عرض للطباعة
تعمل أية لو مشيت من غير كلاكس وأية الموقف اللى ممكن يحصلك ؟
أنا مرة مشيت من غير كلاكس وكنت فى شارع منطقة شعبية وكان الكلاكس بايظ وكان الشارع زحمة جدا بقيت أطلع من الشباك وأقول وسع ياعم أنت وهو أوعى العجل وكان يوم مايعلم بيه ألا ربنا وفضلت كتير عقبال ماطلعت من الشارع ده .
فى واحد قريبى مكان معاة 131 والكلاكس بايظ كان يعد يكبس بنزين عشان صوت العربية يعلى والناس توسع
تقريباً مش باستعمل الكلاكس حتى لو في زحمة. نادراً يعني
لكن لو عطلان بامشي و أنا مش مرتاح نفسياً لحد ما ما يتصلح. بحس أن في حاجة ناقصة و مش مضبوطة
بقضيها كبس بنزين ونور وتكحيت بالكوتش (امريكانى)
واهى بتمشى
عدم وجود الكلاكس حاجه صعبه جدا خصوضا اننا في مصر ام الدنيا
مش بستعمله الا فين وفين
ممكن اقعد باليومين والتلاته مستعملوش لانى مبحبش صوت الكلاكس وبراعى الناس اللى ماشيه على الارض
هي المشكلة ياجماعة اننا في مصر و الشارع لازم حتلاقي فيه عقبات في طريقك :120146b
علشان كده لازم حتضرب كلكس طول ما انت ماشي علشان علي الاقل المشاة اللي مرة واحدة بتلاقيهم نزلوا من علي الرصيف مرة واحدة من غير ما بيبصوا اساسا علي الشارع..... وممكن تلاقي واحد من المشاة ماشي في وسط الشارع ومنفض للعربيات اساسا فلازم تديله كلاكس علشان تاخد اذن سعادته انه يوسعلك طريقك علشان تعدي........
لو الكلاكس بقي كان قاطع يبقي لازم تمشي علي مهلك كده في نص الشارع ( ليه ؟ لان ببساطة اليمين حتلاقي المشاة واخدين جزء منه و كذلك الوقوف المفاجيء لاي عربية اجرة و اما الشمال فده لازم تمشي فيه بسرعة و بكده انت معرض انك تتحط في موقف طاريء يحتاج لاستخدام الفرامل مع الضغط بالكلاكس للتنبيه ) ....
مستحيييييييييييل
طيب ممكن بالليل ماش عشان هقلب نور انما الصبح لا
انا في مرة ماشي في شارع وبتاع موتسيكل مقابلني وباصص ورا لولا الكلاكس كان زمانه ..... وانا عربيتي كانت " بعد الشر "
ياجماعة الكلاكس ده حاجة مهمة جدا فى العربية وفى مصر قبل العربية مش كده ولا أيه
اكيييييييييييييييد طبعا
والله العظيم انا انهارده استعملت الكلاكس علشان قطه معديه من قدام العربيه و باصه الناحيه التانيه و استعملت الكلاكس علشان تاخد بالها اني جاي و مادوسش عليها كنت ماشي براحه طبعا
شوفت من فتره كده موقف مضحك اوي سواق تاكسي 128 حاطط علي الهوايه بتاعة الباب بتاعه الزماره المنفاخ دي اللي هيا بتاعة العجله بتبقي عباره عن بوق صغير كده و في اخره كوره كاوتش بتضغط عليها الهوا يطلع من البوق
كان شكلها جامد
انا ممكن امشى ب كلاكس من غير عربية
انما عربية من غير كلاكس لأ
طبعا الكلام ده فى مصر بس
فى فرنسا مثلا لايمكن تسمع اى كلاكس ( الا فى رأس السنة وده بيكون مهرجان كلاكسات ) لدرجة انك تنسى ان فيه حاجة اسمها كلاكس
+1111111111اقتباس:
المشاركة الأصلية كتبت بواسطة abo_hosni
في مصر لا علشان اللي كلنا عارفينه
برة بردو لا
لان ده معناه ان عربيتك غير مؤهلة فنيا
ياااااه دة انا من غير الكلاكس ماسوقش دة الواحد لازم كل يوم يصطدم بناس من اللي بيبقو ماشيين ولا اكنهم فاطرانين بانجو ولا باصص عالطريق وهوة بيعدي ولا نيلة بضطر ادوس كلاكس وافضل دايسه لحد ميصحي من البانجو اللي هوة واكله
قطة مصرية أصيلة .اقتباس:
المشاركة الأصلية كتبت بواسطة walidadel
زمان و انا في الجامعة كنت لازم أعلى الكاسيت و أقفل الشباك و أشغل ميتال
فكنت لما أكلكس الناس توسع أو تاخد بالها بس أنا ما باسمعش الكلاكس بتاعي
