بمناسبة تنصيب أوباما، ما رأيك في الرئيس الأمريكي الجديد؟

النهاردة سوف يتم تنصيب أوباما ليكون أول رئيس أسود للولايات المتحدة.

ما رأيك في أوباما؟
هل سيوقف سياسات أمريكا الاستعمارية؟
ماذا سيكون موقفه من "الحرب على الارهاب"؟
هل سيغلق معتقل غوانتاناموا للتعذيب؟
هل سيكون معتدل في موقفه من القضية الفلسطينية؟

أنا شخصياً كنت من أشد المعجبين به. الرجل له حضوره الطاغي وهو متحدث لبق. تحدث كثيراً أثناء الانتخابات عن رفضه لتجمعات المصالح واللوبيات التي تتحكم بشكل صارخ في صناع القرار في أمريكا. رفض التبرعات من الشركات واللوبيات. تحدث كثيراً عن "التغيير". وعد بتغيير صورة أمريكا السلبية في العالم كله.

كل هذا تغيّر بالنسبة لي وقلت حماستي له عندما عندما ذهب بعد يوم واحد من فوزه بالانتخابات التمهيدية الى اللوبي الصهيوني Aipac و أخذ يوعدهم بالمساندة التامه لإسرائيل.
الرجل ذهب الى أبعد من أي مرشح للرئاسة الأمريكية وأي رئيس سابق وقال بالنص "القدس يجب أن تكون عاصمة موحدة لإسرائيل وغير قابلة للمفاوضات"

على فكرة، اسرائيل أعلنت أن القدس هي عاصمتها في 1980 ولكن منذ ذلك التاريخ لم تعترف معظم الدول بذلك ولم تنقل سفاراتها من تل أبيب للقدس. الكونجرس الأمريكي أصدر قرار بنقل السفارة للقدس ولكن بوش عطل القرار معللاً أنه استشاري وليس الزامي. ده موقف بوش الابن! هل سيكون أوباما أكثر صهيونية من بوش وينقل السفارة الى القدس؟!

مع احترامى لرأى الجميع لو فكرت فى الموضوع هتلاقى ان دى خطط ومنهج لابد من اى رئيس دوله انه ينفذها لكن الطريقه بتختلف من رئيس لرئيس او من شخص لشخص بمعنى انه هايكمل نفس طريق الرئيس السابق لكن بطريقته واسلوبه واكيد الراجل ده حالف اليمين
بمعنى تعددت الطرق والنتيجه واحده

الاجابة النموذجية :
زي اللي قبله
لا
لا
لا
لا


نعم (اكثر صهيونية)

اقتباس:

---

المشاركة الأصلية كتبت بواسطة mohamedezat

مع احترامى لرأى الجميع لو فكرت فى الموضوع هتلاقى ان دى خطط ومنهج لابد من اى رئيس دوله انه ينفذها لكن الطريقه بتختلف من رئيس لرئيس او من شخص لشخص بمعنى انه هايكمل نفس طريق الرئيس السابق لكن بطريقته واسلوبه واكيد الراجل ده حالف اليمين
بمعنى تعددت الطرق والنتيجه واحده

---

كلام حضرتك تمام وانا متفق معاك :S_thum1[1]:

امتى نسأل السؤال ده بالعربى؟

كلهم زى بعض الولايات المتحده الامريكيه دوله منظمات وليس دوله افراد يعنى الفرد اللى بيحكمها مش هى العزبه بتاعه ابوه لو قلبه حنين مايعاديش العرب لا طبعا هو بينفذ سياسه هو او غيره هينفذوها غصب عنهم باوامر من اللوبى الصهيونى المتحكم فى الاقتصاد الامريكى زى ما اخونا المحترم توت بيقول عليها ( الولايات المتحده الصهيونيه )
يعنى هو اوباما مش بيعارض الحرب على العراق عشان بيحب العرب والمسلمين يعنى لا طبعا انما عشان الحرب على العراق واستمرار القوات الامريكيه فى العراق ده كان منهج وسياسه الحزب الجمهورى المنافس اللى بيمثله ادامه فى الانتخابات الرئاسيه جون ماكين
هو بس اوباما اللى وشه سمح شويه عكس الكلب بوش اللى استغفر الله العظيم شبه ال..... ولا بلاش لاتوقف ...
بصراحه باراك اوباما خطبه رنانه وبيعرف لغه الخطابه وعنده كاريزما جباره والله من اول يوم شفته فيه وحسيت انه هو اللى هيعملها وهيفوز بالرئاسه بس كله محصل بعضه احمد زى الحاج احمد





..mokhtar..

