عرض للطباعة
انا أكتب أليكم الآن و انا مسطشيط غضبآ ...
انا مش فاهم هى الناس بتعدى من فوق الأنفاق بتاعة الكورنيش ليه؟؟؟؟؟؟؟؟؟؟ :oops: :oops:
انا كنت لسه هشيل عائلة بحالها و ربنا ستر ... الناس دى متخيلة ان سواق العربية عنده القدره انه يقفظ من فوقهم بطريقة ما
أرجو اللى عنده تفسير للموضوع ده يا ريييييييت يرحنى
و على فكرة خدوا بالكوا من الحته بتاعة لوران عشان هى اكتر حته بيعدوا منها
و ربنا يستر طريقنا يا رب
حسبي الله و نعم الوكيل
انا كنت مسافر فتره و لما رجعت كانت اعمال التوسعه خلصت
و في نفس الوقت كان 7 من الشارع بتاعنا ماتوا ايوه بجد 7 الرقم صحيح
المنطقه عندنا في سبورتنج كان من نصيبها اكبر مساحه توسعه
لدرجه انهم حطين جزء من سور البحر القديم كتذكار
الشعب المصري طبعا بلياقته البدنيه العاله و الذهنيه التي لا غبار عليها
بيسيب النفق اللي ما يبعدش 50 متر و هبه يالا بينا يعدي
المشكله ان في الشارع عندنا ما عملوش ضبط للمسافات الجديده
فيالا بينا نعدي و يروحوا وقفين علي نفس مسافه السور القديمه في الشارع الجديد
و ابو كرش و ام جلابيه يقفوا ياخدوا نفسهم يفاجؤا انهم في نص الشارع و هباااااااااااا طاخ
انا حصل معايا موقف زي ده
لكن الاخت كانت لابسه جلبيه طويله و شايله عيل و ساحبه واحد تاني
لكن ربنا ستر
نزلت بكل هدوء و رحت فاتح صوتي علي الاخر
حرام عليكي لو مش انت اللي شايلاه ده زنبه ايه
و سبت ولاد الحلال يكملوا
المشكله مش في كده
المشكله ان مره واحد سواق غلبان شال شاب راحوا اهل الشاب مولعين في العربيه بتاعته
يعني الموضوع مش بيكون سهل
ربنا يستر معانا اجمعين
و الله يا استاذ هانى انا بيتهقلى ان هم لو عملوا أنفاق تحت الكورنيش و خلوا العربيات تنزل فيها و خلوا الشارع ده كله للمشاه ..... برضه هتلاقى الناس إياهم نازلين عشان يعدوا من أدام العربيات .... هى تقريبآ هواية او حاجة كده
الانفاق في مصر معموله للمنظره بس انما مش للاستعمال الادمي ابدا الناس بتكسل تنزل السلالم و تطلعها.
الحلو الوحيد للمشكله دي انهم يعملو فواصل بين الطريقين لو كان الطريق مزدوج و يقفلو الفواصل دي باسلاك شائكه او ددار خرساني :twisted:
و لو اتجاه واحد يعملو علي الرصيف برضه الاسلاك دي علشان اللي يعدي ما يعرفش يطلع علي الرصيف و بقي الناس حتحترم نفسها
موضوع السبعة اللي ماتو دول كانوا بتوع الاسرة الاسوانية اللي سواق الميكروباص عجنهم في سور المحكمة على البحر وعلى حاجة تانية
انا السنة اللي فاتت الطرق حلو مووت وانا خايف اجري من اللي بيعدوا دول
اما يا حازم احسن طريقة هيا عمل سور حديد في نص الشارع زي اللي كان في شارع الازهر واتعمل دلوقتي عند موقف العاشر
المنطقة عملو كوبري والناس بتوقف الطريق وانا كنت يوميا بروح العاشر في ساعة
نص ساعة طريق ونص ساعة اعدي من الحتة دي
لما قفلوا الطريق الاوسط بالسور الحديد انتهت الحوادث اليومية اللي كل يوم تسفر عن قتيل او عدة جرححى بسبب غبار البني ادمين اللي فاكرين انهم اسرع من العربيات
لكن ما زال المسلسل مكرر عند سوق العبور وخاصة صباحا لما تلاقي صغار البياعين بيعدو الطريق بالاقفاص (4 حارات)ويوميا قتيل وعدة جرحي
والحكومة سايباهم ماهم برضه بيخفوا من الازمة السكانية
احسن حلاقتباس:
الانفاق في مصر معموله للمنظره بس انما مش للاستعمال الادمي ابدا الناس بتكسل تنزل السلالم و تطلعها.
