الموضوع: 405, و الباريس

[img][img]ياريت لو ممكن كنت عاوز اعرف الفرق بين البيجو 405 التقليدية و الباريس الجديدة و هل يمكن ان قطع غيار الباريس تركب على 405 القديمة مثل الكشافات الامامية او الشبكةالامامية او الرفارف و الكبوت و الاكصدامات الامامية و الخلفية علشان بصراحة الباريس شكلها خطير جدا ففكرت لو ينفع اعدل عربيتى للباريس فارجو الافادة[/img][/img][/u]

اليارس صعب جدا (لو مش مستحيل ) أنا علشان أركب سماعة أو أنذار أو دي في دي بعاني لأن اليارس مصممة أنها تركب فيها حاجاتها بس و علشان أركب الحاجات إلي فوق السمعاة مثلا مش متثبة لأن ق\فتحة السماعة واسعة بس ناوي أركبها بكلبسات - الدي في دي أتركب لكن بشرط الكاسيت العادي ما يشتغلش إلا لو الدي في دي شغال - الأنذار دي المعانة الكبرى مصلحه أمتر من مرة ز لسة من ساعة أمت مغير الأنذار بتاع الأربع أبواب وأمت مركبه على القفل نفسه دي طريقة جديدة و يارب تنفع

يا أستاذ محمد هو يقصد البيحو ال 405 الايرانى ( الروا بس هو غلط و قال البارس اللى لسه مانزلتش) مش الياريس
:D :D :D :D :D :D :D

تمام يا استاذ كريم انا قصدى البيجو البارس الجديدة و على العموم الف شكر يا محمد باشا

احتمال كبير ينفع انك تعدل بس خلي بالك حتتكلف معاك كتير اوي يعني مش اقل من 20 الف علشان تجيب الصاج الخارجي كله (رفارف امامي و خلفي و 4 ابواب و فوانيس و كبود و شنطه و اكصدامات) و لما تيجي تبيع مش حتجيبلك التمن دا ف الاحسن انك تسيبها علي وضعها.

و الله يا استاذ حازم انا بافكر اغير الكشافات و الشبكة الامامية بس يا ترى ينفع

ماهو علشان تغير الكشفات الاماميه حتحتاج تغير الكبود و الاكصدام و الرفرفين الاماميين!!!!!!! و بعدين لما تغير الرفرفين السوكه بتاعهم مش حتمشي مع الابواب ف حتضطر انك تغير الابواب و خلاص بقي ما جاتش علي الرفرفين الخلفيين و الفوانيس الخلفيه بالمره :D :D يعني حتفتح .
و بعدين ال 405 شكلها حلو و برستيجها عالي علي فكره.

الله يكرمك يا استاذ حازم على تعاونك و الله انا بلاقى كل نصايحك مفيدة و كل ارائك صائبة و انا باكون سعيد جدا لما بترد على فى كتير من المواضيع و الف شكر مرة تانية

العفو يا HIC باشا الكلام دا كتير عليا اوي و بكده حتخليني اتغر في نفسي :D حضرتك اللي من الناس المحترمه اللي الواحد بيعتز بكلامها جدا.و اسال يا راجل في اي وقت ولو اعرف افيدك اكيد مش حتاخر :) .

اعتقد يا استاذ حازم لو هيعدل الوش بس يبقى هيغير الكبود والرفرفين بس لان الجوانب واحدة ف العربيتين واعتقد كمان ممكن مايغيرش الرفرفين ممكن يتعدل مكان الفانوس بس فى الرفرف القديم
يعنى يغير الكبود والفانوسين والشبكة والاكصدامات طبعا
بس اعتقد يا استاذ hic الافضل تخليها على طبيعتها وكمان لسه قطع غيار البارس منزلتش ف السوق يعنى مش هتلاقيها غير ف التوكيل
(على فكرة يا جماعة استعدوا البارس نازلة خلاص وهتعمل قلق فى السوق عربية بجد تحفة خصوصا بالنسبة لسعرها)