الموضوع: هو احنا في شيكاغو ولا ايه

انا بجد ما بقتش عارف اعمل ايه
هحس بامان ازاي بعد كدة
الموضوع دة حصل من فترة مع ناس معرفة و جيراني سابقا
الاسرة دي ساكنة في جسر السويس في "مدينة قباء" تحديدا هي حتة مستوي و جميلة و ابراج "شقتي الي كانت هناك كانت في الدور ال 19" وفي اعلي "بس يعيبها سوء التخطيط
وانتشار الريفيين للعمل كبوابين و سماسرة وفي عيلة هناك من اقذر الناس اسمهم عيلة الفيذي
تجار مخدارات و دعارة و بلطجة و اتاوات ع الناس و المشكلة انهم محمين من واحد قريبهم في مجلس الشعب
المهم الاسرة التانية ليها عمارة هناك و عايشين في حالهم
ليهم ابن في تانية كلية تجارة اسمه امجد
بيحب واحدة من وهو في ثانوي و ناس كتير كانت عارفة كدة
طلعت مين الي بيحبها ؟؟!! واحدة من عيلة الفيزي
بعد فترة اخوات البنت دي عرفو قرروا انو ينتقمو منه

استنو في يوم وهو نازل الكلية و لسة بيركب العربية عدت عربية صاروخ و هوووووب خطفت امجد و رمتة في شنطة العربية و طلعت جري
قعدو يلفو بيه و هو مرمي في شنطة العربية و بليل قعدو يضربو فيه لحد ما قرروا يقتلو
خدوا علي حتة فيها رشاح
الاول خدو منه الجاكت و ساعتة و سلسلة كان لابسها و الموبايل و لسة هيربطوه و يرموه في الرشاح دة خلاص
اتصل كبير العيلة فقالولوه علي الي حصل
قالهم لا هاتوهلي الاول
خدوة و طلعو بيه علي حتة معرفش كدة اسمها عزبة ايه كدة كلها زراعة و مخدرات و دخلو الاول قعدو يضربو في تاني لحد ما جه الكبير بتاعهم لقاه مدبهل كدة و شكل نضيف مش شمحطجي و لا بتاع بهدلة قالهم خدوة روحوه لاهلة
خدو روحوه لاهلة فعلا
و قعد الولد مش حاكي لاهلة حاجة خاااالص لحد بعد يومين بيتصلو بيه علي الموبايل مابيردش
لما رجع بيقولوله ما بتشردش ليه حكالهم علي كل حاجة
فوالدتة بحسن نية قالت عشان تحل المشكلة انها تروح تخطبهالة قال يعني بتصلح غلطة
راحت فعلا هناك اخوات البنت دي قالولها مش انتو الناس اصحاب البرج الفلاني... ايوة
طيب احنا في مليون جنية و دهب اتسرقو من الشقة دي و في 1000 واحد يشهد ان ابنك الي عمل كدة
يا تدينا شقة في العمارة يا نلبسة التهمة دي
و المصيبة التانية بعد ما مشيت بدا يجي علي موبايلها رسايل تهديد لو مجبتوش الشقة هنخلص علية هنحرقة و كلام من دة
الالعن بقي ان اخو الفيذي دة بعتلها رسايل بيقولها انتي قلبك ميت انك جيتي لحد هنا و انا هدي مليون جنية لجوزك و يطلقك و اتجوزك انا
طبعا الاسرة دي عايشين في رعب مش عارفين يعملو ايه الولد مش بينزل الا في حراسة ابو و اخوة و علي العربية عدل ينزل قدام باب الكلية و جت عليه فترة ما نزلش الامتحانات بسبب العيلة دي

بالزمة دي مصر بلد الامن و الامام

المشاركة الأصلية كتبت بواسطة MoToRiZeR

يا باشا هي دي مصر .. عالأقل دي ناس عندها سبب .. لأ ده فيه ناس ممكن تموتك فقط لأن مزاجهم كدة !

انا قبل كدة زمان و انا في ثانوي كنت واقف مع صحابي جنب المدرسة لقيت واد متشرد كدة وشه و ايديه عبارة عن علامات أسلحة .. و جي يقولي وسع عشان عايز أقف هنا .. فا قلتله طب محنا واقفين .. قام شاتمني .. قمت مديله بالقلم .. و يا نهااااار اسوددددددد ... الواد ده تبين لي فيما بعد إنه زي ما بيقولوا كدة "اللي ماسك المنطقة" مع إنه قصير و رفيع و يعني لو إتضرب قلمين يقع و انا لقيت وشه كله علامات قلت حلو ده بيتضرب .. اتاري هو اللي عامل في وشه كدة لزوم الرعب!!! طبعاَ الواد طلع ترسانة أسلحة منها موس من بقه و مطوة من كمه و خنجر ولا بيسموه كزلك من حجر البنطلون .. و لقيت فجأة سوق السلاح إترفع عليا .. صحابي اللي معايا طلعوا يجروا .. بصيت تاني .. قلت أجري بصراحة .. جريت و دخلت جوة المدرسة .. و الموقف مخلصش غير عن طريق صحابي أفاضل كانوا يعرفوا كبير تجار المخدرات في المنطقة فا جه يخلص و هو له كلمته علي الكل زي ما قالولي .. قام خدني من ايدي و راح للواد قاله (ايه ياض يا إسلام .. الراجل ده تبعي و لو حصله حاجة يبقي الكلام عندك .. و القلم انا اللي ضربتهولك لو لك حق إبقي تعالي خده مني) .. الحقيقة كان راجل ذوق ذوق ذوق و روحت بيتنا الحمد لله قطعة واحدة .

و يقولك بلد الأمن و الأمان يا راجل بلا بتاع .

نفس الموقف حصل معايا و انا في ثانوي
تقولش منقول بالكربون
===========
بالمناسبة انت بتدرس ايه يا حودة