كيـفيـة التـعامل مع لجـان المـرور والمـخـالفات بأحترافيـة ؟!

عرض للطباعة

20-01-2009, 09:12 PM
Nistelrooy

كيـفيـة التـعامل مع لجـان المـرور والمـخـالفات بأحترافيـة ؟!

--

السـلام عليكم,,

بعد نجاح موضوع يوميات سائق جديد ؟!وأصبح وش السعد علي كل من ناوي يطلع رخصة وفية معلومات رهيبة لكل المتعلميين الجدد ويوميات حقيقة عن كيفة التعامل مع القيادة في البدايـة ,,

http://contactcars.com/Images/News/medium/trafic_3.jpg

اليكم بالموضوع ده وهو للمبتدئين ,, والمحترفيين ايضا http://www.nilemotors.net/Nile/images/icons/icon12.gif

قــف سيدي أمام لـجــنة http://www.nilemotors.net/Nile/images/icons/icon4.gif

الموضوع فكـرتة اننا هانجمع النصائح المثمرة وكيفية التعامل مع المخلفات واللجان ويكون عندك الثقة وانتا داخل علي لجنة ولا يهمك طول ما انتا ماشي في السيلم ,,
وتوضيح بعض الاشياء في القانون الجديد وكيفية دفع المخالفات وواستفسارات والخ الخ ,,

وفي الاول :

لازم نكون عارفيين بعض الرتوش المهم في القانون الجديد ..

عزيزى قائد السيارة .....

• تذكر عدم إرتدائك لحزام الأمان يضاعف إصابتك لا قدر الله حال وقوع حادث و يعرضك لعقوبة لا تقل عن مائة جنيه و لا تزيد عن ثلاثمائة جنيه .

• إستخدامك التليفون المحمول يدويا يقلل من تركيزك أثناء القيادة و يعرضك لعقوبة لا تقل عن مائة جنيه و لا تزيد عن ثلاثمائة جنيه .

• سيرك عكس الاتجاه يعرضك و الاخرين للخطر و سبب رئيسى لحوادث المرور و عقوبته غرامة لا تقل عن 1000 جنيه و لا تزيد عن ثلاثة آلاف جنيه .

• انتظارك الخاطىء يعطل حركة المرور و يعرضك لعقوبة تصل إلى سحب رخصة القيادة مدة لا تقل عن شهر .

• تعاقب بالحبس http://www.nilemotors.net/Nile/images/icons/icon8.gif مدة لا تزيد عن ستة أشهر و بغرامة لا تقل عن 200 جنيه و لا تزيد عن 1000 جنيه فى حالة إزالة فك الكلابش بمعرفتك .

• السماح بإرتكاب أفعال مخالفة للأداب العامة داخل مركبتك يعرضك لعقوبة الحبس مدة لا تزيد عن ستة أشهر و غرامة لا تقل عن 300 جنيه .

• قيادتك للمركبة ليلا بدون إستعمال الأنوار الأمامية المقررة و الأنوار الخلفية الحمراء أو عاكس الأنوار المقررة تعاقب بسحب رخصة القيادة مدة لا تقل عن ستة أشهر .

• قيادتك لمركبتك فى مواكب خاصة بدون تصريح يعرضك لسحب رخصة القيادة لمدة لا تقل عن شهر .

• وجود مثلث عاكس للرؤية يساعدك على تجنب الحوادث أثناء توقفك ليلا بالطريق و عدم وجوده يعرضك لسحب رخصة القيادة لمدة لا تقل عن شهر . ( لم يتاكد بعد )

• و عدم وجود حقيبة إسعاف أولية بسيارتك يضعك تحت طائلة القانون و يعرضك بسحب رخصة التسيير مدة لا تقل عن شهر .( لم يتاكد بعد )

• إستخدامك للأنوار المبهرة ليلا يعرض حياة الآخرين للخطر و يعرضك لسحب رخصة القيادة مدة لا تقل عن شهر .

