يا جماعة الصيف قرب والردار كمان جاى معاه :lol:

**hemma** · 03-05-2007 10:24 AM

ياترى يا جماعة حد عندة فكرة عن جهاز كاشف للردار وياترى الجهاز دا بيكشف فعلا وبيكشف قبل كام متر من الردار ولو بيباع هنا ف مصر بيباع فين وبكام ارجو الافادة ف الموضوع لاقتراب الصيف وشكرا :lol: :D :D :D :?:

**hanyfarrag** · 03-05-2007 10:52 AM

أنصحك بالإلتزام بالسرعة أمانا لك ولسيارتك
وبعدين الأجهزة دى لو إتكشفت أعتقد أنها بتتصادر
وبيكون فى غرامة كمان

**sh_masry** · 03-05-2007 11:06 AM

انا جربت نوعين من اجهزه كشف الرادار و الأتنين ما اشتغلوش هنا فى مصر و كان بيضرب الجرس بتاعه عمال على بطال عند تعرضه لأى ذبذبات معينه الظاهر ...... و الأتنين كانوا بيعملوا نفس الموضوع على اختلاف انواعهم . حتى الأن لم اقابل احد استخدمه بنجاح فى مصر و كل اللى عنده الجهاز ده ركنه و مابيستخدموش بعد تجارب طويله علشان ينجح و لو مره واحده فى لقط الرادار و لم ينجح برده .
و انا متأكد انه مابيتباعش فى مصر الا لو حد جايبه معاه من بره و عايز يبيعه لكن مش ممكن تلاقيه فى المحلات علشان هو ممنوع و استخدامه يعتبر جنحه.
a7'ook
Sherif

**sab3aawy** · 03-05-2007 11:54 AM

معلومة هامة جدا

جميع مخالفات القيادة العقوبة علية تنحصر فى غرامة مالية او وقف التراخيص لمدة معينة او سحب المركبة او مصادرتها

ماعدا مخالفتين يعاقب عليهم بالسجن (السسسسسسجججججننننننن، واخدين بالكم من الكلمة)

الاولى هى القيادة فى حالة سكر

والثانية هى حيازة اجهزة كاشفة للرادار!!!!!!!!!!!!!!!!!!!!!!!!!!

يعنى فيها سجن

امشى على مهلك احسن

**Abdallah** · 03-05-2007 12:33 PM

انا اذكر ان كان فى واحد اعرفه كان بيرش سائل معين على النمر وهوا مسافر وفعلا مكانش الرادار بيقدر يلقطه بس الحقيقة انا مش عارف الكلام دة ازاى وفى بعض الناس بيجيبوا مادة عاملة زى الطين وبيروشوها على النمر برضة وبيبقا شكلها كانها طين من الطريق فعلا وعموما كل المواد دى بتتجاب من برو والافضل انك تمشى براحتك, يا اخى فى التأنى السلامة وفكر فيمن ينتظرون رجوعك سالما ونحن منهم :)

**M_ElSabaa** · 03-05-2007 01:00 PM

فى اكترمن نوع للراداراصلا. نوع معتمد على التردد المنخفض وده قدرته انه يلقط العربية من بعد 2-5 كيلو متر بس الدقة بتبتدى من 500 متر وده برده مش بيكون دقيق اوى والتردد ده اسمه X-Band
وعدم الدقة بتاعته بتكون عشان فى اجهزة كتيرة بتستخدم النوع ده من التردد زى انذار العربيات و البوابات الى بتفتح بالريموت مثلا فى الفيلات
النوع التانى هو K-Band وده عبارة عن ردار موجهة بيقوم البوليس بتوجيهه على العربية الى عاوزيين يشوفوا السرعة بتاعتها وده المدى بتاعه من 500متر الى 2.5 كيلومتر بس الدقة بتكون عند 200-300 متر
النوع الثالث هو Ka Photo وده عبارة عن جهاز الرادار متوصل بكاميرا اول لما الرادار يلقط العربية الكاميرا تصورها وده المدى بتاعه 100 متر
النوع الرابع هو Ka Super Wide-Band وده نفس النوع الثالث بس على تردد اعلى واقوى
النوع الخامس وهو Laser Detectors وده بيعتمد على الليزر وهو عبارة عن ضربات لاشعة الليزر متتالية والفرق بينها بيحدد سرعة العربية وطبعا بتكون الدقة بتاعته جامدة جدا وسريعة فى نفس الوقت لان حساب سرعة العربية بيتم فى اقل من نصف ثانىة على عكس الرادار العادى بيكون من 2-3 ثانية والحمد لله ان النوع ده غالى ومش موجود فى مصر
وعلى فكرة بره نزله جهاز يكشف العربيات الى مركبة مكتشف الرادار RDD - radar detector detectors

