بص يا صاحبى الميكانيكية دول عافانا الله, قليل قوى لما تلاقى ميكانيكى عنده ضمير.
أولا بيشتغلوا فى العربيات من غير أى اهتمام و ممكن يكسرلك حاجة و هو شغال, وغالبا مش هيصلحها, وبعد ما تمشى بيها شوية تبتدى تكتشف اصوات غريبة, انا عربيتى جبتها مستعملة و الحمد لله كانت حالتها حلوة جدا, و مفيهاش اى اصوات غريبة, المساعدين كانو عاوزن يتغيروا لءن العربية كانت وطيت قوى و بتحك فى المطبات, وعلشان كده غيرت 4 مساعدين, انما الأسطى الله يهديه كان بيتعامل مع العربية بمنتهى العنف, كل ميجى مصمار يكون ناشف, يضرب بشاكوش كبير , انا كان راءى انى لو عاز اكسر العربية مش هاضرب بقوة اقل من كده, الحمد لله على كل شىء اكيد فيه حكمة من كده, عموما النتيجة دلوقتى ان العجلة القدام شمال بتعمل صوت حديد بيخبط فى بعض فى المطبات العالية, انا كمان لسة دمى محروق :) .
يعنى الشباب هنا دايما بينصحوبالتعامل مع الوكيل, و عندهم حق بالرغم من انه فعلا غالى, بس برده فيه ورش كويسة و بتشتغل اوبل بس, و اعتقد ان فيه موضوع شبه كده , يمكن مش منظم شوية, أنا شايف ان زى ما فيه موضوع قطع غيار, ممكن نعمل مشاركة لمراكز الصيانة النظيفة, و مش شرط معتمدة أو وكيل
المفضلات