تقدر تمشى من غير كلاكس ؟

**جمال** · 21-01-2009 01:28 AM

انا ممكن امشى ب كلاكس من غير عربية
انما عربية من غير كلاكس لأ
طبعا الكلام ده فى مصر بس
فى فرنسا مثلا لايمكن تسمع اى كلاكس ( الا فى رأس السنة وده بيكون مهرجان كلاكسات ) لدرجة انك تنسى ان فيه حاجة اسمها كلاكس

**mo7a_mo7a** · 21-01-2009 03:11 AM

في مصر لا علشان اللي كلنا عارفينه
برة بردو لا
لان ده معناه ان عربيتك غير مؤهلة فنيا

**MoToRiZeR** · 21-01-2009 03:38 AM

المشاركة الأصلية كتبت بواسطة walidadel

والله العظيم انا انهارده استعملت الكلاكس علشان قطه معديه من قدام العربيه و باصه الناحيه التانيه

قطة مصرية أصيلة .

**Ahmed Samy** · 21-01-2009 03:40 AM

زمان و انا في الجامعة كنت لازم أعلى الكاسيت و أقفل الشباك و أشغل ميتال

فكنت لما أكلكس الناس توسع أو تاخد بالها بس أنا ما باسمعش الكلاكس بتاعي

و مرة لاقيت الناس ما تستجيبش للكلاكس
بس لو كلكست جامد جامد ياخدوا بالهم و يوسعوا

يعني أدخل ملف و أكلكس و اللي جاي قدامي ما يوقفش ولااااااا أكني باكلكس
وساعات يوقف لما أكلكس

ممكن أبقى مستني حد و أكلكس ما يجيش الا بعد فترة
وساعات ييجي بسرعة لما أكلكس كتير

المهم يوم بعد يوم كنت واقف في الشارع مستني الست الوالدة (و طبعا مش مشغل حاجة في الكاسيت) فا اتأخرت شوية قلت أديها كلاكس كده على السريع

و يالهول المفاجأة لاقيت مفيش كلاكس

و طلع اني كنت باضرب كلاكسات في الهوا

و اكتشفت ان الناس كانت بتوسع بمزاجها و تعديني بذوقها و صاحبي كان بينزل بسرعة بمزاجه برضه

من يومها اكتشفت ان الكلاكس عمال على بطال ده خيابة و دلوقتي نادرا ما باستعمله

**zanativich** · 21-01-2009 11:22 AM

i see that we can`t drive in our great egypt without PEEP PEEP
we must do this

**A_H_M_A_D** · 21-01-2009 11:56 AM

في حاجتين لا يمكن أقدر أمشي من غيرهم
الفرامل و الكلاكس
أي حاجه تالته مش موجوده في العربية مش مشكله قد الإتنين دول
لإن لو واحده منهم عطلانه ... يبقى بالسلامه يا ريس
من غير كلاكس محدش حايشوفك و لا يحس بيك
كأنك Hidden و ساعتها أي حاجه ممكن تلبس فيك
أصلي جربت الموضوع ده قبل كده ولولا ستر ربنا كان زمان العربية في خبر كان

**MohaMed_Refaat** · 21-01-2009 12:20 PM

المشاركة الأصلية كتبت بواسطة angel_man100

تعمل أية لو مشيت من غير كلاكس وأية الموقف اللى ممكن يحصلك ؟

.

انا لو مشيت من غير كلاكس فى مصر علطول حتصل بالمفتش كرومبو علشان يجيبلى كلاكس جديد لان مصر متنفعش تمشى فيها من غير كلاكس ابدااااااااااااااااااااا

**SAMER_ENGINES** · 21-01-2009 12:39 PM

بصراحة مقدرش أمشي من غير كلاكس أبدا الا لو مضطر أوي, لأني أحنا في مصر و هو فعلا مهم جدا بس المفروض يستخدم صح مش عمال علي بطال الناس هنا بتستخدمه بداعي و بدون داعي لكن ده لا ينفي أهميته في المناطق شديدة الزحام و في شوارعنا اللي بتختلط فيها الناس مع السيارات.
و لسه كنت سايق عربية واحد صاحبي و كانت من غير كلاكس قلت له مش هسوقها تاني الا لما الكلاكس يتصلح و فعلا أتصلح و الحمد لله.

-

الموضوع: تقدر تمشى من غير كلاكس ؟

LinkBack

أدوات الموضوع

عرض

-

-

-

-

-

-

المواضيع المتشابهه

العربية تمشى أد أيه لو المفتاح مش فيها

فكر مليون مرة قبل ما تمشى بسرعة !!!

خبر سيارة تمشى بالماء دا حلو

حد شركته ابتدت تمشى ناس ؟

الكلمات الدلالية لهذا الموضوع

المفضلات

المفضلات

ضوابط المشاركة