انا شاهت فيلم تسجيلى عن الرئيس اوباما وكونت معجب بى لدرجة كبيرة

حتى تحدث عن سرائيل وقال سوف اعمل بكل قدرتى حتى اجعل القدس عاصمة اسرائيل

ولا تعليق

كلام الأخوة الأعضاء لحد كبير مظبوط من وجهة نظرى بس فيه نقطة هامة للغاية أحب أضيفها ومن خلالها ممكن نشوف ان فيه أمل مع أوباما بالنسبة للعرب والأمة الاسلامية ، باختصار الراجل مثقف مش زى اللى قبله وكمان ليه وجهة نظر يعنى مش عروسة ماريونيت فى ايدين الآخرين 24 ساعة ، الراجل مؤمن بنظرية (جوزيف ناى) فى العلاقات الدولية المؤمنة بالقوة الناعمة وأثرها فى تحقيق المصالح ، يعنى الراجل بدل مابيقول هعمل فيك اللى عاوزه وهو قادر يعمل فيك اللى عاوزه بس ده مش هيحققله مصالحه بشكل كامل ، يعنى لما فتوة كل يوم يضرب فى ميتين هياخد منهم ايه !! رؤيته انه يكبر الناس اللى بيضربهم عن طريق المنح والمنع والاستمالة ، والأخيرة بيعول عليها بشكل كبير ، يعنى يا أخ ياللى بتنضرب ومباخدش منك كل اللى عاوزه خلاص أنا هبطل ضرب فيك وهسيبك تشم نفسك ولو عاوز تكبر اكبر واقعد معايا على مائدة نتكلم فى مصالح متبادلة مش مشتركة (والفرق كبير بين الاتنين) ولما يبقى فيه اللى تقدر تفاوضنى بيه هتحقق مصالحى بشكل فعال أكبر بكتير لما كنت باخدها غصب عنك لأن فى الحالة دى هتفيدنى هفيدك انما طريقة تخدمنى أفيدك مبقتش مجدية ، وهناك فرق بين خدمة الدول الصغرى لأمريكا خدمة العبد للسيد وبين إفادتها فعلياً .
الخلاصة الراجل مش عاوز عبيد لأنه اكتشف ان الكرباج بيخلى العبد بليد ويائس ومش هيعمله اللى هو عاوزه ، حرره واديله استعداد انه يكبر ولبسه بدلة وخليه يشم نفسه عشان تعرف تاخد منه مصالحك كويس وهو كمان يعرف يديهالك بنفس لما يلاقى ان بقاله وزن ، بس الوزن من وجهة نظر أوباما مش مجرد تلميع أمريكا للدول الصغرى وتركها تتنفس لكن بالأساس رغبة تلك الدول الذاتية فى خلق وزن لها ، وعلى أد وزنك هنتفاهم مع بعض .
يمكن بشكل عام الكلام ده ميفرقش عن أى كلام سبقه فى اى ادارة أمريكية سابقة من حيث النهايات لكن عند علماء وأساتذة العلوم السياسية والعلاقات الدولية مهم جدا وأهميته هى ان الراجل قرر يبطل ضرب ويديك فرصة تتنفس وتكبر ويبقى فيه بينكم مصالح انت تسهل له مصلحة وهو يسهللك مصلحة بنفس وزنها ، لغة المصالح واستمالة الدول هى أساس نظرية القوة الناعمة اللى كتب فيها كتير Joseph S. Nye
وده لينك فيه مقال مختصر كتبه جوزيف ناى بيلخص وجهة نظره فى نظرية القوة الناعمة كان كتبه فى الفورين أفيرز سنة 2004
http://ics.leeds.ac.uk/papers/pmt/ex...sSoftPower.pdf

السياسات الامريكية عبارة عن اجندة طويلة الامد تجدد كل فترة على حسب المعطيات
والظروف المحيطة يعنى اوباما او غيرة مش هاتفرق كتيير سياستهم واحدة ومش هاتتغير يعنى جة اوباما او راح هية هية ولا يخدعكم لونة الداكن او اصولة المسلمة ومن يعتقد ان الرئيس الامريكى هو من يحكم امريكا وحدة يبقى غلطان يوجد جماعات ضغط يهودية ةغير يهودية ورجال اعمال ومؤساسات تؤثر فى صنع القرار السياسى

