الركنه

**دينا أبوالعلا** · 20-01-2009 12:06 PM

عايزه حد يقولي انا صح ولاعشان لسه جديده في حوار السواقه ده
كل ما اخرج بالعربيه ارجع بيتنا ملاقيش مكان اركن فيه ولا بعد الشغل ولا بعد العشا ولا متاخر والمؤلم فالموضوع اني لو خرجت لازم بابا بقضل قاعد عشان كده الاحنا الاتنين مش هنلاقي مكان نركن فيه فبنحجز بعربيه:k48:
المهم برجع الاقي ناس جايه من شوارع غريبه تركن قدام بيتنا وعمراتنا واللي جنبنا واللي قدمها واللي جنبها معندهومش غير عربيتي وعربية بابا و برده مش لاقيين نركن
كل يوم الاقي واحد يركن سايب ييجي 80 سم قدامه ييجي اللي وراه يسيب زيه طبعا فالخر تلاقي فاضي كتير و ما يركنش توتوك
امبارح كنت راكنه في اول الصف(موازي للرصيف)خرجت من غيرها رجعت لقيت واحد من بتوع كل يوم ده راكن ورايا وسايب مكان فظيع ووراه مكان افظع وواحد راكن .بعدها خرجت بالعربيه رجعت طبعا لقيت مكاني اتاخد وطبعا دمي اتحرق من الركنه الغريبه اللي بيركنو بيها كل يوم بيبقي نفسي اشوف الراجل ده عشان اقوله يركن عدل المهم كتبتله ورقه عشان يقرب من العربيه اللي وراه او من اللي قدامه
متهيالي علي حد تفكيري اني مغلطتش
الغريب ان بابا زعقلي هو انتي عايزاه يلزق في عربيتك هو يركن مكان ما هو عايز انتي متعرفيش لما ركن كان الظروف ايه
ماشي بس لما ابقي انا اللي راكنه قدامه يبقي اكيد لما ركن وساب المكان ده كله مكنش في حاجه تمنع انه يهدر المكان ده كله واحنا شوارعنا مقرفه ومفيش مكان الواحد يركن فيه
طولت طبعا انا عارفه بس كنت عايزه اوضح الصوره ويا رب تكون وضحت وحد يقولي انا غلطانه ولا لأ

**hazzan32** · 20-01-2009 12:35 PM

اعتقد ان معظم الى بيتعلموا السواقه بيعتبروا ان الركان ده حاجه مش مهمه والى بتقولى عليه ده فعلا مشكلتنا كلنا

**kemo0o** · 20-01-2009 12:37 PM

هو انتي مش غلطانة ولا حاجة بس هي دي طبيعة الركن في مصر
وافضل حل ان لو في بواب عندكم في العمارة المفروض انه مايخليش حد يركن قدامها غيركم او تشوفي جراج افضل اما بالنسبة لموضوع اللي بيسيب مكتن قدامة كتير ده فغالبا بيبقى خايف على عربيته احسن اللي قدامة وهو طالع ممكن يخبطة مش عارف الناس دي تفكيرها ازاي

**دينا أبوالعلا** · 20-01-2009 12:46 PM

المشاركة الأصلية كتبت بواسطة hazzan32

اعتقد ان معظم الى بيتعلموا السواقه بيعتبروا ان الركان ده حاجه مش مهمه والى بتقولى عليه ده فعلا مشكلتنا كلنا

عندك حق واللي انا قولته ده غير طبعا الناس اللي بتدخل ضهر العربيه بس وتسيب بقيت العربيه بره والله العظيم في نا بتعمل كده عندنا ويبقي المكان يدخلهم بس هو تقريبا بيكسل يرجع ويعدل وهكذا ربنا يصبرنا

المشاركة الأصلية كتبت بواسطة kemo0o

هو انتي مش غلطانة ولا حاجة بس هي دي طبيعة الركن في مصر
وافضل حل ان لو في بواب عندكم في العمارة المفروض انه مايخليش حد يركن قدامها غيركم او تشوفي جراج افضل اما بالنسبة لموضوع اللي بيسيب مكتن قدامة كتير ده فغالبا بيبقى خايف على عربيته احسن اللي قدامة وهو طالع ممكن يخبطة مش عارف الناس دي تفكيرها ازاي

