فى الاول عايز اقول انى بجد اتبسطت جدا لما عرفت المنتدى ده.كان من زمان نفسى فى منتدى للسيارات يكون اعضاءه فعلا ناس فاهمة و عايزة تساعد.
انا من اسكندرية و كنت عايز اعرف ايه الفرق بين اوبل فكترا97و98و99؟
الفرق فى الماتور و الفرق فى الكماليات.و هل كلهم مستوردين ولا تقفيل مصرى؟
و عايز اعرف هى اوبل فكترا b اول موديل ليها كان سنة كام؟97؟
انا معايا 60000 الف جنيه اعرف اجيب بيهم ايه؟انا من زمان نفسى اركب الاوبل فكترا b.
و تنصحونى بايه؟
معلش طولت عليكم و زهقتكم باسئلتى
وشكرا ليكم كلكم
شوف يا باشا..
اولا اهلا بيك معانا.. و منورنا..
و ان شاء الله تستفيد.. و تفيدنا بخبراتك كمان ان شاء الله.. و ربنا يوفقك في عربية كده تكون تمام.. و تريحك خالص باذن الله..
الموديلات اللي قولتها كلها دي مفيش فرق في الكماليات غير المفتاح المشفر بس.. بين 97 و اللي بعد كده..
و الشكل ده من اول 96 مش 97..
تقفيل مصري.. و التقفيل ده واخد انضف تقفيل بعد المانيا..و كان في حد باعت صور من السايت بتاع جي ام تقريبا فيه الكلام ده..
و المبلغ اللي معاك يجيبلك اوبل نضيفة كمان موديل لحد 99..
بس 1600 مانيوال..
انت عايز ايه..؟؟ مانيوال ولا اوتو.. 1600 ولا 2000
اولا شكرا على اهتمامك.
هو مفيش 2000cc مانيوال؟
انا عمرى مجربت الاوتو على طول بسوق مانيوال.بس مش هاتفرق معايا المهم ايه الافضل فيهم ال1600 ولا 2000؟يعنى مين اللى عمره اطول و اعطاله اقل؟
و الكماليات كلهم 4 زجاج كهرباء و تكييف و سنتر و مرايات بتتظبط بالكهرباء؟
و يا ترى فيهم كمبيوتر رحلات؟
و شكرا لتعاونكم
بص ياباشا اكيد قلى عمرة اطول ال2000 بس هو مش محبب عشان استهلاك البنزين اما بخصوص الكمليات حجات بسيطة 1600 2 زجاج من غير فجات غير شويت حجات انت متختش بالك فيهاء مثل الغطاء الداخلى للشنطة الغطاء الداخلى للكبوت مسند السائق مسند ثالث فى الكنبة حجات زى دية
ف الحاجات دي انت ادري بقي.. :S_thum1[1]:اقتباس:
المشاركة الأصلية كتبت بواسطة tamertamer
انا مكنتش اعرف الفروق دي علي فكرة..
الف شكر ليكم بجد.
ممكن صور للتابلوه و العربية من جوة؟
و اقدر ازاى اشترى العربية دى من اسكندرية؟لانى متابع فى الوسيط مش لاقى خالص.يعنى فيه ناس تعرفوهم متخصصين فى بيع و شراء العربيات الاوبل فى اسكندرية؟
انا عارف انى صدعتكم بطلباتى
و الف شكر
ياباشا عادى وفى حجات تنية مثلا المريات الكهرباء وكمان حجات تنية جوهرية عشان يوفرو ويقللو فى سعر العربية يعنى مثلا مفتاح النور بتاع العربية فى 2000 فى مفتاح للفجات فى 1600 مش موجود اصلا حجات ميعرفهاش الا قلى ساق الثنين وياباشا انت تامر انا ممكن اعمل موضوع عن مواصفات العربيتين بالصور عشان فى ناس كتير طلبتةاقتباس:
المشاركة الأصلية كتبت بواسطة Ahmad Allawy
1600 بس شيل اليرباجاقتباس:
المشاركة الأصلية كتبت بواسطة codeziro
http://masini.ro/images/anunturi_sh/opel_1208790442.jpg
ودية 1600 بس شيل الير باج
http://www.motohand.com/data/2/230671/opel-vectra-3.jpg
http://www.motohand.com/data/2/230671/opel-vectra-2.jpg
حكايت تجار من الاسكندرية معرفش
يا ريت والله يا تامر
انت تأشر بس
انا مش عارف اقولك ايه يا تامر باشا و الله.الف الف شكر
و انشاءالله ابقى اوبلاوى قريب
و ياريت فعلا يا معلم تعمل موضوع عن مواصفات العربيتين
و الف شكر مرة اخرى
معلش عندى سؤال تانى بس يخص واحد صاحبى و قاللى اسأله.
