عبارات مكتوبة على خلفيات الميكروباصات

**ehabspc** · 26-01-2009 02:12 AM

السلام عليكم و رحمة الله

الحاجات دى كلها جديدة علينا ده غير طبعا الحاجات الأجنبى اللى الشباب الروش بيحطوها

و اللى يحط رقم موبايله أو إيميله و غيره

مرة كنت بتكلم مع سواق نقل تقيل ( سواق تريللة درجة أولى )

الله يصبحه بالخير قاللى ان السواقة دى زمان كانت فن و ذوق و أدب

و كانت مهنة مشرفة يعنى لما كان حد يتقدم لبنتك مثلا كنت تفتخر إنه سواق

حتى المزاج كان حاجة فن و ذوق كانت قعدات ناس كبيرة يوم الخميس مع طرب أم كلثوم و العشاء البسيط و التسالى طبعا مع الشيشة و الذى منه و كانت القعدات لا تخلو من الطبقة المثقفة الموظفين و المحامين و الدكاترة (أيوة و الله) ده كلام الراجل السواق ( ربنا يصبحه بالخير)

أما دلوقتى افتكروا كدة لو ركبتوا ميكروباص أو حتى تاكسى مرة أكيد شوفتوا دبوس مشبوك فى السقف فوق السواق و ممكن تلاقى الرخصة مخرومة أو أحيانا يقف يجيب المزاج ده غير الأغانى الهابطة و أسلوب السواقة بالدراع

طبعا مش كل الناس بتعمل كدة بس هى بصراحة أصبحت ظاهرة أكتر من الأول

**Bossy_Fadl** · 26-01-2009 02:28 AM

ههههههههههههههههههههههههه هههه

عجبتني دي اوووووووووي

متقولش دى بكام , دى جاية بدهب المدام

:k48::k48::k48::k48:

الاعتراف بالحق فضيلة

برضه بلاقي شوية جمل زي

الحلوة دي من السبتية

باقعد اضحك ضحك و انا ماشيه

بجد شيء متخلف اوي

ميرسي لحضرتك علي الموضوع الجميل