انا الحمد لله حاليا بسوق يعني فوق المتوسط بس مشكلتي حاجتين
1 - لما بفرمل بفرمل فرملة شديدة شوية
2- بترعب لما حد يعدي من جنبي بسرعة و يلزق فيا
بحس ان العربية هتفلت من و تخبط فيه
و ساعات العربية بتحدف مني بس مش ديما
ازاي اقدر اتغلب علي الحاجات دي
عرض للطباعة
انا الحمد لله حاليا بسوق يعني فوق المتوسط بس مشكلتي حاجتين
1 - لما بفرمل بفرمل فرملة شديدة شوية
2- بترعب لما حد يعدي من جنبي بسرعة و يلزق فيا
بحس ان العربية هتفلت من و تخبط فيه
و ساعات العربية بتحدف مني بس مش ديما
ازاي اقدر اتغلب علي الحاجات دي
اهم حااجة وانت ساايق تكوون هادي ومش متوتر
وخاالي رجلك علي الفرامل خفيفة مرة في مرة هاتبيق تماام
حكاية الحدفة دي ممكن تكون زوايا وترصيص اكشف عليها ولو عربيتك جديدة روح التوكيل
ويفضل لو تخلي واحد بيسوق كويس يشفهالك قبل ما تكلف نفسك علشان تتاكد
وبالنسبة للفرامل حتيجي معاك بالتعود بس خد بالك اما تفرمل بدري وبشدة احسن ما تفرمل متاخر
خليك علي كده في الاول بس خف رجلك شوية لحدما تتعود عليها
وربنا سترها معانا كلنا
موضوع الفرامل ده يا باشا حله بسيط
اولا ما تجريش في الطرق الزحمة بسرعات عاليا
ثانيا خلي فيه مسافة بينك وبين العربية اللي قدامك ديما ما تقلش عن 8 متر مثلا علي السرعات اللي بين 60 و 80
حاجه تانية مهمة قووي
لازم تركز في كل الطريق و تبص قدام... حدودك في السواقة مش العربية اللي قدامك بس
بص قدامها كمان... ولو انت شايف انك محتاج تهدي حتي لو اللي قدامك علي طول ما فرملش
هدي انت السرعة
موضوع العربية اللي بتعدي من جنبك ده عادي جدا جدا
انا كان بيحصلي اسخف من كده
انا مرة أول ما كنت باسوق كنت هاطلع علي الرصيف علشان واحد صاحبي جنبي وقع موبايله في جيب باب العربية... وعمل صوت خبطة
عادي يا باشا الثبات الانفعالي -علي رأي مني زكي-ده ها يتكون عندك بعد فترة.
تحياتي
ممارسة كل يوم لمده ساعة على الاقل
كل يوم وعلى مهلك واليوم التالى ثقتك هتزيد
وسيب اللى يجرى يجرى
نص اللى بيجروا فى الشارع صدقنى مابيعرفوش يسوقوا
وبعد كده هاتسوق وانت بتشرب شاى بأيد وسندويتش بالايد التانيه
الحل
1- إنك متجريش أكتر من السرعة اللي بتعرف تتحكم في العربية فيها وشوية شوية هتلاقي نفسك اتمكنت وعرفت تمشي بأي سرعة عادي ، وبالنسبة للحدفة هتكون إما زوايا أو من عدم قدرتك على التحكم في العربية على السرعة دي .
2- لما تلاقي العربية اللي قدامك بدأت تقف أو نور فراملها منور يبقى تبدأ تهدي علشان لما توصلها تكون هادي ، واعمل حسابك سيب مسافة كبيرة بينك وبين اللي قدامك.
3- اللي بيعدي من جنبك ولازق في عربيتك ده تسبيه يمشي ومتعبرهوش علشان بيزنق عليك ، إما حقد أوبيقولك امشي على جنب أو هواية بيحب يطورها ، وأهم حاجة تعرف حدود طريقك علشان لو زنق عليك متطلعش على الرصيف وتعرف تهدي .