هو معاه نوبيرا 2007 بس عايز يبيعها و يجيب فكترا 98او99.
ايه رأيكم؟
شوف يا باشا..
بالنسبة للعربية كعربية.. اكيد الفيكترا انضف بكتييييييييييييير
في كل حاجة..
شكل و مضمون.. و كفاية انها جي ام الاصل.. مش الكوري الجي ام تكنولوجي بس.. بس خلي بالك من حاجة مهمة جدا..
ان في حاجة اسمها فرق العمر..
يعني هينزل من عربية بقالها سنتين.. و يركب عربية بقالها 10 سنين.. اكيد هيتعب شوية ف الاول.. بس حسب مزاجه..
يعني انا عن نفسي اركب فيكترا مستعمل عن فيرنا جديد ولا نوبيرا ..
هاستحمل الفرق ده علي حساب متعه سواقتي للعربية..
هل هو هيتحمل الفرق ده..؟؟
صيانات.. و تصليحات.. و تغيير حاجات و كده..
هو بيقوللى ان النوبيرا كمان سنة او اتنين هاتبقى مش قوى معاه مش هاتبقى زى الاوبل لو جاب واحده نضيفة و حتى لو غير فيها شوية حاجات.بس قطع غيار الالمانى بتعيش و انضف.
ايه رأيكم؟
ايوة طبعا..
بس المهم زي ما قلتلك.ز يكو مستعد نفسيا لكده..
يعني ميجيش مع اول ما العربية فيها حاجة تعطل ولا تبوظ.. يزهق و يقولك انا ايه اللي خلاني اعمل كده و الكلام ده..
لأ يكون عايز و حابب الاوبل.. و يتحمل العربية في مقابل متعه الركوبة الالماني..
بص ياحبيب قلبى اكيد الاوبل افضل بس الفيصل هنا حاجة وحدة بس الحالة يعنى انت ممكن تجيب اوبل 97 او 98 وتمشى بيهاء 5 سنين متعملش حاجة بس هو هيتعب فى حكايت التدوير على الحالة وميجبهاش حالة وحشة عشان ميكرهش نفسة وفى ناس هتقلة انت جيبهاء غلية عشان الحالة بس الفيصل هنا الراحة انك تحط المفتاح وتمشى انا معاية عربيتى كنت جيبهاء اغلى من السوق بس بقالى سنتين مريح دماغى مقلتش بم بس من غير حوادث بس انا بصرف عليهاء كمليات وانت وزاجك يبقاء هنا الفيصل الحالة ونقطة تنيةاقتباس:
المشاركة الأصلية كتبت بواسطة codeziro
انو يكون حابب الوبل عشان فرق السنوات بس النوبيرة انا عرفهاء كويس اوى بص هيا جراية بطريقة الوبل بالنسبلهاء كلبت جرى بس عيوبهاء التنبير والمقصات والرشاشات والشكمان وكام حاجة كدة غير بتجيب اسطوانة ودسك لكن الوبل المشكلة الوحيدة وهو التكيف
هو ايه موضوع التكييف ده؟انا سمعت عنه كتير
يعنى ايه عيبه؟بيبوظ بسرعة ولا مش بيسقع كويس؟
عيبه يا سيدي انه مش بيسقع بسرعة..
بس كده.. مش بيبوظ بسرعة ولا حاجة..
و عايز حد بيشتغل ف الالماني عشان يصلحه..
حتي ف التكييف لازم حد متخصص الماني.. (شركة ديافيا كده)
لكن لما بياخد وقته و بيسقع.. بيبقي كويس جدا و عادي يعني..
