الموضوع: انا عاوز اسال عن ال واجا شوية اسئلة لمالكى السيارة

1-انا كنت عاوز اعرف هى بتحك فى المطبات وللا لا
علشان انا شغلى بيخلينى احط فى الشنطة اكتر من 120 كيلو؟؟؟؟؟؟؟
2-استهلاك البنزين اخبارة اية
3-انا هجبها تقسيط على6 سنين فعاوز اسال هي العربية هتعمر معايا والا لا
على فكرة انا عايش فى المنيا وعندنا مطبات وحفر كتير وانا بعيد عن التوكيل

1- الواجا مش بتحك فى المطبات مع الحموله .
2- استهلاك البنزين معقول جدا " بس انا موتور عربيتى ال4g18 " و دلوقتى الواجا نازله بموتور الكام برو مقدرش افيدك فى استهلاك الواجا الجديده للبنزين , و ان كان زى ما استاذ صيام قال حيكون مابين 200 : 280 كيلو او اكتر على حسب طريقه السواقه .
3- 6 سنين مايعتبرش عمر ... ان شاء الله حتقعد معاك اكتر من كده بكتير , من خلال قرائتى لكتير من المنتديات الماليزيه فى ناس معاها واجا من 2000 و عاملين فوق ال150,000 و العربيه شغاله كويس " و ان كان ده مايمنعش فى العربيه بروتون عندها مشاكل جوده فى بعض الاجزاء بس كلها مش مؤثره على اداء السياره .
4- لا بروتون مش زى الصينى بالتأكيد , على الاقل بيهتمو بالتصميم الهندسى للسياره و بيهتمو بعوامل الامان و عربياتهم بتتباع فى انجلترا و تخطت معاير السلامه الاوروبيه .
5- كون ان حضرتك من المنيا ديه مشكله لان قطع غيار العربيه فى القاهره فقط و حتى فى قطع غيار مش موجوده الى فى التوكيل فقط و قطع الغيار غاليه جدا .