بالاضافـة الي :

المخالفة : الأكل او الشرب او التدخين اثناء القيادة
الغرامة : 50 جنية

المخالفة : وضع الأطفال في المقاعد الأمامية
الغرامة : 50 جنية

المخالفة : عدم التوقف عند العلامات المحددة في الإشارة
الغرامة : 50 جنية

المخالفة : قيادة سيارة بلوحات معدنية اجنبية او تراخيص قيادة غير مصرية
الغرامة : 150 جنية
العقوبة : السجن 1 - 4 اسابيع

المخالفة : كسر الكمين
الغرامة : 250 جنية
العقوبة : السجن 1 - 3 شهور

المخالفة : كسر الإشارة
الغرامة : 250 جنية
العقوبة : السجن 1 - 3 شهور

المخالفة : القيادة تحت تأثير الخمور
الغرامة : 500 جنية
العقوبة : السجن 3 - 6 شهور

المخالفة : القيادة بدون رخصة
الغرامة : 500 جنية
العقوبة : السجن 3 - 6 شهور

المخالفة : تخطي السرعة بزيادة 1 - 10 كم/س
الغرامة : 50 جنية

المخالفة : تخطي السرعة بزيادة 10 - 20 كم/س
الغرامة : 100 جنية

المخالفة : تخطي السرعة بزيادة 20 - 30 كم/س
الغرامة : 150 جنية
العقوبة : السجن 1 - 3 شهور

المخالفة : تخطي السرعة بزيادة 30 - 40 كم/س
الغرامة : 200 جنية

المخالفة : تخطي السرعة بزيادة أكثر من 40 كم/س
الغرامة : 250 جنية
العقوبة : السجن 1 - 3 شهور

( في العقوبة انا مش عارف سجن ولا حبس بس انا نقلتها كدا )

ودي صورة فيها الشفي : من هنا

أنا عن نفسي هبدا بالسؤال ,, في حاجة محيراني ومش عارف افهمها يعني اية محضر صلح وازاي بيتعمل وياريت بالتفصيل والممل كمان ؟! http://www.nilemotors.net/Nile/images/icons/icon6.gif

--
20-01-2009, 10:00 PM
lada2010

طيب فى حاجة انت نسيتها وهى الارقام اللى عليها بيدج النسر عليها عقوبة اية والزجاج الفمة
20-01-2009, 10:10 PM
kemo0o

اقتباس:

أنا عن نفسي هبدا بالسؤال ,, في حاجة محيراني ومش عارف افهمها يعني اية محضر صلح وازاي بيتعمل وياريت بالتفصيل والممل كمان ؟! http://www.nilemotors.net/Nile/images/icons/icon6.gif

على حسب معلوماتي ان محضر الصلح ده او المصالحة هي انك تدفع الغرامة فورية وبيعملك مصالحة وبيديلك بيها ورقه ورحصتك معاك وكل حاجتك معاك بدون مايسحب اي حاجة
20-01-2009, 10:44 PM
samirayad

اقتباس:

المشاركة الأصلية كتبت بواسطة kemo0o

على حسب معلوماتي ان محضر الصلح ده او المصالحة هي انك تدفع الغرامة فورية وبيعملك مصالحة وبيديلك بيها ورقه ورحصتك معاك وكل حاجتك معاك بدون مايسحب اي حاجة

فعلا هو دة الا بيتعمل مع التصالح الفورى..............
20-01-2009, 11:24 PM
احمد عز

شكرا على الموضوع الجامد ده
21-01-2009, 02:58 AM
wahba87

اقتباس:

المشاركة الأصلية كتبت بواسطة kemo0o

على حسب معلوماتي ان محضر الصلح ده او المصالحة هي انك تدفع الغرامة فورية وبيعملك مصالحة وبيديلك بيها ورقه ورحصتك معاك وكل حاجتك معاك بدون مايسحب اي حاجة

وبتدفع نص الحد الادنى للمخالفة

يعنى مثلا بتدفع 50 جنيه مخالفة موبايل (مش 100)

وكمان موضوع نص الحد الادنى ده سارى لمده 3 ايام من سحب الرخصة (ده فى حالة لو معاكش فلوس تكفى مثلا فى ساعتها , بس طبعا الرخصة هتتسحب)
21-01-2009, 03:45 AM
MoToRiZeR