الحلو الوحيد للمشكله دي انهم يعملو فواصل بين الطريقين لو كان الطريق مزدوج و يقفلو الفواصل دي باسلاك شائكه او ددار خرساني
و لو اتجاه واحد يعملو علي الرصيف برضه الاسلاك دي علشان اللي يعدي ما يعرفش يطلع علي الرصيف و بقي الناس حتحترم نفسها
أحسن حل . . . . . الفلوس
غرامات فورية للي يعدي من مكان غلط
صدقوني دي لا مبالاة من الناس فلما الحكومة تبطل لا مبالاه و تهتم بالناس حتتحل المشكلة
هى فعلآ الحل ممكن يكون فى الغرامات الفورية.... بس المشكلة مين اللى ها يلم الغرامات ...
مش حينفع يا سلام لو واحد دفع عشره مش حيدفعو انت عارف النباهه و الخبث بتوع بعض الناس :wink:اقتباس:
أحسن حل . . . . . الفلوس
غرامات فورية للي يعدي من مكان غلط
صدقوني دي لا مبالاة من الناس فلما الحكومة تبطل لا مبالاه و تهتم بالناس حتتحل المشكلة
وربنا صعبانة عليا اسكندرية اجمل مدينة فى مصر
وصعبان عليا اكتر الأسكندرانية الشعب الراقى الفنان
من اللى بيحصل لهم كل صيف
ماهو المشكلة ان اسكندرية رخيصة والوصول لها سهل ومواصلاتها كتير وجميلة
يعنى فيها كل ما يغرى البسطاء بالذهاب لقضاء الأجازة فيها
لكن مشكلة الغالبية الساحقة من البسطاء ماديا فى بلدنا انهم مش متعلمين، وينقصهم الكثير من الحس الحضارى
والمشكلة دى مش هم اللى بيحسوا بيها لكن بيحس بيها ابن الإسكندرية اللى بيعانى فى الصيف من غزو جحافل التتار التى تقضى على الأخضر واليابس
فبينما ان اسكندرية الشتاء لاينقصها الكثير لتكون اثينا او نابولى او مارسيليا،
فإن اسكندرية الصيف لا ترقى كثير عن كفر البلاص بكل هؤلاء الغير متعلمين الذين يملئونها بسلوكياتهم العجيبة والفاظهم النابية وملابسهم المثيرة للغثيان وذبابهم ورائحة اطعمتهم وزحامهم واجترائهم على كل شئ فى المدينة العريقة بالتخريب والتدمير
وعلى ذلك فرغم اننى اعشق اسكندرية الشتاء واتلمس فيها روائح الحضارة التى سبقتنا وتركت لنا عبقا نتنسمه فى تلك المدينة الجملية التى ارى فيها آخر ما تبقى لنا من التشبث بأهداب الحضارة
إلا اننى امقت اسكندرية الصيف ولا أجرؤ على ان اوجه عنان دابتى الى طريق الإسكندرية حفظا لكرامتى الىت قد تنداس تحت نعال الغزاه، وكلما تذكرت منظر شواطئ شرق الإسكندرية صيفا ادعوا الله ان تنزاح غمة الصيف عن الإسكندرانية بدون خسائر
[quote="amr mokhtar"]و على فكرة خدوا بالكوا من الحته بتاعة لوران عشان هى اكتر حته بيعدوا منها
[/quote
للأسف منطقة لوران ليس يها نفق و لمسافة طويلة برغم وجود مدرسة في ش شعراوي و الأكثر من ذلك توسعة الطريق الأخيرة ضاعفت عرض الشارع في هذه المنطقة و برضه الحكومة الرشيدة لم تقم بحفر نفق أثناء قيامها بالتوسعات .. :!:
أشكر الأخ سبعاوي على مدحه لأاسكندرية الشتاء ولكن! ده كان زمان يا أستاذ سبعاوي!
دلوقتي جحافل التتار قصدي المصيفين في الصيف و تخريب ودمار المحافظة في الشتاء!
ولا عزاء لسكان الاسكندرية!
انا بعد ماأخلص شغلي بروح بيتي وأقفل عليا بابي ولا أعترف بالخروج في الصيف نهائيا مع اني من سكان العجمي وما أدراك ما العجمي في الصيف!
اما عن المخالفات للمتجاوزين فنحن بلد القانون الذي لا يطبق والمخالفات التي تسري فقط على الفقير وسئ الحظ!
مرة أخرى, لا عزاء للأسكندرانية!
