الموضوع: ما معني السرعة القصوي للسيارة

المشاركة الأصلية كتبت بواسطة samirayad

مع ملاحظة أنه لن تحدث أى أضرار للمحرك أو الموتور نفسة.........واللى حيشيل الخسائر هو الفتيس.....

واحدة واحدة
-الفتيس هو حلقة الوصل بين الموتور والعجل وعلية بتختار سرعتك حسب الترس اللى مختارة
-الوضع الطبيعى الحركة رايحة من الموتور للعجل بالتدريج يعنى مثلا انت مش بتطلع من السكون على 100 لأ بتمشى بالتدريج
-التروس كل لما تعلى عزمها بيقل وسرعتها تعلى
-لو انت مثلا على الخامس على 120 ومرة واحد روحت جايب تانى اللى هيحصل انك هتلاقى ال rpm نط لاخرة والعربية كلبشت لأن الموتور على النقلة دى مش قادر يجيب السرعة دى (وبالذات لو انت معوضتش فرق السرعة بدواسة البنزين)
-نيجى للى هيصل: طبعا احتكاك عالى جدا بين الدسك والاسطوانة لأن الاتنين مش نفس السرعة (كدا اسطوانة ودسك) , تحميل عالى على التروس واجزاء الفتيس الداخلية وعمود الكرنك (هيبان التاثير على البلى والجلب) , تحميل عالى على الموتور لأن انت بترغمة انة يدخل فى نطاق سرعات هو مش مصمم عليها او خطر على اجزاءة .. الموتور لما تدوس بنزين على الاخر علشان يفصل وهى وقفة غير لما تجبرة بحمل انة يدخل فى الريد زون وطبعا دة هيأثر على الحريق
فايدة التفصيل انة لما يدخل فى الريد زون يقلل كمية البنزين اللى رايحة للرشاشات بحيث يخرج وبعد كدة يرجع للوضع الطبيعة فالسرعة تعلى وهكذا بحيث العربية متفصلش وفى نفس الوقت بحافظ على الموتور لسببين : * عملية التزييت , *علشان التردد الناتج عن دورران الموتور فى السرعات دى ميوصلش للتردد الطبيعى للاجزاء المصنع منها اجزاء الموتور ودة معناة انهيار الموتور
وطبعا بعد دة كلة قواعد الموتور والفتيس بالسلامة
الموضوع دة ميتعملش الا فى حالة واحد داخل على حادثة جامدة ومفيش فرامل او الفرامل مش سعفاة وبالتالى مفيش غير كدة بحيث انة يطلع سليم غير كدة تدمير للعربية.