-
اريد نصيحة من ناصح امين
السلام عليكم ورحمة الله وركاته
أنا اخوكم محمد عضو جديد معاكم في المنتدى وعمري 28 سنة , ولسه جديد في السواقة
أريد شراء سيارة جديدة او مستعملة ومعي والحمدلله 35 ألف
ماذا تنصحوني بالشراء ؟
- جديد ولا مستعمل
- ولو مستعمل اي نوع افضل لظروفي ؟
- ولا اجازف وانا لسه بتعلم سواقه واجيب جديد واقسط الباقي , واخرج من دوامة المستعمل المتعب في شراؤه وبيعه وصيانته ؟؟
انصحوني من خبراتكم بارك الله فيكم , وجزاكم الله خيرا
-
طبعا الزيرو احسن حاجة بس المبلغ اللى معاك مايجبش زيرو
ولو في امكانية تقسيط بالنسبالك يبقى تقسط
وياريت تحدد مواصفات عربيتك عشان نشوف اى نوع المناسب ليك
وعايز عربية جديدة فى حدود كام الف
-
طبعا لحالتك....لايفضل شراء سيارة جديدة حاليا.....لسببين.....الأول :أنت جديد فى السواقة......الثانى :المبلغ المتاح حاليا لايكفى لشراء سيارة جديدة ولا أرشح لك عملية التقسيط حاليا....لأنك حديث العهد بالسواقة..........ولكننى أرشح لك الأاختيار بالترتيب التالى...لانوس 1 _هيونداى_فليشيا بحاله جيدة
-
لانوس 1 او فليشيا لا تنسى الاستخارة في كل خطوة
-
بص السعر ده هايجبلك مستعمل بس مش هايكون استعمال كويسس وهايتعبك فى المصاريف بتاعته
انا رايى تتعلم كويس جدااااااااااااااااااااااا ااا
وتشترى زيرو فى عربية جديدة مش لازم تكون حاجة جامدة اوى يعنى تجيب عربية قطع غيارها متوفرة ورخيصة بحيث انك لسه جديد عشان لو حصل حاجة للعربية لا قدر الله تكون قادر على مصاريفها
لحد لما تتعلم كويس وتقعد بيها سنتين او تلاتة وتبقا تغيرها بالاحسن إن شاء الله
-
ممكن تجيب فيليشا تتعلم عليها سنه مثلا وبعدين تغيرها ...
وقلل مصاريفك عليها الا للضرورى القسوه لو انت ناوى تبعها .
-
جزاكم الله خيرا على ردكم السريع
انا تقريبا استقريت بنسة كبيرة اني اجيب مستعمل خصوصا ان اسعار الجديد اليومين مش مستقر
وبم اني لسه جديد في السواقة فميش داعي اني اجيب جديد دلوقتي الا لو لقيت حاجة لقطة
لو حد عنده عربيه او يعرف حد عنده عربيه لقطة مستعمله حالته حلوة ياريت يقولي
شكرا يا شباب
-
فى نوبيرا اتوماتك
للاستفسار 0174747541
-
الاول انت احتياجاتك ايه
بمفردك
عائلة
سفر من عدمه
خش على اللينك ده واقرا كويس
http://www.nilemotors.net/Nile/showt...CE%E6%C7%D8%D1
-
اهلا بيك فى المنتدى يا باشا
هيونداى اكسنت هتكون مناسبه الى حد كبير
-
انا رايى بردة مستعمل و المبلغ اللى معاك اعتقد ميجيبش اكسنت او دايو بحالة كويسة هتبقة عايزة شغل و تتعبك ادامك حاجة من اتنين فليشيا او سويفت و تكون حالتها تمام
-
ابعد عن القسط بفوائد ربوية من البنك
الله يصلح حالنا وحالك
-
جزاك الله خيرا على الينك ده
بجد مفيد جدا وفتح تفكيري بشكل كبير
ربنا يبارك فيك يارب
وشكرا ليكم يا شباب
صحيح حد يعرف مدرسة سواقة كويسة في مدنية نصر
بس ياريت تكون كويسه جدااا عشان انا زهقت من قرفهم , ماشفتش حد كويس لحد دلوقتي
جزاكم الله كل خير
-
اولا اهلا بيك يامحمد بيه معانا في المنتدى
انا شايف انك تجيب اكسيل
عربيه حلوه هتلاقي فيها كل طلباتك موتور كويس صالون حلو تكييف جامد
زائد ان صيانتها سهله عند اي ميكانيكي لأن مفيهاش كنترول
والاهم بالنسبه للي بيسوق جديد ان اسعار قطع الغيار بتاعتها عامة رخيصه وده يفيدك لو ريحت مثلا على عربيه وجبت فانوس او لاقدر الله اكصدام هتلاقي الحاجات دي مش مكلفه
وبالـ35000 هتعرف تجيب اكسيل نضيفه
ولما ربنا يكرمك بالزيرو هتعرف تبيعها بسهوله لأنها عربيه محبوبه وبياعه
ده رائي وربنا يوفقك في اللي فيه الخير
-
سيبك من الزيرو دلوقتى و خليك يا دايو لانوس يا هيونداى اكسنت مناسبين جدا للمبلغ اللى معاك و لظروفك و مش وحشين شغالين يعنى و قطع الغيار معقوله
Content Relevant URLs by
vBSEO 3.6.0 PL2