احذر التصوير الليلى على طريـق مصر - الأسكندرية الصحراوى

**Sharky** · 20-01-2009 02:30 PM

المشاركة الأصلية كتبت بواسطة som3aa

فى القاهرة فى الطريق الدائرى اللى بيربط مصر الجديدة و مدينة نصر (طريق اللى فيه مدخل المطار) بالليل فى رادار ليلى برده.

الفلاش بقا ضعيف جدا يعنى الرادارات تطورت مش زى زمان , انا اتصورت من ثلات سنين على طريق الساحل الشمالى عند كمين الحمام كان فى فلاش شديد كأن الدنيا بقت زرقاء بس من كام يوم اتصورت على الدائرى (كان فى نور ازرق صغير اوى على الكاميرا نفسها) انا عرفت الكاميرا من النور الازرق اللى عليها.
على فكرة دى موجودة علطول مش يوم واحد بس كدا

بيبقى مكانه فين بالظبط ؟؟؟

**MohaMed_Refaat** · 20-01-2009 02:50 PM

ياباشا مفيش تصوير بليل كان موجود من كام سنة بس اتلغى ونزلت فى الجرايد .!!!
هو ممكن يكونوا رجعوة بس انا مقبلتش ولا لجنة بتقوف بليل ولازم يكون فى فلاش مينفعش يبقى فى كمين رادار من غير فلاش حيصور ازاى دة حتى لون العربية موش حيبان ؟!!؟!؟!؟!

**dynamic_alpha** · 20-01-2009 03:51 PM

المشاركة الأصلية كتبت بواسطة Sharky

بيبقى مكانه فين بالظبط ؟؟؟

اللي بيصور بيبقى الناحية التانية من Mobil بعد الملف
و طبعا ده منزل ... و السرعة المقررة 60 فكله بيدفع

**zeyad1810** · 20-01-2009 04:04 PM

الف شكر ع النصيحة

**Sharky** · 20-01-2009 04:11 PM

المشاركة الأصلية كتبت بواسطة dynamic_alpha

اللي بيصور بيبقى الناحية التانية من Mobil بعد الملف
و طبعا ده منزل ... و السرعة المقررة 60 فكله بيدفع

يعنى عند دخلة المطار !!

**mo7a_mo7a** · 20-01-2009 04:23 PM

قل ولا تقل

قل احذر تجاوز السرعة المقررة علي كريق مصر اسكندرية الصحراوي
ولا تقل احذر التصوير الليلي

وكان الله في عون الجميع

**dynamic_alpha** · 20-01-2009 05:47 PM

بعد دخلة المطار بالظبط

علشان متعرفش تهرب , و طبعا كل اللي بيرجع عكسي بيلاقي موتوسيكل شرطة بيرحب بيه

**MoToRiZeR** · 20-01-2009 06:10 PM

ساعات بيبقي الفلاش شغال عالفاضي و يحاولوا يطلعوا منك أي مصلحة .

**abo_hosni** · 20-01-2009 06:34 PM

المشاركة الأصلية كتبت بواسطة dynamic_alpha

اللي بيصور بيبقى الناحية التانية من Mobil بعد الملف
و طبعا ده منزل ... و السرعة المقررة 60 فكله بيدفع

ده يؤيد أن الغرض هو اصطياد الناس و ليس حمايتهم

زي الكمين اللي حطوه عند منزل الكوبري عشان (يصطادوا) العربيات النقل و ليس (لمنع) العربيات النقل من طلوع الكوبري من الأول!!!
و النتيجة

في مرة وقفوني عند الكمين يوم جمعة بعد الصلاة و العسكري يقول لي "اتصورت رادار" و أنا متأكد أني ماشي تحت 80 و حد السرعة 90 مثلاً. حسيت أنه بيشتغلني بس كان هياخد الرخصة للضابط. بصراحة كسلت أجادل معاه و مع الضابط و افتكرت منظر نيابة المرور و الوصل. عملت إيه بقى حطيت الرخصة بين صباعين و عشان مالقيتش فكة حطيت 20 جنيه بين الصباعين التانيين و طلعت إيدي من الشباك و كان الاختيار للعسكري. ساب لي الرخصة طبعاً

-

الموضوع: احذر التصوير الليلى على طريـق مصر - الأسكندرية الصحراوى

LinkBack

أدوات الموضوع

عرض

-

-

-

المواضيع المتشابهه

هو فين قسم التصوير

::: لأهل الأسكندرية ::: استفسار لقضاء اجازة في الأسكندرية

سؤال عن الرادار الليلى

لمستخدمى القاهره - الاسكندريه الزراعى , احترس من الرادار الليلى !!

مشروع تطوير طريق القاهرة الأسكندرية الصحراوى

الكلمات الدلالية لهذا الموضوع

المفضلات

المفضلات

ضوابط المشاركة