:36_1_1[1]:

واضح ان سؤالى صعب جدا لدرجة ان محدش عايز يجاوب عليه.....
واضح كده انى هاستريح هنا اوى
حلو اوى الهدوء ده....:ask:
و انا اللى كنت فاكر نفسى محظوظ انى لقيت اتنين لكن للاسف
-واحد منهم طلع متحدد اقامته و التانى شكله باع عربيته يوم الجمعة اللى فات
و انا هاعمل ايه دلوقتى و اتصرف ازاى

على فكرة واضح انك انت الوحيد اللى يمتلك العربية دى و للاسف انا كمان بافكر اتجنن و اجيب واحده زيها بس موديل 97 كاملة اوتوماتيك لانى تعبت من الماتيوال و الحل انى اجيب عربية مش منتشرة علشان تكون رخيصة شويه.
فحضرتك تنصحنى باية و ياريت تجاوبنى على الاتى :
-رايك الشخصى و من واقع التجربة اشتريها و لا اغير رأيى ؟
-لو هاشترى ايه عيوبها اللى اخلى بالى منها و انا باشتريها ؟
-ايه اخبار قطع الغيار موجود جديد و لا استيراد و لا الاتنين ؟
-قطع الغيار رخيصة و لا غاليه و الاقيها فين ؟
-متوسط السعر لو حالتها ممتازة.
و ربنا يعينك فى مشكلتك
-------------------------------
انا اسف جدا على تاخرى فى الرد لانى كنت مشغووووول جدا الفترة اللى فاتت
و على اى حال ممكن لو انت مهتم بالسيارة دى و عاوز تعرق معلومات عنها ممكن تتصل بيا 0106980105
و إن شاء الله اديلك معلومات وافية عنها
و الله الموفق

أنا هسأل حضرتك سؤال لآن العيب ده حصل فى كذا عربية هوة سؤال بسيط انتة بطريتك بقلها أدد إيه متغرتش ؟؟؟؟

ومعلش اتعب نفسك وخد بطريت اى حد من جيرانك وجربها وانتة واقف وافتح النور و شغل المراوح والتكيف وكل حاجة لو المشكلة راحت يبقى عيب بطارية مبقتش بتقبل شحن عالى زى الأول

اشكرك على اهنمامك و رايك اللى اتمنى من الله ان يكون هو الحل لانى شايف انى منطقى
و البطارية بتاعتى جافة يس متهيالى ان لو فيها حاجة حتيان علطول

جرب تنضف الايديل تاني.. بس المره دي نضف معاه البوابه

انا عندى نفس المشكلة دى، وأعتقد إنها من الـegr عشانه مفصول عندى من الدفيرة، أما البهوات غبور فمالهومش فى العربية تماما ومحدش بيفهم فيها هناك وللأسف انا مش لاقى كهربائى يظبط موضوع الدفيرة والـegr لو تعرف قولى.

إيه هو الـ egr ؟ ووظيفته إيه؟
سؤال آخر:
هل قطع غيار العربية دي متوفرة ولا لأ؟ وأسعارها إيه ؟

الـ egr هو إختصار لـExhaust gas recirculation وهو عبارة عن صمام هوائى يقوم بإعادة جزء من عادم السيارة إلى دورة الحرق وخلطه مع الهواء القادم من فلتر الهواء مما يساعد على الحرق التام والفعال للوقود، لذلك عدم ثبات الـRPM وسوء التسارع ينتج عن EGR به عطل.

بالنسبة لقطع الغيار هى موجودة بس محتاجة شوية مجهود، بورسعيد تقريبا فيها كل حاجة، والناس بتوع اليابانى فى ميدان الجامع وجسر السويس برضه بلاقى عندهم معظم الحاجات، بس لو عايز الأصلى انا ببعت أشترى من التوكيل فى السعودية أو الإمارات الحاجة متوفرة وسعرها ارخص من غبور بحوالى 50 إلى 75%.

الوكيل غبور وتقريبا ما عندوش ليها قطع غيار كل مرة أسأل على حاجة يقولوا لى كمان شهر والصيانة عندة ضايعة مالهاش أى لازمة، فلوس بتدفع على الفاضى.

انا عندى نفس المشكلة دى، وأعتقد إنها من بلف الهواء


http://www.postimage.org/Pq2pX1l9.jpg

السلام عليكم انا عندي مازدا فاميلي 2000 كامله اتوماتيك وهي سياره جديره بالاحترام اما بالنسبه لمشكلة ال rpm والرعشه الغير منتظمه احيانا فقد قمت بتنظيف الايدل ثم بعد هذا حدث العيب مرات قليله فقمت بعمل شيء اجتهادي وهو انني لاحظت عند الضغط علي أواطيش البطاريه يختلف الصوت و الrpmمع العلم انها بدت جيده وغير مملحه ومع هذا قمت بتغيير الاواطيش بنوع جيد سميك (محمل) نحاس محترم ولم يظهر العطل ثانية منذ شهور والله أعلم
ممكن ال service manual لهذه السياره فاميلي 2000 GLX كامل انجليزي صوره جيده ؟
والسلام عليكم

يا أخي العزيز اذا كان العيب ده ظهر بعد تغيير سير الكتينه فأكيد العربيه كده مقدمه أو مأخره حاول تسأل في الموضوع ده وهتلاحظ انه بتنتش معاك اثناء القيادة او بتزيد سرعتها وتقل من غير مدوس بنزين.