و مرة لاقيت الناس ما تستجيبش للكلاكس
بس لو كلكست جامد جامد ياخدوا بالهم و يوسعوا
يعني أدخل ملف و أكلكس و اللي جاي قدامي ما يوقفش ولااااااا أكني باكلكس
وساعات يوقف لما أكلكس
ممكن أبقى مستني حد و أكلكس ما يجيش الا بعد فترة
وساعات ييجي بسرعة لما أكلكس كتير
المهم يوم بعد يوم كنت واقف في الشارع مستني الست الوالدة (و طبعا مش مشغل حاجة في الكاسيت) فا اتأخرت شوية قلت أديها كلاكس كده على السريع
و يالهول المفاجأة لاقيت مفيش كلاكس
و طلع اني كنت باضرب كلاكسات في الهوا
و اكتشفت ان الناس كانت بتوسع بمزاجها و تعديني بذوقها و صاحبي كان بينزل بسرعة بمزاجه برضه
من يومها اكتشفت ان الكلاكس عمال على بطال ده خيابة و دلوقتي نادرا ما باستعمله
i see that we can`t drive in our great egypt without PEEP PEEP
we must do this
في حاجتين لا يمكن أقدر أمشي من غيرهم
الفرامل و الكلاكس
أي حاجه تالته مش موجوده في العربية مش مشكله قد الإتنين دول
لإن لو واحده منهم عطلانه ... يبقى بالسلامه يا ريس
من غير كلاكس محدش حايشوفك و لا يحس بيك
كأنك Hidden و ساعتها أي حاجه ممكن تلبس فيك
أصلي جربت الموضوع ده قبل كده ولولا ستر ربنا كان زمان العربية في خبر كان
انا لو مشيت من غير كلاكس فى مصر علطول حتصل بالمفتش كرومبو علشان يجيبلى كلاكس جديد لان مصر متنفعش تمشى فيها من غير كلاكس ابدااااااااااااااااااااااقتباس:
المشاركة الأصلية كتبت بواسطة angel_man100
بصراحة مقدرش أمشي من غير كلاكس أبدا الا لو مضطر أوي, لأني أحنا في مصر و هو فعلا مهم جدا بس المفروض يستخدم صح مش عمال علي بطال الناس هنا بتستخدمه بداعي و بدون داعي لكن ده لا ينفي أهميته في المناطق شديدة الزحام و في شوارعنا اللي بتختلط فيها الناس مع السيارات.
و لسه كنت سايق عربية واحد صاحبي و كانت من غير كلاكس قلت له مش هسوقها تاني الا لما الكلاكس يتصلح و فعلا أتصلح و الحمد لله.
انا قليل الاستخدام للكلاكس ولكن لا استطيع المشى بدونه ابدا .
الكلاكس الكتييير مالوش داعي وخصوصا ان في ناس تحس انها قاعدة علي الكلاكس وبتزمر عمال على بطال
أو ماعندوش كاسيت وبيسلي نفسه في الطريق:44:
لكن في اوقات بيبقى الواحد مش محتاج كلاكس
بتكون محتاج شومة :khd: تطلعها من الشباك وتضرب العالم الـ"متنحة" :8954[1]: اللي ماشية ومش في دماغها:ma(30):
انا مره حصل ان الكلاكس باظ وكنت فى باب اللوق طلعت من الشباك وسع يا بابا وسع يا حبيبى وسع يا عم الحاج بس كان يوم صعب اوى
وانا زيك بالظبطاقتباس:
المشاركة الأصلية كتبت بواسطة skyline
علشان انت لسة بتتعلم دة مرة الدكتور دة خبط وحد كان هيموتة ومرة تانية خبط واحد بتتكتوك ونزل يتخانق معاة فاكر نفسو ان هو الى ماشى صحاقتباس:
المشاركة الأصلية كتبت بواسطة dr_timo
ونازل يتخانق معاة فاكر نفسة vin diesiel ولا حاجة
يا جماعة محدش يفكرنى
العربية وهى 18 الف الكلاكس قطع
فضلت ماشى 2000 كيلو منغير كلاكس
مش عايز اقولوكوووووووا
لو واحد كسر عليا زى الباشا بفرمل مفيش تفاهم
وطبعا صوت موتور الفيرنا مش بيبان فى لزحمة :120146b
لدرجة انى فى المشاووير الزحمة كنت بسيب العربية وانزل بال128 اصلى مركب فيها كلاكس مرسيدس صوته :C_laugh[1]:مزعععععععععج
والحمد لله اتعمل فى صيانة ال20000 بعد شلل الفين كيلو
ما بحبش استخدامه خالص الا في الضرورة والضرورة القصوي.
بس لاحظت حاجه جديده خال ان كل الشعب عرف يشتم بالكالكس خلاص حتي البنات ودي سمعتها بوداني.