محتاج مساعدتكم فى موضوع بطاقات الائتمان

**Ahmed Selim** · 22-01-2009 02:47 PM

المشاركة الأصلية كتبت بواسطة bemocarlo

انا مش فاهم حاجه!!!!!!!!!!
فيزا وماستر ايه اللي بتتاخد في مصر لما يكون ليك حساب جاري او توفير؟واللي ما لوش حساب في اي بنك ميعرفش يملك كريديت كارد في مصر؟وايه علاقه ذلك بالحساب البنكي؟امال اسمها كريديت ليه؟
هو نظام الكريديت في مصر مختلف عن دول العالم؟
bemo,ire

يا باشا هو مش بيتكلم على الكريدت........الكريدت بيتعمل من غير حساب خالص أو ممكن بضمان حساب توفير أو وديعة عادى جداً

المشاركة الأصلية كتبت بواسطة elbaz45

أشكر الجميع على الردود

لكن واضح ان فيه ناس مش فاهمة الفرق بين الكروت وبعضها ووظيفة كل واحدة بالظبط

انا يا جماعة قلت انى مش عاوز كروت ائتمان بنوعيها الدائن والمدين credit , debit

كل اللى انا كنت عاوزه كارت atm اقدر من خلاله أسحب من حسابى اللى فى البنك من اى مكنة بدون الحاجة للذهاب للبنك

وبالفعل الحمد لله رحت بنك مصر امبارح قدمت طلب لاستخراج بطاقة atm والموضوع انتهى وقالولى انها هتطلع بأمر الله خلال شهر

يا باشا ال ATM زيه زى الديبت كارد......و ال ATM فى أنقراض دلوقتى.
الفرق بين ال ATM و ال Debit أن ال debit ممكن تشترى بيه من المحلات.....وعشان تتفادى أن البنك يخصم من الحساب ممكن تعمل تحويل مرتب عليه.....و طالما الحساب فيه حركه ( سحب و أيداع ) مش هيخصمو منك حاجة ( بتكلم على الجارى وليس التوفير )

هذا والله أعلم

**eng.octooo** · 22-01-2009 04:21 PM

بص انا معايا كارت الشباب من البنك الاهلى المصرى
الرصيد بيتضداف بعد 24 ساعة بس
تسحب من اى ماكينة صرافة
تدفع بيها فى اى محل

**Ahmed Selim** · 22-01-2009 05:11 PM

المشاركة الأصلية كتبت بواسطة elbaz45

انت فاهمنى اوى على فكرة

لانى لما رحت بنك مصر امبارح كنت عاوز احول مرتبى على البنك فالراجل قاللى يبقى كده هنفتحلك حسابين واحد جارى والتانى توفير

اما الحساب الجارى فده علشان تحويل المرتب لازم يكون على حساب جارى

أما حساب التوفير علشان ده مبيخصمش منك حاجة بل على العكس بيديك فايدة

وقدمت طلبين للحصول على كارتين ATM واحد للحساب الجارى واخرى لحساب التوفير

فأنا عاوز أسأل حضرتك هو ايه اللى بيتخصم من الحساب الجارى وهل من الخطأ ان أسيب فى الحساب الجارى مبلغ كبير واحول الرصيد اول باول على حساب التوفير ...؟

للعلم انا عملت الحساب الجارى فقط علشان احول مرتبى عليه لانى باجى من سفر وكده

وشكرا على المتابعة والاهتمام

بص يا باشا
هى بتفرق من بنك للتانى......يعنى فى CIB ممكن كرت واحد تسحب من خلاله من حسابين من أى ماكينة.....بس حساب واحد رئيسى يتسحب منه فى حالة الشراء

بالنسبة لموضوع المصاريف للحساب الجارى......برضه بتفرق من بنك للتانى.......بس فعلاً سألت وقالولى بيتخصم من الحساب الجارى......كام بأه بتفرق
يعنى البنك اللى سألت فيه بيخصموا 120 جم فى السنة على 4 مرات كل مرة 30 جم.
حساب التوفير مسألتش عليه بس معتقدش أنه بيتخصم منه حاجة......بس أنت و رأيك فى الفوائد اللى بتنزل عليه.