اقتباس:

---

المشاركة الأصلية كتبت بواسطة melmegharbel

الـ egr هو إختصار لـExhaust gas recirculation وهو عبارة عن صمام هوائى يقوم بإعادة جزء من عادم السيارة إلى دورة الحرق وخلطه مع الهواء القادم من فلتر الهواء مما يساعد على الحرق التام والفعال للوقود، لذلك عدم ثبات الـRPM وسوء التسارع ينتج عن EGR به عطل.

بالنسبة لقطع الغيار هى موجودة بس محتاجة شوية مجهود، بورسعيد تقريبا فيها كل حاجة، والناس بتوع اليابانى فى ميدان الجامع وجسر السويس برضه بلاقى عندهم معظم الحاجات، بس لو عايز الأصلى انا ببعت أشترى من التوكيل فى السعودية أو الإمارات الحاجة متوفرة وسعرها ارخص من غبور بحوالى 50 إلى 75%.

الوكيل غبور وتقريبا ما عندوش ليها قطع غيار كل مرة أسأل على حاجة يقولوا لى كمان شهر والصيانة عندة ضايعة مالهاش أى لازمة، فلوس بتدفع على الفاضى.

---

الـ EGR مبيشتغلش غير لما العربية تسخن لو الـ RPM مش ثابت مع التشغيل الصبح يبقى الـ EGR مالوش دعوة.

لازم صاحب المشكلة يقول اذا كان الموضوع ده بيحصل والعربية باردة ولا بعد ما تسخن.

احتمال يكون MAP او IDEL او حساس حرارة سائل التبريد.

واحتمال يكون اسبراتيرا مرطب (لو في فالعربية اسبراتير يعني) ومحتاج تنظيف

واحتمال يكون في تنفيس هواء في جوان في المانيفولد (لو العربية بتاكل بنزين)

لازم تفاصيل اكتر شوية.. ويستحسن الكشف بالكمبيوتر عند حد بيفهم (في ناس كتير عندها الكمبيوتر بس ما بتعرفش تفسر الأرقام اللي بتطلع على الشاشة وايخدو فلوس وخلاص ويقولك معندش أكواد Error).

ربنا يوفقك

:11:

السلام عليكم العيب دة كان عندى فى مزدا 2000 ولفيت كتير جدا جدا ورحت التوكيل ورتنى ما رحت وكل دكترة المزدا شافوها والمشكلة دى بتحصل لما بتخسل الماتور بمية بيبوظ الدفيرة بتاعة الماتور وفى مطولش عليك انا ساءلت على الدفيرة لائيتها 2000 جنيه طبعاص جبت ماتور 4000 جنيه بالفتيس بالضفيرة وبطلت اغسل الماتور والحمد الله حتى الان والحمد الله فى كل وقت

بسم الله الرحمن الرحيم الاخ الفاضل صاحب الماذدافاميلى1998نفس مشكلتك اعانى منها ولكن المشكله عتدى اكبران العربيه بتبطل وبتبقى ساعتها ممكن تعمل مصيبه لان الفرامل بتحجر والدركسيون بيققل وخصوصا فى الصيف ونفس الكلام قاله الميكانيكى لانى حطيطهاعلى جهاز كشف الاعطال وقال ان السبب هوالايدلوجهازالكمبيوترالخ اص بالسياره...........ولذلك سوف اقوم بتغيربوابة الماتور علشان بالمره اغير الحساسين والايدل وكذلك جهازالتحكم0الكمبيوتر استيراد وسمنهم فى حدود1800جنيه000محمد0105279073

السلام عليكم

اولا انا معنديش عربيه مازدا بس المشكله اللى حضرتك بتتكلم عليها دى بالظبط حصلت فى عربيه جارى وكنت معاه خطوه بخطوه لحد ما اتحلت

الموضوع طلع ان البطاريه بتعيش اخر ايامها

واعتقد ان الموضوع ده عندك برضه لان عند التحميل واضاءه الانوار ومراوح التكييف انت بتحس بكده برضه

بص جرب بطاريه اى حد من زمايلك امده يوم او يومين بس ولو طلع العيب من البطاريه غيرها

يا رب اكون افدتك

حصلت معايا وكل اللي المكانيكي عمله انه زود الهوا بتاع الاسبراتير
الميكانيكي دة اسمة احمد قشطة في الاباجية

السلام عليكم

أسمي إيهاب - أنا عندي مازدا 323f موديل 1998 ، والعيب ده ظهر معايا برده أحياناً الـ rpm يرعش وخصوصاً لما أجي أهدي علشان مطب أو هقف وممكن تبطل ساعات ولو جبت العربية علي n وطفيت التكييف الرعشة بتاعة الـ rpm بتروح - وأنا خليت ميكانيكي صحبي بص عليه لقي إن المانيفولد (ماسورة الهواء اللي واصله بين فلتر الهواء والموتور به قطع ومشققه من أكتر من مكان) لما لفها بمادة بلاستيك ولف عليها شيكرتون المشكلة قلت قوي لكن لسه موجوده خفيف - فقلي لازم تغير القطعه ديه وأظن رأيه مضبوط بس أنا حبيت أشوركم قبل ما أغيرها لأن أنا جوايا إعتقاد إن اللي يعمل كده هو الأيدل (موتور السلانسيه) فقط