المشاركة الأصلية كتبت بواسطة som3aa
القرارات لسه مطلعتش بس لما تطلع هتلغى ال 2% ضريبة التنمية على العربيات المجمعة محليا و تلغى جمارك العربيات المجمعة محليا اللى هى حوالى 10-15% و هتخفض او هتلغى ضريبة المبيعات على العربيات المجمعة محليا (اللى هى دلوقتى حوالى 30%)
يعنى من الاخر كانهم شالوا كل حاجة من على العربيات المجمعة محليا بحيث يبقى سعرها مقارب جداااا لسعرها بره مصر (يعنى كانهم شالوا الجمارك من على مرسيدس و bmw و الفرنا و السوناتا و الاسبرنزا و الدايو و الافيو و النيسان الصنى و الx-trail و الشيروكى و الكومودو و الجالينا و الماهيندرا ) .
الخطوة دى لها كذا سبب , اولا تشجيع المصانع انها تجمع عربيات اكتر و فئات اكتر و احدث , 2- تقليل تمن العربيات اللى زى الفرنا و اللانوس و الافيو علشان لما اللوجان المغربى تنزل منغير جمرك متوقفش مبيعاتهم تماما 3-مساعدة للمصنعين على اجتياز الازمة المالية خصوصا ان الانتاج قل جدااااا فى مصانع كتير بسبب الازمة المالية , يعنى خطر شديد على صناعة السيارات فى مصر و مكوناتها لما يبقى محدش بيبيع و لا بيشترى 4- تشجيع التجميع المحلى بعد ما بقت اسعار السيارات المستوردة زى المجمعة محليا و خصوصا مع زيادة التكنولوجيا فى السيارات المستوردة بالذلت فى صناعة المحركات لان الموتور ال1400 و ال1600 بقوا اقى من مواتير ال 2400cc من سنتين تلاتة مثال موتور مرسيدس c180 1600cc و قوته 156 حصان , volvo كمان عملت موتور 1600 بالقوة دى , دا غير موتور ال 1400 اللى بيوصل ل 170 حصان من volks يعنى العربيات المجمعة فى مصر مبقاش لها ميزة لان مواتير ال1600cc فى العربيات العادية زى الهيونداى و الهوندا وتيوتا و الميتسوبيشى بقت 122 حصان , الباسات كمان بتنزل 1600cc و 115 حصان فبالتالى مبقتش العربية المجمعة محليا مجدية و لا حد بيشتريها غير المرسيدس و الbmw و حتى دول اتاثروا جامد بنزول ال316 و الc180 المستوردين بسعر رخيص نسبيا (60% بس جمارك و ضرائب ) بدل 188.5%.