حركة رزلة

**sherifahmed** · 20-01-2009 01:53 PM

انت ماشى و اودامك كوبرى والكوبرى واقف وانت واقف فى الطبور قوم ايه؟
قوم واحد يطلع من الطابور ويمشى لغاية اول الكوبرى ويكسر على العربية اللى واقفة عشان يطلع الاول

ومرة تانية لما يكون فى شارع رايح جاى وبرده الشارع واقف بس فى اتجاه واحد قوم ايه؟
قوم واحد برده يطلع من الطابور ويمشى عكس اتجاه عشان هو الوحيد اللى فاهم ومستعجل والباقى دول اعدين على البحر

**ezzatfox** · 20-01-2009 02:02 PM

حركات سواقين ميكروباصات و تاكسجية

**lada2010** · 20-01-2009 02:02 PM

هو غالبا اللى بيعملوا الحركات دى سواقين الميكروباصات لانة مستعجل عايز يعمل لة كم دور وراء بعض وبعدين انت بتقول كدا انا امبارح كانت امام جنينة الحيوانات بالجيزة بعد الجنينة فى ملف صغير وانا ماشى بسرعتى 60 تقربيا ولقيت واحد بتاع ميكروباص بياخد الملف وعادى كان الطريق بتاعة طبعا الحمد لله انا بعمل حسابى للحاجات دى وبتحكم فى السرعة واحدة واحدة بس معليش هنعمل اية هو لو كان فى عسكرى مرور بينظيم ما كان كل دا بيحصل لكن عسكرى المرور فى مصر محدش بيخاف منة علشان كدا لا يعمل لة حساب

**sherifahmed** · 20-01-2009 02:19 PM

حركات سواقين ميكروباصات و تاكسجية

واللهى يا باشا ملاكى

بس تقدر تنكر يا شريف انهم بيطلعو فعلا قبلك

يعنى هى اخر طلعة وبعدين هيشيلو الكوبرى ويعملوا جنينة

**دينا أبوالعلا** · 20-01-2009 02:24 PM

حلو موضوع الجنينه ده بس مش انا قولتلك انهم ناس مهمه وعشان بعد كده تبقي تجيب الكوبري بتاعك معاك
بهزر معاك

**MohaMed_Refaat** · 20-01-2009 02:59 PM

الحركة دية بتتعمل فى المزلقنات علطول تلاقى الحكاية ابتدت بصف واحد بعد كدة تلاقى ناس خلقها ضيق او فاكرة ان عقلها كبير عملت صف تانى شوية ويجى ناس خلقها اضيق وعقلها اكبر تعمل صف تالت وهكذا ويصبح العسكرى واقف زى الاطرش فى الزفة .

**A_H_M_A_D** · 20-01-2009 03:09 PM

أنا عمري مابخلي أي حد من الناس الحدقه دي تعدي قدامي
بافضل لازق في عربية اللي قدامي عشان ماديلوش فرصه يعدي
بس للأسف فيه ناس تانيه بتفتحله سكه يعدي
لو كل الناس إتفقوا إنه مايعديش مش حايعملها تاني

**verysad** · 20-01-2009 03:17 PM

المشاركة الأصلية كتبت بواسطة ahmadzowail

أنا عمري مابخلي أي حد من الناس الحدقه دي تعدي قدامي
بافضل لازق في عربية اللي قدامي عشان ماديلوش فرصه يعدي
بس للأسف فيه ناس تانيه بتفتحله سكه يعدي
لو كل الناس إتفقوا إنه مايعديش مش حايعملها تاني

تمام زى ما بأعمل , غير كده كمان ممكن وانته بتطلع المزلقان او الكوبرى واحد يرعشلك عشان اجرى و بسلامته يعدى بسرعة و العبد لله تترزع عربيته مش مهم فى الحاله دى بأبقى بغلى لكن بأهدى العربية أكتر من الأول و لما أعدى المزلقان بعد و صلة كلاكسات ونور طبعا بيحاول يعدينى , لكن ازاى .. لازم أحرق دمه و برضه بهدى و بعد كده بأروح شادد و أخليه يتنفس تراب الطريق .......... أستغفر الله العظيم حاجة تنرفز .

**M_Nabil** · 20-01-2009 03:26 PM

هيه حركة رزلة فعلا الصراحة أنا بعمل بتاعت الكوبرى بس لما أكون مستعجل والطريق واقف دة غير انك تلاحظ ان الحارة اليمين في معظم شوارع القاهرة هيه اللي بتبقى سالكة أكثر ودي الحاجة المميزة لشوارع المحروسة دونا عن معظم دول العالم

-

الموضوع: حركة رزلة

LinkBack

أدوات الموضوع

عرض

-

-

-

المواضيع المتشابهه

حركة غريبة

حركة بكم

حركة نص كم

دى حركة نصب كده ولا اه؟

حركة غريبة فى 132

الكلمات الدلالية لهذا الموضوع

المفضلات

المفضلات

ضوابط المشاركة