موتور صيني ايه بس ...
الفكرة كلها ان الحكومة الصينية عندها شرط اساسي
لاي شركة عايز تفتح مصنع تجميع سيارات هناك
انها تعمل شراكة مع شركة محلية بتدعيم من الحكومة بحيث الشركة الاصلية ( بي ام مثلا ) تمتلك 51% منها و الشركة المحلية 49% و منهم نسبة للحكومة او من غير .
و بالتالي كل المصنعين العالميين فاتحين مصانع مع شركات صينية هناك
زي Brilliance BMW
Dodgefeng Honda
Haima Mazda
etc etc
و هي صناعة تجميعية بس بنسبة 60% مكونات صينية حتى الحديد و الجنوط و كدة انما المحركات و التكنولجيا معظمها من بلدها .
الميزة الوحيدة في الموضوع ان السيارة بيتم تعديل في شكلها لتناسب السوق الصيني زي منتوا شايفين و ممكن يتعملها FACELIFT و تنزل باسم تاني خالص تحت علامة BMW برده لتناسب سوق معين .
يعني هما عندهم مثلا BMW 530iL
ال L دي نسخة " مطولة " 35 سم عن ال 5series العادية و هكذا .
تاني ميزة عندهم ودي الي بحترمها فعلا انهم لازم ينزل للسيارة اسم صيني غير اسمها الانجليزي . و لازم يتكتب عليها من وراء بالصيني !
يعني لو اشتريت كورولا مثلا ! حتلاقي مكتوب عليها كورولا بالصيني .. طبعا في مصر هنا لو حصل كدة الناس حتقول ايه البيئة دي علشان التخلف الي احنا فيه .
--
الفائدة الكبرى من الموضوع دع بتعم على الشركات المشاركة للشركات العالمية مثل بريليانس الي بتاخد خبرة كبيرة جدا ممنا يتيح ليها انشاء ماركة خاصة بها مثل البريليلانس و الهايما باستخدام تكنولوجيا مرخصة من الشركة الاصلية او مجرد خبرات مكتسبة .
وده الي خلاهم ينطوا نطة كبيرة في صناعة السيارات .
مش مجرد تجميع و بس .. بل في مراكز ابحات المانية بتفتح في الصين الان لدراسة و تصميم سيارات خاصة بالسوق الصيني .
الي حيقولي مش معنى مصر مفيهاش كدة حضربوا بالنار !
ليه ؟
مبيعات السيارات في الصين في سنة 2008 - 2 مليون سيارة تقريبة ! ( في سنة واحدة )
مبيعات مصر في 2008 - 250 الف سيارة تقريبا ....
شركة شيري الصينية لوحدها بايعة 250 الف سيارة و هي الرابع او الخامس في المبيعات ..
يعني شركة واحدة صينية بس بتبيع اد ما ماركات العالم كله بتبيع في مصر ؟
فهمته ليه بقى عمرنا ماحنبقى زيهم ؟