الكلام دة مضبوط.....على أساس ان المفروض غطاء الردياتير يعمل عملية تنفيس فى حالة الحرارة العالية......فكدة واضح ان الغطاء مسدود......والبخار مابيلقيش مكان يروحلة غير القربة...وبالتلى بيحدث فيها فوران وبتحس بالأعراض اللى انت قولت عليها.........
عرض للطباعة
والهى انا مش عارف اشكركم ازاى على النصايح دية كلها ..
بس ممكن يكون القربة هى الى بايظة لانى فعلا زى الاخ ( لادا ) ماقال لانى فعلا القربة لما بتتملى والعربية تسخن شوية فى مية بتتطلع من خرطوم الفايظ بتاع القربة . بس ازاى بايظة وهى مش مخرمة ولا حاجة ؟ يمكن يكون خرطوم القربة هو البايظ او غطاء الراديراتير ؟؟؟
موضوع الدخان ووش السلندر دة الحمد لله مفيش دخان وبعدين انا لسة معمر الموتور كلة يعنى احتمال بعيد ...
على العموم انا هروح اسلك الراديراتير واغسلة وهو طبعا الحل الاسهل وبعدين اجرب واشوف واكيد هرجعلكوا تانى وهقول الحل دة نفع ولا لا
شكرا لكم جميعا وربنا يدوم علينا الحب والاحترام وفعلا الواحد حاسس انه بين اخواتة ..
غطاء الردياتير هو السبب....................
انا مع الجماعة المحترمين اللى قالوا غطا الردياتير لأن الحوار ده حصل معايا فى النيسان و بعض اسبوع عند الصنيعية و تغيير ما لا يمكن تغييرة لدرجة الكوليهات الحديد
رحت لواحد بيفهم رح مس الغطا و راح رميه فى وسط الشارع - والله الأصلى - و جابلى غطا يابانى لونة اصفر من فوق
الدنيا بقت زى الفل
على فكرة اليابانى الأصلى ب23 جنية ما تدفعش اكتر من كده
والله ولى التوفيق
يا ريت توافينا بالنتيجة يا أخ مودي عشان برضك نطمن عليك
و ان شالله خير ما تقلتقش
طيب اتاكد بس مروحة التبريد بتشتغل ولا لاء؟؟؟؟؟؟
ممكن السخونه بتزيد فى الميه من الاساس بسبب مروحة التبريد
السلام عليكم ورحمة الله وبركاته. .. وظيفه قربه الماء استقبال بخار الماء من الريداتير من الفتحه العلويه بقربه الماء علشان البخار ميدخلش الريداتير و ياثر على دوره الماء و تسخن المتور و البخار هيفضل فى قربه الماء تحت الضغط و الكبس حتى يعود لدوره التبريد مره اخري من الفتحه السفليه بقربه الماء ..... انا حصل عندى الموضوع ده و غيرت غطاء القربه بس مكنش ده الحل لان الماء فضل يخرج من غطاء القربه غيرت القربه كامله توكيل وبرضه استمرت المشكله بس لما نضفت و سلكت الريداتير انتهت المشكله نهائيا الريداتير كان مسدود فكان مرتجع الماء من لريداتير للقربه اعلى من المعدل الطبيعى و على الرغم من كده الحمد لله مكنش فى حراره فى المتور...... على فكره غطاء القربه فيه 2 صمام واحد علشان يطلع الضغط الزياده علشان دوره التبريد متنفجرش و الاخر علشان لما دوره الماء تبرد و الضغط يقل داخل الريداتير يدخل هواااااء من خااااارج دوره التبريد الى قررررربه الماء وليس دوره التبريد حتى لو كانت دوره التبريد مكبوووووسه علشان الريداتير لا ينهار ... يعنى و ظيفته توازن الضغط داخل الرداتير. بعض السيارات بيكون الصمامات دى فى غطاء الريداتير نفسه و البعض الاخر فى غطاء القربه...... اتمنى من الله انى اكون افدكم