مشكلة طبعا كالاتى ان الناس بتقارن التكيف اليبانى بالتكيف الالمانى وللاسف التكيف الالمانى فى قاع الجدول كافضل تكيف وعلى فكرة كل حاجة وليهاء حل بس للاسف الناس بتسترخص فية شوية يعنى بدل مبيجيب خساسات المانى بيجيب تيوانى واضمنلك انك هتغيرة فى خلال 2 شهر على الاكثر المشكلة ياباشا هنا ان موسير التكيف جنب بار الشكمان حرارة جمدة اوى فللاسف كل مبتعزل الموسير من الحرارة العلية بتسرب الحواف بتعهاء بتبوز وتسرب بس فى ناس بتكبسهم بس انا لقيت واحد بيستور موسير نضيفة عملهاء مخصوص وعملهاء عوازل بصراحة فرقت معاية فى التكيف نحو 90% ولا اعلم السبب ولكن المشكلة الوحيدة ان لازم تشغلة الصبح عشان يبقاء طول اليوم معاك حلو وبياخد فترة عقبال ميسقع من 5 الى 8 دقيق تكون اتشويت جوة العربية بس بصراحة انا عرفت كل حاجة فية وهعمل موضوع فية كل حاجة عشان محدش يدوخ الدوخة قلى انا كنت فيهاء وخلى بالك ان الموسير دية غلية الالمانى برة التوكيل فى حدود 800 بس التوكيل فى النقطة دية انضف 1250 جنية بس بتعد 5 الى 7 سنين بتنساء الموسير انا عندى مركب الموسير قلى قلتلك عليهاء250 بقالى سنتين استخدلم يومى فترات طويلة وزى الفول بس حجتة الاصلية لازم تتجاب لو عايز تريح دماغك بس فى بدايل انا اكتشفتهاء للان للاسف فى عمر افترادى للحجات دية وانا سمعت الحكاية دية فى التوكيل بيقولو 7 سنين حتى مع عدم الستخدام فى حجات بتبوظ فتعمل حسابك وانت بتكشف على العربية لازم تبص علية وهو بيتكون من موسير التكيف وهى شجرتين و2 حساس واحد مروحة والثانى على ماذكر مروحة ودة لازم وفى الكمبرسور وفى حاجة بتبقاء تحت الطبلوة انا مش فكرهاء بس هى استيراد عملة 500 الى 800 انا مش بخوفك بس لازم اقلك الحقيقة عشان انا مجرب وعلى فكرة فى ناس بتشيل التكيف وتحط بتاع اليبانى بس مشكل موجودة مفيش غير واحد بس بيعدلة وبيديلك 3 سنين ضمان حقيقى وهو اسمة الكبتن فى الحرفين بس مشكلة الكمبروسر اقوى فبيعلى الحرارة بغباء وسعات تقف وتقفلة عشان السخونة بتقوم بتعديل قعدت الكمبروسر ودة فى ناس كتير مبتحبهوش مشكلة الوسير عشان الحرارة وهو بردة انا سمعت انة بيحلهاء مفيش حاجة كملة ارجو ان اكون قد افدكاقتباس:
المشاركة الأصلية كتبت بواسطة codeziro
كلام تامر تمام . معظم عيوب التكييف في الشجره انا غيرتها بواحده جديده تايواني او صيني مش متاكد تمنها 250 ج ودي فضلتها عن استعمال الخارج 450ج لان الجديد جديد مهما كان . ولغيت الساعتين اللي في الشجره علشان اقلل تكلفه الصيانه وعلشان مشاكلهم كتيره في تهريب الفريون . وعليت سرعه مروحه التبريد الاساسيه والحمد لله شغال زي الفل بقاله سنه علي فكره الساعات ( الحساسات ) واحده مسؤله عن المروحه والتانيه لو الفريون اتسرب تفصل الكمبروسر وانا حليت المواضيع دي باني عليت سرعه المروحه ولو فتحت التكييف مالقيتش تبريد لاقدر الله اقفل وماتشغلوش علشان تحافظ علي الكمبروسر الفيلم ده اتكلف 450ج بالشحن عند واحد في المنصوره اسمه الحاج محمد خلف سجن المنصوره شارع 10 والراجل ماشاء الله بيجيله ناس من كل المحافظات وتلاقي قدامه طوابير . انصحك تصلحه قبل زحمه الصيف وده تايفون ابنه احمد 0165451052كلمه وشوف الدنيا فيها ايه وربنا يباركلك ان شاء الله
- كمليات ال 1.6 gls(من 96 الى 99 ) ( مصرى)اقتباس:
المشاركة الأصلية كتبت بواسطة tamertamer
2 زجاج كهربا امامى , سنتر بالريموت وايموبلايزر (فى كل الموديلات بس فرق شكل المفتاح من اول 98) تكييف , باور , درج التابلوة مبرد , dead lock , الزجاج لو فية عائق بينزل اوتو , نور صالون بخاصية theatre dimming , تعديل مستوى اضاءة الكشافات من الداخل
