صفحة ذكرياتك مع استخراج الرخصة

**إسلام شاهين** · 17-08-2007 03:16 PM

الموضوع ده عبارة إن كل واحد منا يكتب ذكرياته مع إستخراج او تجديد الرخصة لاننا طبعا بنشوف مواقف سواء فكاهية او ... او...... او ...

**PRO-DRIVE** · 17-08-2007 03:31 PM

CAN I CLOSE THIS THREAD TILL I GOT IT :mrgreen: :mrgreen:

**إسلام شاهين** · 17-08-2007 03:34 PM

معقولة لسه معاكش رخصة قيادة ؟؟

**PRO-DRIVE** · 17-08-2007 03:58 PM

HERE IN EGY NOT YET CAZ TILL NOW EVEN I DONT HAVE ID

:mrgreen: :mrgreen: :mrgreen:

**Dr Ahmed** · 17-08-2007 07:14 PM

بصراحة كانت أيام كوبيا ولا عايز افتكرها

بس أكتر حاجة غايظانى انى ألاقى عليا مخالفات مكتوب فيها أرقام عربيات غير عربيتى ويجبرونى أدفعها!!!! بس ميين..تانى مرة جبت واسطة وبدل ما ادفع حوالى 1000 جنيه ظلما وزورا دفعت 80 جنيه !!! بلد !!!

**محمد البحيري** · 17-08-2007 08:30 PM

ياااااااااااااااااااااااا ااااااااااااااااااااااااا ااااااااااااااااااااااااه
وليه تفكرنا بالماسي دي بعيد عنكم انا مع مرور السلام وده غني عن التعريف من ذوق وادب الموظفين والنظام الفظيع المثير للدهشه
الموضوع بدا اول حاجه بسحب الورق من الشباك وها قد بدات المهزله -لحسن الحظ كان معايا واحد قريبي-قلت بلاش اتعب من اولها وخليه هو يجيبلي النموذج رحنا للخزينه علشان نشتري الورق فاذا بطابور طويل عريض لو وقفنا فيه ممكن منلحقش نجيب الورق اصلا -واحنا عايزين نخلص كله في نفس اليوم-فاذا بي ادفعه وسط الحشد ليخرج لي بعد10 دقائق من غير نضارته وياقه القميص مرفوعه وحاجه اخر بهدله -شويه والنضاره جت بالdhl :mrgreen: -قولنا معلش ما باليد حيله
فحصنا والراجل ملا النموذج ورفع البصمه وكان نزيه جدا مخدش غير 20 جنيه بس
جينا ناخد الورق منه قالنا ورقه البيئه ضاعت :( قلناله والله قال اه طيب والحل :?: لا انتو تشتروا نموذج جديد خالص بس انا هخدمكو واملاه علطول-كتر خيره مش هياخد 20 جنيه تاني-ورحنا عيدنا نفس المشوار الظريف بتاع الخزينه ورجعناله والراجل فعلا وعد فوفي وبصراحه الطفايه والتامين الاجباري مخدوش وقت اوي
نيجي للمعلم الكبير الي هو شهاده المخالفات رحنا نعملها فكانت المفاجاه ان المخالفات في حته تانيه بره المرور-مش بعيده اوي-المهم رحنا لقينا باب اخضر كده زي بتاع المدارس الحكومه فتحناه الاقيلك اسطبل جوه بس بدل الخيول بني ادمين -الي راح مرور السلام عارف انا بكلم في ايه-كميه بشر غير عاديه وبدون مبالغه فوق بعض وشوفنا عذاب الامرين في استخراج الشهاده بعد ما دفعنا مبلغ وقدره مخالفات -معرفش منين :twisted: -بس واستلمنا الرخصه تاني يوم
وفي الحلقه القادمه سوف احدثكم عن استخراج رخصه القياده :mrgreen:

**Karim_Monir** · 17-08-2007 08:36 PM

مش عارف حاسس ان قصدك ذكريات مع استخراج رخصة القيادة مش العربية
صح ولا انا غلطان

**hazem_khidr** · 17-08-2007 11:05 PM

رخصه القياده الخاصه:
من و انا عندي 10 سنين و انا بحلم باليوم دا اني يبقي عندي 18 سنه و اطلع رخصه خصوصا ان والدي مكنش بيرضي يسيبهالي لوحدي خوف اني اعمل حاجه او اخبط حد و اروح الاحداث :D .
المهم لما وصلت 17 و دخلت اولي كليه بقي بيسبهالي عادي من غير مشاكل و لما تميت 18 سنه قولت خلاص مالهاش لازمه و ماعدش عندي الشغف انها تبقي معايا.لكن طلعتها برضه بعد ما تميت 18 سنه ب 13 يوم !!!و انا كنت متخيل اني يوم عيد ميلادي حروح اطلعها بس كسلت الكام يوم دول .
المهم روحت المرور و كان معايا خالي(لواء شرطه) و دخلنا لمدير قسم المرور و قعدنا عنده و هو بعت العسكري جاب الورق و دفع الرسوم و مضي الضابط و المهندس المسئول و قالي يالا روح اتصور و بعت معايا عسكري كمان علشان مفيش تصوير للرخص الصبح و خلصت دا كله في ربع ساعه يمكن من غير اختبارات او اي شئ غير ان المهندس اللي كان بيمضي الورق قالي بهزار خدلك لفه وريني بتعرف تحرك العربيه ولا لاء!!!.
بس علي ما دخلت المرور و خرجت منه كان فيها بالضبط نص ساعه. و خلاص حروح اجددها السنه الجايه .و من يوم ما حططها في جيبي ما خرجتهاش من جيبي غير مره واحده او مرتين بس.و عمرها ما اتسحبت مني!!!!

الحلقه الجايه احكيلكم عن الرخصه الاماراتي :D :D :D :D

**aboalm** · 17-08-2007 11:11 PM

انا برضه اول مره طلعت الرخصه كان فى مرور العجوزه لان كانت الواسطه هناك دخلنا عند مدير الوحده شربنا الشاى قال روح بس للموظف رحت قالى ورينى ايدك هو تقريبا كان بيطمن ان مافيش عندى صباع مقطوع او ايدى فيها مشكله بس و رجعت المكتب لحد ما جت الرخصه و بعدها بحوالى اسبوع رحت مرور المعادى نقلتها على هناك

-

الموضوع: صفحة ذكرياتك مع استخراج الرخصة

LinkBack

أدوات الموضوع

عرض

-

-

-

-

المواضيع المتشابهه

كيفية استخراج الرخصة

ايه احلى ذكرياتك من ايام الطفوله؟

استخراج الرخصة الثالثة من مرور طنطا خطوة بخطوة

استخراج الرخصة في 10 دقائق بداية من العام الجديد !!!!!

امتحان استخراج الرخصة

الكلمات الدلالية لهذا الموضوع

المفضلات

المفضلات

ضوابط المشاركة