الموضوع: ا ب سواقة

كل ده بييجي واحدة واحدة و بالتدريج و لا تقلق.

المشاركة الأصلية كتبت بواسطة Mohamed_Elsaadani

دواسة
اللى بيتهيالك ان العربيات حتخبط فيك ممكن تحله بانك تضبط نفسك فى الحارات مسترشدا بالخطوط الفاصلة بينها لكن ده مش معناه ان الاخرين ما بيغلطوش دول بيعملوا بلاوى

سلامى

خطوووط؟؟؟!!! خطوط إيه ديه؟ انا ما شوفتش خطوط! حد شاف الخطوط ديه يا رجاله؟

يا باشا اللى حضرتك بتتكلم عليه ده موجود فى ما لا يزيد عن 30% من شوارع القاهرة الكبرى و بيقل فى باقى المحافظات

شكرا يا رجالة ع النصايح

بص بقى هاقولك نصيحة
لازم قبل ما تسوق تكون مستعد معاك مسدس وشومة عشان الناس الوحشة اللى بتزنق وتقرف الواحد :k48:
طبعاً بهرج
بجد والله أنا بسوق من 15 سنة وخد خبرتى المتواضعة
1 - خليك هادى أو المسمى الثبات الأنفعالى ( مع سرعة رد الفعل ).
2 -التركيز التام فى كل شئ خلى عينك فى وسط راسك .
3 - زى ما الواحد بيهتم يبص قدامه عشان يسوق لازم يهتم بالمرايات ودى مهمة جداً سواء الجانبية أو اللى فى الصالون .
4 - سيب مسافة بينك وبين اللى قدامك وكمان الطريق ككل .
5 - توقع أخطاء الغير .
6 - ربنا يستر طريقك وطريقنا اللهم أمين .

انا بردة لسة جديد بقالى 7 او 8 شهور دلوقتى بس خلاص اتعودت على السواقة فى بلدنا وكان ابن خالتى بيعلمنى السواقة بيقلى انتا بتسوق حلو بس لازم تعرف تقرا الطريق يعنى يما تلاقى مثلا نقل ماشى شمال تحاول تيجى يمين من بدرى عشان متزنقش وراة وبردة كدة فى اليوتيرن وهكذا فى كل حاجة يما تبقى جنب تاكسى او ميكروباص توقع منة فجاءة يكسر يمين عادى جدا وحاجات تانية كتير هتيجى بالتعود و وبردة انا كنت فى الاول يما اطلع من واحد ماشى على اليمين تلقينى فى اخر الشمال بس دة غلط لازم اطلع قريب منة عشان اسيب مكان لوحد على شمال وجى بسرعة يطلع هو كمان