ده بالنسبة للرادار اما بالنسبة لمكتشف الرادار ففى انواع كتير جدا واغلبها مش شغال فى مصرومفيش طبعا اى حد بيبعهم هنا ولازم تجبهم من بره بس فى منهم فعلا شغالين واحسن نوع هو الى بيتلزق على الزجاج الامامى من جوه العربية وبيكون فى كذا موود بيشتغل عليها يعنى مثلا فيه حاجه اسمها City Modes وده تشغله وانت فى الزحمة عشان يكون الدقة بتاعته احسن وميجبلكش اى انذار خاطىء وفى كمان موود يكشف اذا كان فى لايزر موجوه على العربية ولا لأ وفى موود تانى يعرفك لو البوليس مستخدم جهاز كشف الرادار وطبعا فى انواع بتكون بالصوت كمان عشان يقولك علاطول ايه الى بيحصل لو اكتشف اى رادار

بس احسن حاجة الواحد يمشى على مهله عشان الجرى ده اخرته فى الاخر مش لطيفة وكمان لو البتاع ده اتمسك معاك تبقه جنحه وممكن تروح فى حديد

**baher** · 03-05-2007 01:34 PM

بجد احنا محتاجين كاشف رادار لأن المرور مزودها هنا في مصر

**جندى مجند** · 03-05-2007 02:21 PM

يا جماعة اكتشاف الرادار أسهل من القصص دى كلها ... خلى بالك كل شوية من العربيات النقل و الميكروباص اللى على الاتجاه المعاكس للطريق ... لو لقيتهم بيدوا قلاب مستمر تعرف على طول ان فى كمين و تهدى ... بس خلاص خلصت :)

**hazem_khidr** · 04-05-2007 12:27 AM

يا جماعة اكتشاف الرادار أسهل من القصص دى كلها ... خلى بالك كل شوية من العربيات النقل و الميكروباص اللى على الاتجاه المعاكس للطريق ... لو لقيتهم بيدوا قلاب مستمر تعرف على طول ان فى كمين و تهدى ... بس خلاص خلصت

عمرك اطول من عمري كنت حقول الكلمتين دول و فعلا دي احسن طريقه و بعدين بالليل الرادر مفيش لجان و ممكن يكون في تصوير و دي حلها انك ترش النمر بتاعك ابيض عادي مش فسفوري بتاع المرور علشان الرادار ما بيلقطهاش

**sh_masry** · 04-05-2007 02:00 AM

عمرك اطول من عمري كنت حقول الكلمتين دول و فعلا دي احسن طريقه و بعدين بالليل الرادر مفيش لجان و ممكن يكون في تصوير و دي حلها انك ترش النمر بتاعك ابيض عادي مش فسفوري بتاع المرور علشان الرادار ما بيلقطهاش

و فيه طريقه تانيه بس انا ماجربتهاش و ما اعرفش ناجحه وللا لأ ,,,, انك بتكيس اللوحات المعدنيه ( بتلفها بكيس بلاستيك) شفاف و عادى و فيه ناس بتقول ان الرادار مابيعرفش يلقطها بالليل علشان الفلاش بتاع الرادار بيتعكس على الكيس البلاستيك فا مابتبنش النمره ...............

و اى خدمه .

a7'ookom
Sherif

الموضوع: يا جماعة الصيف قرب والردار كمان جاى معاه :lol:

LinkBack

أدوات الموضوع

عرض

-

-

-

-

-

المواضيع المتشابهه

للحماية من اشعة الشمس الضارة في الصيف وبديل الفامية وبضمان كمان

ابتدا الصيف وابتديت معاه مشاكل التكيف

يا جماعة هو مثبت السرعة بيجى معاه اية

الكلمات الدلالية لهذا الموضوع

المفضلات

المفضلات

ضوابط المشاركة