وربنا يستر طريقك وطريقنا وطريق كل الناس يا رب امين :S_thum1[1]:
دواسة الفرامل ممكن تتغير حسب راحتك يعنى ممكن تكون ناشفة او ناعمة قصيرة او طويلة (يعنى علشان تفرمل السيارة تدوس دوسة بسيطة او دوسة طويلة شوية) وديه سهلة الضبط بالتوكيل
اللى بيتهيالك ان العربيات حتخبط فيك ممكن تحله بانك تضبط نفسك فى الحارات مسترشدا بالخطوط الفاصلة بينها لكن ده مش معناه ان الاخرين ما بيغلطوش دول بيعملوا بلاوى
الهدوء جميل جدا فى كل شىء احرص عليه وربنا حيسلمك
سلامى
انا بردو لسة متعلم السواقة قريب ونفس المشاكل بالظبط
وانا كمان نفس الحكاية متيجو نعمل منتدي لينا للجداد في السواقة يعني هههههه ولا بلاش ماحنا مش ناويين نفضل جداد في السواقة طول عمرنا بس فعلا مشكلة الفرامل دي والحدفة غلسة اوي وبتخلي الواحد قلبه في الدريكسيون وماسك وقافش في الدريكسيون ولا اكننه عيل من عياله ليفلت سنة يمين ولا شمال اخبط في حد من اللي ماشيين لازقين في عربيتي
دى طبيعى يا رجالة
اى حد لسه جديد فى السواقة كده
مش عيب يعنى فيكم ولا فى العربيات اللى معاكم
انا فى بداية سواقتى كنت اخاف اتخطى عربية من اليمين لو الحارة ضيقة
بس مع الوقت الواحد خلاص
العملية مسألة وقت
اهم حاجة الهدوء والتركيز فى سواقتك وعربيتك وبس
وتمشى بالاشارات والانتظار مع التوقف المفأجى
متقلقوش دي حاجات عادي جدا حصلتنا كلنا انا مش قديمه قوي بقالي 7 شهور بس الحمد لله الواحد كان فين وبقي فين المهم ركز في الطريق وسيبك من اي حاجه جنبك واللي يضايقك سيبه وعديه ويستحسن بلاش تمشي في النص لانه بيبقي ملطشه للي فاليمين والشمال واصحاب الخبره يردو لو كلامي غلط طبعا اعتقد الحدفه دي مش هتيقي من العربيه هتبقي من ارتباكك انت بس برده اتاكد
وفعلا مع التعود كله بتظبط وموضوع الخضه ده عادي انا بتخض من خيالي بس الحمد لله و سبحان الله مبيحصليش ده وانا سايقه عموما كله بالتعود بيبقي كويس وربنا يكفيكو ويكفينا شر الطريق
معلش طولت عليكو
هقولك نيحة جامدة:
لو اى عربية عدت جنبك سيبك منها ومتركزش معاها
امسك الدركسيون كويس وركز فى الحارة بتاعتك بحيث متعديش الخط
انت حط اسفل كعب رجلك على الارض لان دى مشكلة الشباب الجديد فى التعليم حط كعب رجلك على الارض وبعدين هتعرف
تتك على الفرامل والبزين واحدة واحدة والافضل انك تحس بالعربية
وهى بتفرمل
علشان تقدر المسافة الى هتقف فيها
كل ده بييجي واحدة واحدة و بالتدريج و لا تقلق.
شكرا يا رجالة ع النصايح
ربنا معااااك .... انت لسة شفت حاجة ؟
بجد السواقة فى البلد دى تحرق الدم و الأعصاب .. و ربنا يسترها معانا ....
بص بقى هاقولك نصيحة
لازم قبل ما تسوق تكون مستعد معاك مسدس وشومة عشان الناس الوحشة اللى بتزنق وتقرف الواحد :k48:
طبعاً بهرج
بجد والله أنا بسوق من 15 سنة وخد خبرتى المتواضعة
1 - خليك هادى أو المسمى الثبات الأنفعالى ( مع سرعة رد الفعل ).
2 -التركيز التام فى كل شئ خلى عينك فى وسط راسك .
3 - زى ما الواحد بيهتم يبص قدامه عشان يسوق لازم يهتم بالمرايات ودى مهمة جداً سواء الجانبية أو اللى فى الصالون .
4 - سيب مسافة بينك وبين اللى قدامك وكمان الطريق ككل .
5 - توقع أخطاء الغير .
6 - ربنا يستر طريقك وطريقنا اللهم أمين .
انا بردة لسة جديد بقالى 7 او 8 شهور دلوقتى بس خلاص اتعودت على السواقة فى بلدنا وكان ابن خالتى بيعلمنى السواقة بيقلى انتا بتسوق حلو بس لازم تعرف تقرا الطريق يعنى يما تلاقى مثلا نقل ماشى شمال تحاول تيجى يمين من بدرى عشان متزنقش وراة وبردة كدة فى اليوتيرن وهكذا فى كل حاجة يما تبقى جنب تاكسى او ميكروباص توقع منة فجاءة يكسر يمين عادى جدا وحاجات تانية كتير هتيجى بالتعود و وبردة انا كنت فى الاول يما اطلع من واحد ماشى على اليمين تلقينى فى اخر الشمال بس دة غلط لازم اطلع قريب منة عشان اسيب مكان لوحد على شمال وجى بسرعة يطلع هو كمان
أهم حاجة بس تبقوا هاديييييييييييين و مركزيييييييييييين
و بالنسبة لموضوع الفرامل و الحدفة دي لازم تحس بالعربية تركز معاها هي رايحة فين و جاية منين من خلال الطريق قدامك و المرايات اللي بتجبلك العربية عاملة ايه بالنسبة للشارع و هتيجي معاك واحدة واحدة
لازم تتوقع اخطاء الغير و خصوصا بتوع الميكروباصات علشان دوول مبيشوفوش اي حاجة قدامهم غير الزبون ملهمش دعوة بالطريق خالص
سيب مسافة امان بينك و بين اللي قدامك و لما لمبة الاستوب بتاعتو تنور ابدأ هدي علشان تحافظ على مسافة الامان بينك و بينه
لو حد كبس عليك او زنقك دلوقتي سيبوه فحاله اما بعد كدة هتبدأ تربيه :d و حاول تحافظ على اخلاق السواقة و تلتزم بالحارات لو كانت موجودة علشان لو كل واحد فينا حافظ على الاداب العامة للسواقة مفيش حد هيدايق من السواقة كل واحد يبدأ بنفسه
و لو حد غلط في الشارع عديهة لأنك ممكن تبقى مكانه
و ربنا يبعد عنكم اي شر و يوفقكم و بعد كدة ان شاء الله هتبقى بتسوق وانت مغمض :d
مع الوقت هاتظبط الفرامل بس المهم انك ماتكونش قريب قوي من العربيات اللي قدامك
موضوع الحدفه: هيه العربيه بتحدف لوحدها يعني و انت سايب الدركسيون ولا و انت ماسكه؟ لو بتحدف و انت سايب الدركسيون يبقي ده زوايا
العربيات اللي بتعدي من جنبك ديه انت هاتتعود عليها مع الوقت المهم بس تحفظ ابعاد العربيه كويس عشان تعرف تتعامل مع الناس ديه