علي فكرة فيه كلام كتير من الي في القانون مش بيتنفذ زي ما مكتوب

مثلاَ مخالفات السرعة كلها محضر التصالح الفوري بتاعها ب 150 جنيه
يعني ماشي متخطي 10 كيلو زي المتخطي ب 100 كيلو .
21-01-2009, 04:06 AM
mo7a_mo7a

شكرا علي الموضوع
والعقوبة الحبس
21-01-2009, 10:42 AM
roky

طب ما هي عقوبة المعلقات و الملصقات

وهل الملصقات الغير معبرة عن أفكار أو معتقدات دينية، حزبية، جنسية أو بذيئة ممنوعة برضه ولا نتجنب كله عشان التلكيك ؟

وشكرا ع الموضوع الجميل
21-01-2009, 11:18 AM
دينا أبوالعلا

موضوع جميل والطريقه اجمل وابسط من كده مفيش ويا ريت ياNistelrooy لو حد ضاف معلومه تضيفها في تقريرك عشان الموضوع يبقي متكامل
وشكرااااااااااااااااااااا ااااااااااااااااا:k10::k10::k10:: k10:
21-01-2009, 11:50 AM
ahmedfawzy14

عايز اعرف عقوبة القيادة برعونة وتعريض حياة المواطنين للخطر
ايه عقوبتها

عشان من اسبوعين كنت بجرى على البحر شوية
جرى ورايا مقدم بالمتوسيكل
وسحب منى الرخصتين
وقالى دى نيابة مرور وحتتعرض على وكيل النيابة وبتاع

ياريت لو حد يعرف يفيدنى
21-01-2009, 11:57 AM
crazylambada

موضوع الرخصتين ده قلة ادب
لو قالك يسحب الرخص رخصة قيادتك بس
21-01-2009, 11:58 AM
ahmedfawzy14

هوا كتب فى الوصل كمان ستاير

عشان كده اخد رخصة العربية
21-01-2009, 12:13 PM
crazylambada

عارف بقى ساعتها
كنت تشيل الستاير و قوله اثبت بقى ان انا كنت حاطتهم
على فكرة انا مرة جريت ورايا و كيل ادارة المرور و معرفش يجيبني
و ميقدرش يبلغ عني علشان مكنتش هربان من لجنة
الناس ديه بتاخد وقت عقبال ما تعرف تتعامل معاهم ازاي
21-01-2009, 12:16 PM
ahmedfawzy14

للاسف مكنتش واخد بالى انه جى ورايا
عشان كنت بشد مع واحد
وزنقنى عند نقطة مرور جليم
وانا كنت حخلع لولا انه ضرب سرينة طلعت العساكر كلها من النقطة
قالهم هاتو كلبشات

لقيت نفسى حعمل مشكلة على الفاضى وفى الاخر
الرخصة جاية جاية حتروح فين يعنى
21-01-2009, 12:21 PM
crazylambada

على فكرة الظباط لو احترمتمهم حيتنتطوا عليك اللهم الا قلة
بس انا حقولك حاجة انا طبيعتي ملتزم بالقانون علشان كده لاو ظابط غلط مش بسيبه و مرة مسكت ظابط حزقته علشان كان ماشي مخالف بونش
امشي مظبوط علشان ميجيش واحد تافه يتنطت عليك
على فكرة انا مش حنسى لما كنت واقف في كمين بالاسماعيلية و كان فيه عقيد
قاعد مستجوبني عشر دقايق عاوز يطلعلي غلطة
مصر يسحب مني الرخص لما لقاني واعي و برد عليه بحزم و بادب في نفس الوقت ملقاش فايدة و مشاني
بالمناسبة المود الجديد اللي طالع ان لو الطفاية مش موجودة في الصالون بيسحبوا الرخص
للمعرفة بس
21-01-2009, 01:27 PM
Nistelrooy

اقتباس:

المشاركة الأصلية كتبت بواسطة دينا أبوالعلا

موضوع جميل والطريقه اجمل وابسط من كده مفيش ويا ريت ياNistelrooy لو حد ضاف معلومه تضيفها في تقريرك عشان الموضوع يبقي متكامل
وشكرااااااااااااااااااااا ااااااااااااااااا:k10::k10::k10:: k10:

حلوة الفكرة دي وكانت رايحة عني وسيتم ,,
21-01-2009, 01:28 PM
Nistelrooy

اقتباس:

المشاركة الأصلية كتبت بواسطة lada2010

طيب فى حاجة انت نسيتها وهى الارقام اللى عليها بيدج النسر عليها عقوبة اية والزجاج الفمة

اقتباس:

المشاركة الأصلية كتبت بواسطة roky

طب ما هي عقوبة المعلقات و الملصقات

وهل الملصقات الغير معبرة عن أفكار أو معتقدات دينية، حزبية، جنسية أو بذيئة ممنوعة برضه ولا نتجنب كله عشان التلكيك ؟

وشكرا ع الموضوع الجميل

ان شاء الله الاخووة هايردوا http://www.nilemotors.net/Nile/images/icons/icon14.gif
21-01-2009, 01:29 PM
Nistelrooy

اقتباس:

المشاركة الأصلية كتبت بواسطة kemo0o

على حسب معلوماتي ان محضر الصلح ده او المصالحة هي انك تدفع الغرامة فورية وبيعملك مصالحة وبيديلك بيها ورقه ورحصتك معاك وكل حاجتك معاك بدون مايسحب اي حاجة

اقتباس:

المشاركة الأصلية كتبت بواسطة wahba87

وبتدفع نص الحد الادنى للمخالفة

يعنى مثلا بتدفع 50 جنيه مخالفة موبايل (مش 100)

وكمان موضوع نص الحد الادنى ده سارى لمده 3 ايام من سحب الرخصة (ده فى حالة لو معاكش فلوس تكفى مثلا فى ساعتها , بس طبعا الرخصة هتتسحب)

تمام ,, شكرا لكـم ,,
21-01-2009, 01:30 PM
Nistelrooy

اقتباس:

المشاركة الأصلية كتبت بواسطة MoToRiZeR

علي فكرة فيه كلام كتير من الي في القانون مش بيتنفذ زي ما مكتوب

مثلاَ مخالفات السرعة كلها محضر التصالح الفوري بتاعها ب 150 جنيه
يعني ماشي متخطي 10 كيلو زي المتخطي ب 100 كيلو .

احنا خلينا عارفيين القانون كويس علشان لو حاجة حصلت : )
21-01-2009, 01:45 PM
Nistelrooy

علي فكرة بخصوص الفاميـة قبل كدا واحد صاحبي وقفوة في لجنة وقاله له يا تشيل الفامية يا نسحب الرخصة ,,

***

وموضوع الستاير ده طب انا عندي ستاير في العربية نازلة مع العربية ..ممكن حد يوقفني يقولي شيلها ؟! واشيلها ازاي وهي لها مكان في جسم العربية يعني متخرمة في الهيل بتاع العربية ؟؟؟

***

وطفاية الحريق خليها في صالون العربية احتياطي علشان ماحدش يقولك حاجة ويتلكك ..

***
21-01-2009, 04:18 PM
M_Nabil

اقتباس:

عايز اعرف عقوبة القيادة برعونة وتعريض حياة المواطنين للخطر
ايه عقوبتها

مادة 72 مكررا (2) :
" مع عدم الإخلال بأية عقوبة أشد فى أى قانون آخر ، يعاقب بغرامة لا تقل عن مائة جنيه ولا تزيد على ألف وخمسمائة جنيه ، كل قائد مركبة تسبب فى تلويث الطريق بإلقاء فضلات ، أو مخلفات بناء ، أو أية أشياء أخرى ، وكذلك كل من قاد مركبة فى الطريق تصدر أصواتا مزعجة ، أو ينبعث منها دخان كثيف ، أو عادم غير مطابق للشروط البيئية ، أو رائحة كريهة ، أو تتطاير من حمولتها ، أو تسيل منها مواد قابلة للاشتعال ، أو مضرة بالصحة العامة ، أو مؤثرة فى صلاحية الطريق للمرور ، أو يتساقط من حمولتها ما ينال من سلامة الطريق ، أو يشكل خطرا و إيذاء لمستعمليه.
فإذا ارتكب قائد المركبة الفعل ذاته مرة ثانية خلال ثلاثة أشهر من تاريخ إرتكابه الفعل السابق ، تضاعف قيمة الغرامة المشار إليها.
وفى حالة العود إلى الفعل ذاته مرة ثالثة خلال ستة أشهر من تاريخ ارتكاب الفعل الثانى ، يعاقب بالغرامة المشار إليها فى الفقرة السابقة ، مع سحب رخصة قيادته لمدة عام