اقتباس:

---

المشاركة الأصلية كتبت بواسطة mohamedezat

مع احترامى لرأى الجميع لو فكرت فى الموضوع هتلاقى ان دى خطط ومنهج لابد من اى رئيس دوله انه ينفذها لكن الطريقه بتختلف من رئيس لرئيس او من شخص لشخص بمعنى انه هايكمل نفس طريق الرئيس السابق لكن بطريقته واسلوبه واكيد الراجل ده حالف اليمين
بمعنى تعددت الطرق والنتيجه واحده

---

فعلا عندك حق اى واحد جى جديد لازم يكمل الخطط الى محطوطه

اقتباس:

---

المشاركة الأصلية كتبت بواسطة mohamedezat

مع احترامى لرأى الجميع لو فكرت فى الموضوع هتلاقى ان دى خطط ومنهج لابد من اى رئيس دوله انه ينفذها لكن الطريقه بتختلف من رئيس لرئيس او من شخص لشخص بمعنى انه هايكمل نفس طريق الرئيس السابق لكن بطريقته واسلوبه واكيد الراجل ده حالف اليمين
بمعنى تعددت الطرق والنتيجه واحده

---

كلام فى مجمله صحيح وواعى ، مفيش حد عاقل يقدر ينكر ان أى رئيس أمريكى لابد أن يسعى لتحقيق مصلحة بلده بأى وسيلة خاصة ان أمريكا دولة تمثل المصالح 90% من فكرها وتمثل الأخلاق والأيدولوجيات 10% ، بس اللى يفرق المرة دى ان فكر مجموعة أوباما لتحقيق المصالح الأمريكية عاوزة تكسب المصالح شكل أخلاقى يختلف عن شكل غطرسة القوة اللى ابتدا من 2001 ، وحتى لو الفكر ده مجرد اطار ضيق للتحرك فهو أحسن من فكر من ليس معنا فهو علينا .
يعنى أهى فرصة تتفاهم مع واحد مش غشيم زى اللى مشى .

اقتباس:

---

المشاركة الأصلية كتبت بواسطة fiatto

كلام فى مجمله صحيح وواعى ، مفيش حد عاقل يقدر ينكر ان أى رئيس أمريكى لابد أن يسعى لتحقيق مصلحة بلده بأى وسيلة خاصة ان أمريكا دولة تمثل المصالح 90% من فكرها وتمثل الأخلاق والأيدولوجيات 10% ، بس اللى يفرق المرة دى ان فكر مجموعة أوباما لتحقيق المصالح الأمريكية عاوزة تكسب المصالح شكل أخلاقى يختلف عن شكل غطرسة القوة اللى ابتدا من 2001 ، وحتى لو الفكر ده مجرد اطار ضيق للتحرك فهو أحسن من فكر من ليس معنا فهو علينا .
يعنى أهى فرصة تتفاهم مع واحد مش غشيم زى اللى مشى .

---

طبعا كلام فعلا صحيح
و عموما كل القرارات عندهم بتصدر من مجلس الشيوخ و الكونجروس الامريكى
والى فعلا للاسف بيهمن علية اللوبى الصيهيونى بشكل كبير
و الى للاسف لعب علية اوباما بوعودة بدعم اكبر لاسرائيل
و ربنا يسترها علينا
بنطلع من نقرة ننزل فى دحريجة
الله المستعان

والله الراجل كلامه كويس خلينا نشوف الأيام هتقول ايه ... وبعدين بالتأكيد هو مش اسوأ من اللي مشي غير مأسوف عليه ...

سياسة القوة الناعمة واضح في خطبته اليوم.
أهم مقتطفات من الخطبة والتي تخصنا نحن العرب والمسلمين:

اقتباس:

---

Recall that earlier generations faced down fascism and communism not just with missiles and tanks, but with the sturdy alliances and enduring convictions. They understood that our power alone cannot protect us, nor does it entitle us to do as we please. Instead, they knew that our power grows through its prudent use; our security emanates from the justness of our cause, the force of our example, the tempering qualities of humility and restraint

---

ترجمتي المتواضعه

اقتباس:

---

تذكروا أن الأجيال السابقة واجهت الفاشية والشيوعية ليس فقط باستخدام الصواريخ والدبابات، بل بتحالفات قوية وقناعات ثابتة. فهمت تلك الأجيال أن القوة لوحدها لا يمكن أن تحمينا ولا تعطينا الحق في فعل ما يحلو لنا. بل أنهم عرفوا أن القوى تنمو من خلال الاستخدام الحكيم لها، أن الأمن يأتي من عدالة قضيتنا وقوة قدوتنا و الصفات اللطيفة من تواضع وضبط النفس.

