الموضوع: بين سلوكيات المصريين .. وسلوكيات العالم المتحضر

المشاركة الأصلية كتبت بواسطة Sameh

لأن اللى كذب كذب عشان ماعندوش دين ، واللى نصب واللى افترا واللى استغفل الناس عشان مكانش عنده دين ، واللى خاف على الكرسى وظلم وقهر برده عشان ماعندوش دين ومش خايف ربنا ، واللى احتكر ورفع الأسعار وافترا ماعرفش حاجة عن رحم الله تاجر سمحاً ، وبتاع الميكروباص اللى إتخانق وسب وظلم ما يعرفش حاجة عن السعى للرزق بالحلال عشان مهما عمل مش هياخد أكتر منه ولا أقل ، وهكذا

والدليل على كدة إنعدام الفساد فى عهد الخلفاء الراشدين وده كان أعظم أوقات الدولة الإسلامية بعد الرسول ، حتى إن سيدنا عمر لم يكن يجد من يلجأون للقضاء لإنعدام الظلم وسيادة الحقوق

يا اخى الكريم من الخطأ الربط بين السلوك الشخصى والدين
نجد مثلا الغرب لا دين لهم او بلمعنى الصحيح علمانى ولكن لا غبار على انهم شعوب متحضرة
سلوك اى كائن سواء كان انسان او حتى حيوان يتشكل بعوامل كثيرة منها المناخ العام البيت والتربية والمجتمع المحيط

المشاركة الأصلية كتبت بواسطة rembrandt

يا اخى الكريم من الخطأ الربط بين السلوك الشخصى والدين
نجد مثلا الغرب لا دين لهم او بلمعنى الصحيح علمانى ولكن لا غبار على انهم شعوب متحضرة
سلوك اى كائن سواء كان انسان او حتى حيوان يتشكل بعوامل كثيرة منها المناخ العام البيت والتربية والمجتمع المحيط

فعلاً هم أبدعوا فى إحترام أنفسهم ، ماحدش بيتعدى على حرية حد ، ماحدش فوق القانون اللى بيغلط بيتحاسب ، فيه نظام لكل شىء ، واللى بيتولى المسئولية غالباً بيكون الكفء مش زى عندنا فيه حسابات تانية ، واللى بيشتغل بيشتغل صح وعنده أمانة ، وغيره ...... ، فهم كويسين فعلا رغم ضعف الدين فى حياتهم ، بس الأخلاق دى كلها أصلاً موجودة فى الدين وكانت عندنا لما كانت الناس أكثر إلتزاما (من قرون) ، دلوقتى هم إستوعبوا كدة وعقلهم ومنطقهم ومنهجهم العلمى البحت وصلهم لنفس السلوك اللى بينادى بيه الدين ، فأصبحت دى صفاتهم نابعة عن إختيار وفهم مش عن تدين

إحنا بقا عندنا الحل أسهل وأقصر من كدة بكتير ، ومش محتاجين المجتمع يتطور ويوصل للمستوى ده من الفهم ومن تغيير نفسه لأن عندنا كتاب فيه أخلاق جاهزة غير مشكوك فيها ، وعندنا نموذج تاريخى واضح جداً لما إتمسكنا بالتعاليم دى وصلنا فين وكنا أسياد الدنيا ، فحاجة تزعل والله إن اللى ماعندوش دين إهتدى للصح والغلط بالخبرة والتجربة ، ومجتمعنا اللى المفروض عنده دين مابيحاولش يلتزم بيه ومضيع نفسه بنفسه

إستدراك برة الموضوع عشان يبقى الكلام موضوعى : منهجهم العلمى البحت بدون دين (العلمانية) وصلهم لسلوكيات كويسة زى ما إتفقنا ، إنما فى نفس الوقت أفسد فيهم كل ما له علاقة بالشهوات لأن العقل أكيد هيرفض أى قيود على رغباته وشهواته ، والحاجة الوحيدة اللى ممكن تمنعك من اللى نفسك فيه هى الدين مش العقل ، ودى من الحاجات القليلة اللى إحنا نتفوق فيها عليهم ، بالإضافة للترابط الأسرى عندنا وصلة الرحم اللى يقابلها تفكك أسرى عندهم

المشاركة الأصلية كتبت بواسطة LONLY

مع أحترامى للجميع أعتقد أن المشكلة معقده أكثر من ذلك فحسب رأيى الشخصى أن ما يحدث فى مصر يسمى بثقافة الزحام

أضيف للزحمة النوعية. فالقادر المتعلم الواعي يجيب عيل أو إثنين و إلي مش لائي ياكل أو الجاهل يزرب عيال و يبلينا بهم و يسيبهم الشارع يربيهم. و النتيجة جيل كامل من الرعاع إلي بياكلو حقي و حقق. و الحكومة قليلة الحيلة إلي خايفة من ثورة الرعاع معندهاش حد أو حل غير الشوية إلي جوا من المتيسرين وهم قلة والبقية الباقية من الطبقة الوسطى التي كانت عماد مصر إلي بنسمع عنها لكي تعصرهم من أجل الحصول على موارد لسد الحاجة. يا أخي دة أبسط حاجة انك تتمشي مع عيلتك على رجلك دون أن تطاردك عيون المتطفلين أو سمع ألفاظ نابيه بين شباب ضايع مع بعض أو مضايقة الشحاتين من جميع الاعمار أو منظر الحبيبة المستفز أصبح شئ صعب و النتيجة إن كل شئ عام أصبح محظور. لاسف حتى الاماكن البعيدة أو الغالية أصبح فيها بعض من الاغنياء الجدد من الرعاع الذين إستشرو في كل حتى في البلد ليفسدوا كل شئ جميل. و يبدو إن القادم أسوأ فالبيت إلي بيقع يطلع مكانه برج و العشوائيات أصبحت أمر واقع تطل بوجهها القبيح فوق كل أخضر. و هذا رأيي