ان أكره اسكندرية في الصيف، الكلمة دي صعبه عليا قوي
لكن مبحسش ان هي دي اسكندرية
احيانا في الصيف بانزل الساعة 3 او 4 الفجر علشان احس شوية اني في اسكندرية
اما في الشتاء بتبقي جنه و خصوصا لو جابولنا محافظ عاقل ، العملية بقت عباسية خااااالص :lol:
حس ثقافى مين يا استاذ سبعاوى :lol: المشكلة بدأت منذ الإختراع الغريب اللى اسمه (رحلات اليوم الواحد) ييجى ميكروباص او اتوبيس يرمى الناس وكل ما يحملوه فى الشارع و ييجى يخدهم بالليل فالناس تلاقيها فرشه فى الأرض و (ما أدراك لما الناس تفرش فى الأرض) و يمشوا بالليل و ييجى اللى بعدهم يعملوا اسوأ من اللى قبلهم و هكذا تتوالى الكوارث على الأسكندرية
و ربنا يستر
والله المحافظ اللى عندكم دا اجدع محافظ فى مصر كلها بس انتوا اصبروا بس وحتحسوا بالفرق
البلد دى مسكينه
يا جماعة انا كنت في اسكندرية ولسه راجع من كام ساعة
ليا حق اقول اني كنت في الساحل الشمالي الافغاني
التكسير في كل حتة
تلال تراب-مفيش مية-الكهرباء ضعيفة جدا
البحر في العجمي نزلت ابص بصة اول يوم طلعت اجري من المنظر
الصرف الصحي بيرمي في البحر والناس بتعوم جنب المواسير
حاجة في منتهي التقزز ومثيرة للغثيان
انا صورت المنظر بس بكاميرة الموبايل بتاع مراتي وجودتة مش قد كدة لاني بخاف على موبايلي من النزول على البحر
بجد
لكى الله يا اسكندرية ويا اهل اسكندرية
على الهامش
شكر خاص لاحمد جوود ويف وعلى واجب الضيافة :D
لا شكر على واجب يا كريم باشا :oops:
دة اقل واجب وكان نفسي نقضي وقت اكبر بس ظروفك وظروفي متوفقتش المرة دي!
إنت يا كريم بجد شخصية محترمة اعتز بمعرفتها ولازم إن شاء الله ارخم عليك وأجيلك مرة القاهرة :lol:
تنورني يا غالي
بس انوي انت بس
الواحد صابر، لكن لحد دلوقتى مش قادر افهم الحكمة ان و فى عز الصيف الدنيا كلها متكسرة كأنها ناقصة مصيف و تكسير، و كمان ايه الحكمة انه كسر كل اسكندرية مرة واحدة ، يعنى كان هيحصل ايه لو اخدها حته حته، يخلص فى العجمى و يبتدى فى سيدى بشر ، لكن اكسر اسكندرية من الشرق للغرب، و احلى منظر شوفته لسة امبارح، عند كوبرى العوايد اللى هو مفروض مدخل اسكندرية من الدائرى و اللى شغالين فى بقالهم كام سنة و مفيش و لا عامل واحد شغال كلهم قاعدين يرتاحوا و هما اصلا ميجوش 5 عمال و اللى مفروض يبقى شغال 50 علشان يخلص و يرحم الناس.اقتباس:
والله المحافظ اللى عندكم دا اجدع محافظ فى مصر كلها بس انتوا اصبروا بس وحتحسوا بالفرق
اما عن موضوع الناس اللى بتعدى ملهاش حل غير فاصل حديد و يكون مزدوج لان السور اللى اتعمل على سكة قطار ابوقير الناس فتحوا فى فتحات علشان يعدوا، و رغم الناس من بعد لوران مظلومة مفيش حل بس غير انهم يعدوا فى وسط الشارع، لكن من جليم و طالع ملهمش عزر، انا كنت فى مطروح و لقيت حاجة جميلة جدا، مطب صناعى و مكان عبور مشاة فى نفس الوقت و كمان حطين الاشارات اتوماتيك و جنبها ساعة تقول الاشارة هتقفل / تفتح فى خلال كام ثانية و كده انا شايف الدنيا ماشية بمنتهى السلاسة
و خاصة ان الموضوع ممكن يسبب مصايب، انا لقيت وحدة وقفت قادمى فجاة علشان واحد عدى قادمها و اضطريت انى ارمى على اللى ورايا، علشان الحق نفسى و ربنا ستر كنت هخبط فيها و اللى جاى ورايا يخبط فيا و كل ده علشان واحد بيعدى الشارع عند كوبرى ستانلى