---

اقتباس:

---

To the Muslim world, we seek a new way forward, based on mutual interest and mutual respect

---

اقتباس:

---

أقول للعالم الاسلامي، نحن نسعى لطريق جديد للأمام مبني على المصلحة المتبادلة والاحترام المتبادل

---

كلام مختلف تماماً عن اي خطبة تنصيب لأي رئيس أمريكي.

الموضوع مهم اوى يعنى فية رائيى
المهم انة دلوقتى الناس بتـــــــــــــــــموت طبعا احنا بنتفرج على النشرة وبنزعل 3 دقايق وبعدين بنقلب على روتانا
والله حراممممممممم غزة تخيل انك صحيت لقيت كل اخواتك وابواك مش مجودين وسالت عليهم قالولك ( بعد الشر )
الله يرحمهم تخيل هايكون شعورك اية فما باللك صحيت وفيش اى حاجة ليك لا اهل ولا بلد ولا حتى بيت دة حتى هويتك احتفت تعمل ايةةةةةةةة

he will only do what he's allowed to do

زية زى اللى كان قبلة
اوباما ولا حتى كوهين كلهم وااااااااااااحد

اقتباس:

---

المشاركة الأصلية كتبت بواسطة itsonlyme

سياسة القوة الناعمة واضح في خطبته اليوم.
كلام مختلف تماماً عن اي خطبة تنصيب لأي رئيس أمريكي.

---

الله ينور عليك هو ده بالظبط اللى كنت باتكلم عليه ، فكر مختلف يحمل تخفيض لاستخدام القوة المفرطة لتحقيق المصالح الأمريكية .

بعد ما خربوها واقتصادهم انهار الطبيعي يكون ده الوضع وهو نجح في تغيير صورة امريكا من قبل ان يجلس علي مقعد الرئاسة لاستقطاب الاستثمارات الخليجية مرة اخري وسد العجز في الموازنة وخصوصآ حكاية الاستثمارات الخليجية لان العرب بعد الازمة العالمية سوف يفكرون الف مرة في استثمار اموالهم في امريكا واذا استثمرو اموالهم في الدول العربية سيختلف الوضع 360 درجة
نصيحة لا تنخدعو بالسياسة الامريكية
الناس دي ما ليها دعوة بالعواطف والصورة واضحة لكل ذي بصيرة
اوباما عقد صفقة مع هيلاري كلينتون وتنازلت عن مواصلة الحملة بعد ان كانو عدوين لدودين في مقابل مقعد وزارة(الخارجية )

ايه معيار التقييم
احنا بالنسبه لنا لو ما ماموتش 50 ألف مسلم يبقى كويس وابن حلال
اكتر من كده يبقى مش كويس
افتح العداد من 20 يناير 2009 وعد
والفيتو هايتلغى ضد اى قرار يدين اسرائيل
ومجلس الامن هيكون قوات متعدده الجنسيات لطرد اسرائيل من فلسطين نظرا لارتكابها جرائم حرب
وهايرجع المسجد الاقصى لينا واحنا قاعدين ونايمين فى التكييف
ونبعتله ايميلات شكر- وهيخرج من افغانستان والعراق
ووزير الدفاع الاسرائيلى ورئيس الوزراء هانجرجرهم فى محكمة لاهاى
(دى غير محكمة عابدين )

الفرق بين بوش واوباما ان بوش كان هو وحزبه صريحين بيضربوا علي طول من غير تفاهم هو كدة وان كان عاجبكم ........انما اوباما وحزبة حيقولو نعم وحاضر يافندم وانتم تامروا والسكينة ورا ضهرة من الاخر حيسقينا السم في العسل .........وبعدين اذا كتن الحكام العرب مش فارق معاهم اللي بيحصل في شعوبهم حيفرق مع اوباما