اقتباس:

طيب فى حاجة انت نسيتها وهى الارقام اللى عليها بيدج النسر عليها عقوبة اية والزجاج الفمة

مادة 72 مكررا :
" تسحب رخصة القيادة ولمدة لا تقل عن ستة أشهر ولا تزيد عن عام فى حالة ارتكاب المخالفات المنصوص عليها فى البند (ج). واللي هية رقم واحد في البند (ج)
البند (ج) :
1- قيادة مركبة بلوحات معدنية غير المنصرفة من إدارة المرور المختصة ، أو غير ظاهرة ، أو بياناتها غير واضحة ، أو يصعب قراءتها من بعد مناسب.
بالنسبة للفامية والستائر باتدفع 50 جنية تصالح فوري ولو انت عربيتك زجاج ملون بتثبتها علي الرخصة ولو مبتنزلش ممكن تثبتها بردة بس محتاجة واسطة وتفتح مخك مع مهندس الفحص.
21-01-2009, 05:19 PM
goofy_in_love

50 جنيه علشان بشرب سجاير في عربيتي انا بجد عايز اقول لفظ بس مينفعش علشان هيبقي مش محترم بس لو ظابط وقفني و قالي 50 جنيه علشان بتشرب سجاير في العربيه " اللي هيا بتاعتي " انا ممكن بجد اشتمه و اشتم اللي مشغله علشان الهبل دا

ملحوظه : انا مش بشرب سجاير :pointi~2[2]: بس بجد مينفعش قوانين تخلي الناس تنفجر
22-01-2009, 01:11 PM
Nistelrooy

حد يعرف يجبلي نص المرور بخصوص الزينون لاني مركبة علي العالي والواطي وهو مش نازل مع العربية
22-01-2009, 03:08 PM
M_Nabil

انا باعتذر كتبت المادة بتاعت تعريض ارواح المواطنين للخطر خطأ

اقتباس:

عايز اعرف عقوبة القيادة برعونة وتعريض حياة المواطنين للخطر
ايه عقوبتها

" مادة 81 مكررا (2) :
مع عدم الإخلال بأية عقوبة أشد فى أى قانون أخر ، يعاقب كل من أقام مطبا صناعيا دون ترخيص ، أو قام بغلق مكان ، أو اقتطاع ، أو احتجاز ، أو منع استخدام جزء من نهر الطريق بشكل يؤدى إلى تضييقه ، وإعاقة المرور ، أو تعريض الأرواح أو الأموال للخطر ، بالحبس مدة لا تزيد على سنة وبغرامة لا تقل عن ألف جنيه ، ولا تزيد على ثلاثة آلاف جنيه . أو بإحدى هاتين العقوبتين وتضاعف العقوبة السالبة للحرية ، والغرامة المالية عند العود لارتكاب الفعل خلال سنة من تاريخ الحكم النهائى بالإدانة.
22-01-2009, 04:14 PM
M_Nabil

وفي حاجة ثانية فيها تعديل أسف مرة ثانية علي الخطأ اللي كنت كتبتها المادة (72) مكررا بند (ج) 1 دي خاصة بللي واضع لوحات أجنبية و طمس اللوحات اما بقي

اقتباس:

طيب فى حاجة انت نسيتها وهى الارقام اللى عليها بيدج النسر عليها عقوبة اية

دي نصت عليها المادة (74) بند 10 إضافة ملصقات أو معلقات أو وضع أية كتابة أو رسم أو أية رموز أو أية بيانات أخرى غير تلك الواجبة بحكم القانون واللوائح على جسم المركبة أو أى جزء من أجزائها ، أو لوحاتها المعدنية.
ودي عقوبتها
مع عدم الإخلال باية عقوبة أشد فى أى قانون آخر ، يعاقب بغرامة لا تقل عن مائة جنيه ولا تزيد على خمسمائة جنيه.
22-01-2009, 07:01 PM
mahmoud_nov1985

شكرا على الموضوع
22-01-2009, 07:21 PM
شاهين - بنز

على فكرة مخالفة الحزام مبتوصلش ل300 جنيه ولاحاجة لإني رخصتي إتسحبت حزام خدتها بعد شهرين ب 100 جنيه ولو كنت لإتصالحت فوري كانت حتبقى ب 50جنيه مع العلم إنها إتسحبت بعد القانون الجديد
22-01-2009, 08:40 PM
M_Nabil

اقتباس:

أرسل أصلا بواسطة شاهين - بنز على فكرة مخالفة الحزام مبتوصلش ل300 جنيه ولاحاجة لإني رخصتي إتسحبت حزام خدتها بعد شهرين ب 100 جنيه ولو كنت لإتصالحت فوري كانت حتبقى ب 50جنيه مع العلم إنها إتسحبت بعد القانون الجديد

تمام بس هي مبتوصلش من أول مرة هي توصل لـ 300 جنية لوحضرتك عملت مخالفة الحزام ثلاثة مرات خلال ستة أشهرعشان كل مرة عقوبة الغرامة بتتضاعف.
22-01-2009, 10:50 PM
hero

اقتباس:

المشاركة الأصلية كتبت بواسطة Lazerman

تمام بس هي مبتوصلش من أول مرة هي توصل لـ 300 جنية لوحضرتك عملت مخالفة الحزام ثلاثة مرات خلال ستة أشهرعشان كل مرة عقوبة الغرامة بتتضاعف.

طيب بالنسبة لعقوبة الحبس لعدم ارتداء حزام الامان....دي بتطبق ولا بياخدو الغرامة بس...

ولو يمكن تطبقها ....ممكن يطبقوها من دفتر مخالفات عساكر المرور ولا لازم يكون ظابط وتم تسجيل المخالفة عليك......يعني مثلا في اشارة مرور عسكري شاف انك مش لابس الحزام قام واخد نمرتك.....ولما تيجي تجدد الرخصة هايحاسبوك علي المخالفات دي ....طيب العقوبة بقي...هايودوك علي الحبس...ولا اية....ولا انت وظروفك...

ياريت اي عضو يوضح لنا النقطة دي....
22-01-2009, 11:30 PM
Rembrandt

انا ماشى على مبدأ امشى عدل يحتار عدوك فيك
23-01-2009, 12:16 AM
M_Nabil

اقتباس:

أرسل أصلا بواسطة hero طيب بالنسبة لعقوبة الحبس لعدم ارتداء حزام الامان....دي بتطبق ولا بياخدو الغرامة بس...

الحزام عقوبتة الغرامة فقط وليس الحبس دة لو كان في حبس كان نص البلد اتحبست :C_laugh[1]: وعسكري المرور مبيمسكش دفتر مخالفات ولا حتى الامين هو ممكن يوقفك ويخد الرخص يديها لظابط اللي معة في اللجنة أو الاشارة، الدفاتر بتبقي مع ظباط الشرطة فقط وبيمضيلك علي الوصل بعد ما يسحب الرخصة بي أسمه ورتبتة و بيكتب سبب السحب ومكان السحب انما العسكري والامين في بعض الاماكن بيكون معهم دفتر ثاني اللي هو لو حضرتك وقف في الممنوع أو صف ثاني بيروح لزقلك المخالفة علي الزجاج، ولو كسرت اشارة بيسجل نمرتك ايضا ... وذي مابيقولو ماتخافش من الكمين وظبط الامين :ma:
25-01-2009, 05:23 PM
Nistelrooy

طب اية عقوبة الستاير علشان في عربية والدي ستاير بني ,,
بس متمسمرة !