ياترى تتعامل مع ميكانيكى واحد ولا اكثر

**ahmedmok** · 19-01-2009 02:40 AM

كله يقول رايه
هل تفضل التعامل مع ميكانيى واحد فى كل الاحوال ولا لكل ميكانيكى حته كده بيفهم فيها عن غيره؟؟؟
ثانيا/سؤال خطر على بالى وهو على اى اساس الميكانيكى بيشتغل ؟؟؟؟خبره؟؟؟ ولا علم؟؟؟ ولا استنتاج؟؟
لو خبره/ اكتسبها منين؟؟ مش يمكن اللى كان شغال معاه قبل ربنا ما يفتح عليه و يعمل ورشه كان ميكانيكى فاشل و بكده الخبره دى كلها حتكون سواد و خراب على كل زبون يروحله ؟؟
- علم؟؟؟؟؟؟ لا اعتقد لان معظمهم على الاكثر اعداديه
- استنتاج؟؟؟؟ ده الاحتمال الغالب من وجه نظرى
و عشان كده من النادر انك تروح لميكانيكى تصلح حاجه و ميبوظلكش حاجه تانيه
-نفسى اروح لميكانيكى اقوله على حاجه بايظه و يكون صعب عليه تصليحها و يقولى انا مش حقدر اصلحها .فى الحاله دى حيكون هو ده الميكانيكى الشهم اللى بيفهم بجد لكن الميكانيكى النص كم هو اللى يستكبر يقول معرفش و يبوظ حاجات تانيه ملهاش علاقه اصلا بالمشكله الاساسيه .
الموضوع طويل و ما ينفعش يتكتب فى سطرين
ياريت كل واحد يدخل و يقول رايه و تجربته المريره اللى انا متاكد ان محدش فلت منها

**amrgamea** · 20-01-2009 07:34 PM

أنا مبتعاملش مع صنايعيه نهائي بقالي تقريبا 6 أشهر بس الأول كان ليا أكتر من صنايعي بوديله عربيتي, دلوقتي الحمد لله مبقتش محتاجلهم و بعمل كل حاجه في العربيه بنفسي.

الصنايعيه بيجيبوا الخبره دي من انهم بيشوفوا الأسطوات بتوعهم بيشتغلوا إزاي و هما يقلدوهم ليس إلا, يعني لو الأسطى شغال غلط الصبي حيبقى زيه فيما بعد لو فتح ورشه و حيعلم الصبيان إلي عنده نفس شغله الغلط و هكذا......

عايز أقولك حاجه مهمه إتقالتلي زمان أول أما كنت معرفش في العربيات. " أنت بتفهم أكتر من الميكانيكي لإنك متعلم و هو جاهل فمهما حصل أنت بتفهم أكتر منه" فمعنى الكلام ده انك تراقب إلي هو بيعمله و لو قالك كلام أنت مش مقتنع بيه قوله لاء متغيرش كذا و أعمل كذا....

من 3 سنين بالظبط الميكانيكي كان عايز يلبسني في عمره موتور علشان الموتور كان بيجيب زيت من الطبه!! و قالي ده عايز جوانات و أويل سيلات (اولسيهات بلغتهم) و البستم مكسور جوه الموتور و بيخبط و عايزه و عايزه و عايزه و عملهالي فيلم هندي و أنا مقتنعتش بالكلام ده و متكسفتش إني أنزل تحت العربيه و نزلت فعلا و كشفت عليها بنفسي لقيت ان التسريب من الطبه و الفلتر و رحت غيرت زيت و فلتر في البنزينه و الراجل قالي ان الطبه وحشه و عايزه تتغير.... يعني لازم تكون مصحصح مع الميكانيكي.....

**lada2010** · 20-01-2009 08:33 PM

انا بتعامل مع ميكانيكى واحد بس استاذ واتعملت مع صنايعية كانت بتعمل عليك احلى شغال وتمشى من عندة وتيجى تانى لة بعد يومين من الاصلاح لغاية لما بقيت اعرف الصنايعى الشاطر من اللى بيشتغل الزبون

**magyver** · 21-01-2009 05:33 PM

انا الحمد الله
بتعامل مع واحد بس والحمد الله صناايعي ومش بيحاااسبني زي الناس خاالص لانة معرفة شخصية كماان

**ahmedsrs** · 21-01-2009 06:55 PM

انا كنت بتعامل مع ميكانيكى واحد بس بعد كده بقيت مضطر اتعامل مع اكثر من واحد لأنى اكتشفت ان كلهم كفتجية لو سيبته يعمل الى عاوز يعمله هيلبسك فى مصيبة ومصاريف وهيخرب الدنيا فبقيت بعرف العطل فين واروح للميكانيكى اقوله اعمل كذا

**lancerevolution** · 21-01-2009 08:31 PM

كله بيعتمد على مبدا التجربة و الخطاء و عمرك ما حتلاقى حد يقولك الموضوع صعب و معرفش فيه حيفتى و بعدين يقولك باظت
بس أحسنلك خليك مع واحد على طول عشان يبقى عارف العك بتاعه

**Fadi Ezzat** · 21-01-2009 10:12 PM

المشاركة الأصلية كتبت بواسطة magyver

انا الحمد الله
بتعامل مع واحد بس والحمد الله صناايعي ومش بيحاااسبني زي الناس خاالص لانة معرفة شخصية كماان

انت بتقول الكلام الى انا عايز اقولة يامهندس مختار

**nasr-eldeen** · 21-01-2009 10:24 PM

أنا الحمد لله من أكتوبر 1998 تاريخ شراء السيارة الشاهين وأنا قطعت علاقاتي بكل الصنيعية ورفعت شعار((:k30: تعامل مع التوكيل وريح دماغك:k30: )).
وهي مرة واحدة في الشاهين خليت ميكانيكي كنت بتعامل معاه في ال 132 غيرلي طقم كهرباء ومرة أنا غيرت البوجيهات ومن ساعتها وحتى الآن ( التوكيل التوكيل التوكيييييييييييل ).

-

الموضوع: ياترى تتعامل مع ميكانيكى واحد ولا اكثر

LinkBack

أدوات الموضوع

عرض

-

-

-

-

-

المواضيع المتشابهه

شوف الفيديو وأحكم بنفسك .... ياترى ده واحد مبدع ولا فاضى ولا حشاش ؟؟!!!!

ياترى احنا كام واحد هنا ؟ دعوه لمالكي الباندا ! إجمع !!

كيف تتعامل مع هذه الشكوى؟؟؟؟؟؟؟؟؟؟؟؟

كيف تتعامل مع البلطجية

الساجا - تفاصيل اكثر - صور اكثر

الكلمات الدلالية لهذا الموضوع

المفضلات

المفضلات

ضوابط المشاركة