للاسف مفيش بواب وفيصل طبعا عشان تلاقي جراج ده شئ يمكن يكون خيالي .هو تقريبا كده هيضطروني ارتكب جريمه

ممكن افضيلهوم العجل

طبعا مرضهاش لنفسي بس ببقي متغاظه:k26:
ولسه اصلا لما اشوف الراجل ده هيعمل ايه بعد ما كتبتله الورقه
ممكن يعملي كده

انا بصيت علي الارض الصبح قولت يمكن الاقي الورقه متقطه ومرميه

**sasatony** · 20-01-2009 12:48 PM

مفيش احسن من الجراج عشان ترتاحي وتبقي مطمنة

**AHMEDCAR** · 20-01-2009 12:51 PM

المشكله الازليه تلاقى واحد راكن فى مكان و بسببه تلاقيه مضيع اكتر من مكان بسبب الكرنه ده و ده كل بسبب الخوف على عربيه ان حد يركن قدامه او خلف و يخبطه شغل اى كلام بصراحه و ما لهاش حل

انا واحده فى مره ركنت قدام باب الجراج عندنا يومين تخيلوا بقى

**دينا أبوالعلا** · 20-01-2009 12:55 PM

المشاركة الأصلية كتبت بواسطة sasatony

مفيش احسن من الجراج عشان ترتاحي وتبقي مطمنة

انا مش قلقانه انا متغاظه.هو الواحد اكيد بيعمل حاجات غلط مبيخدش باله بس كل يوم اعمل نفس الحركه فنفس الشخص كتييييييييييييييييير

**دينا أبوالعلا** · 20-01-2009 01:03 PM

المشاركة الأصلية كتبت بواسطة AHMEDCAR

المشكله الازليه تلاقى واحد راكن فى مكان و بسببه تلاقيه مضيع اكتر من مكان بسبب الكرنه ده و ده كل بسبب الخوف على عربيه ان حد يركن قدامه او خلف و يخبطه شغل اى كلام بصراحه و ما لهاش حل

انا واحده فى مره ركنت قدام باب الجراج عندنا يومين تخيلوا بقى

علي فكره بقي مش منطق لان برده في ناس تحب تخبط في اللي وراها حتي لو المكان واسع عندنا واحد كده برده يفضل يرجع والمعاه يقوله خلاص يفضل يرجع لغاية لما يطلع علي اكسدام اللي وراه او علي الرصيف عشان يقتنع .طبعا انا مبركنش وراه ابدا ولو ركنت الصبح اخرج العربيه من مكانها

متكلمش الله يخليك علي الناس اللي بتركن قدام جراج اصلها حصلت معايا بس مكنتش اعرف انه جراج كان مدخل عماره ومش مكتوب جراج فركنت موازي زي الشارع كله
والحمد لله رجعت لقيت العربيه عمودي علي الرصيف:POINTI~2[2]: بس والله مش باين من ساعتها كل اما اعدي من قدامه ابص عليه الاقيه مش ممكن حد يتخيله جراج هو ممر كده بين عمارتين العماره
فبلاش الله يخليك تغلط في اللي بيركنو قدام الجراج

**hazzan32** · 20-01-2009 01:05 PM

بس بالنسبه للجراجات فى مشكله صغيره ..... استحاله تلاقى جراج فاضى
انا بيتهيألى ان الى ف الجراج دول حجزوا فيه من قبل مايتعمل ولا ايه

**دينا أبوالعلا** · 20-01-2009 01:09 PM

المشاركة الأصلية كتبت بواسطة hazzan32

بس بالنسبه للجراجات فى مشكله صغيره ..... استحاله تلاقى جراج فاضى
انا بيتهيألى ان الى ف الجراج دول حجزوا فيه من قبل مايتعمل ولا ايه

عندك حق والله بس ده لو لقينا جراج اصلا

الموضوع: الركنه

LinkBack

أدوات الموضوع

عرض

الركنه - انشر الموضوع فى :

-

-

-

-

-

-

-

-

المواضيع المتشابهه

السيراتو و الركنه لمده طويله !

الركنه في الشمس

هل الركنه فوق الرصيف مخالف

اليابان حلت مشكله الركنه

يا جماعه انا زهقت من الركنه؟؟؟؟؟؟؟؟؟؟؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة