حد شاف المؤتمر الصحفى لكتائب القسام؟!
و الله حاجة تضحك, العالم كله فى وادى, و الراجل اللى كان بيتكلم فى وادى أخر.
يقول ان حماس انتصرت و دحرت القوات الاسرائيلية, و انها حققت اهدافها(اى اهداف بالضبط؟؟! هل زال الحصار؟ الم تدمر معظم قوة حماس العسكرية و الاقتصادية و دمرت معظم مقراتها الحكومية و الأمنية؟!). ثم يتحدث عن أسر عدد كبير من الجنود الاسرائيليين, و طبعا حتى لا يسأله أحد أين هم, قال ان اسرائيل قتلتهم فى غارة جوية (عمدا طبعا), بالذمة ده كلام!
أظرف ما قاله, هو ان حماس نجحت فى خداع اسرائيل و خليتها تقبض على مدنيين بدل المقاومين من حماس, و شربتهم المقلب!!
بالذمة ده كلام يتقال!
و الله صعبان عليا الشعب الفلسطينى, الذى وقع بين فكى كماشة العدو الصهيونى المتوحش, و حماس التى لا تهتم سوى برضى أسيادها فى ايران و سوريا.
و الله احنا نفسنا يكون الكلام ده صحيح, بس ادعاء نصر لا علاقة له بالواقع ما الهدف منه بالضبط؟؟! هل هو تعويض نفسى مثلا؟
المفضلات