- كماليات ال 2.0 cd لنفس السنين (مصرى)
نفس الكاليات + مرايات كهربا , اماكن تثبيت كراسى الاطفال فى الكنبة , مسند يد بين الكرسين الاماميين , مسند رأس ثالث فى الكنبة الخلفية , بطانة لغطا الكابوت من الداخل , اوتوماتيك
العربية فيها اماكن وتوصيلات اى حاجة عايز تركبها
ملحوظة: الاتنين مفهمش فوجات فيهم اماكن الفوجات واماكن الزراير والكتاوت والفيش واماكن التثبيت , غطا الشنطة الداخلى + مقبض كاوتش لقفل الشنطة فى العربيتين , مسند اليد الخلفى فى العربيتين
موضوع التكييف لو انت محافظ على الصيانة بعيد عن العك والفتى مش هتلاقى اى مشاكل لا من ناحية الاعطاال ولا التسقيعاقتباس:
هو ايه موضوع التكييف ده؟انا سمعت عنه كتير
يعنى ايه عيبه؟بيبوظ بسرعة ولا مش بيسقع كويس؟
موضوع مواسير التكييف اللى جنب مواسير الشكمان اللى خارجة من الفرن ناس كتير اشتكت منة بسبب ان العزل اللى على المواسير بيبوظ .. المواسير معزولة لو مفيش صنايعى قربلها وحاول يشغل دماغة ولعب فيها مش هتلاقى اى مشاكل
فى موديلات فيها نور فى الابواب الاربعة بخلاف نور الصالون (معرفش الفرق بس ملهاش دعوة بال cc )
ال 2.0 اعتقد فيها نور صالون خلفى وامامى , ال 1.6 امامى بس
انت فين يا عم الحاج..اقتباس:
المشاركة الأصلية كتبت بواسطة ENG\AHMED
واحشنا جدا..
المطار واخدك مننا يا حماده..:10D5C8~1107::10D5C8~1107:
بص ياباشا 96 97 مفهمش نور فى البواب لكن 98 99 فيهماقتباس:
المشاركة الأصلية كتبت بواسطة ENG\AHMED
الله يخليك يابوحميد :) فين ياعم المقابلة ؟اقتباس:
المشاركة الأصلية كتبت بواسطة Ahmad Allawy
هعمل اية المواعيد زفت, ساعات بدخل بس مببقاش قادر اكتب حاجة وتقريبا ببقى شبة نايم
ممكن .. بس انا فاكر ان عربية سومو 97 وكان فيها نور وعربية وليد 97 ومفهاش نوراقتباس:
بص ياباشا 96 97 مفهمش نور فى البواب لكن 98 99 فيهم
هو غالبا من 98 كلة بنور
يا جماعه بجد حكاية درج التابلوه مبرد فى 97
طب بيشتغل إزاى؟
ده يبقى الواحد معاه العربيه من 10 سنين وميعرفش الكلام ده:B4_556:
افتح درج التابلوةاقتباس:
المشاركة الأصلية كتبت بواسطة therealhatem
شيل كل اللى فية
بص جوة هتلاقى فى الوش سويتش اسود افتحة (وممكن تتحكم فى كمية الهوا اللى داخلة)
اخيرا احمد باشا نونيم وصل. ليك وحشة واللهاقتباس:
المشاركة الأصلية كتبت بواسطة ENG\AHMED
واضح ان توسيع المطار وزيادة الرحلات جاءت على دماغك انت ياباشا:B4_556::36_1_37[1]:.
فعلا انا عندي الباب مافيش فيه نور بس لو فكيت الفرش
هاتلاقي الفيشة موجودة. العربية مجهزة لأي اضافات
عربية سومو 2000 سم3 وفيها تجهيزات اكتر
ربنا يسامحه بقى انكل منصور
انا مش عارف اقول ايه بجد يا جماعة
الف الف شكر ليكم
بس كان عندى استفسار تانى انا لو زودت المبلغ 5000 يعنى بقى معايا 65000 ممكن اجيب فكترا موديل اعلى من 99؟بس هاتبقى نضيفة؟
و الموديلات اللى بعد ال2000 احسن ولا موديلات 98و99؟
و ايه الفرق فى الماتور و الكماليت فى ال1600 و ال2000cc؟
طبعا لو زودت المبلغ ممكن تجيب 1600 موديل 2001-2002 و تبقي في منتهي النضافة كمان.. مش عارف فروق الكماليات ايه بصراحة..
بس فرق الموديل اكيد حاجة كويسة..و هتبقي ماشية اقل شوية..
شكرا يا احمد باشا على اهتمامك و سرعة ردك...اقتباس:
المشاركة الأصلية كتبت بواسطة Ahmad Allawy
و ننتظر معرفة فرق الماتور و الكماليات
و جزاك الله خيرا
بص ياباشا اولا مفيش فرق فى التبلوة خالص ولا اى حاجة التغير فى الكراسى الى حد بسيط يعنى تصميم الكرسى وسبل الراحة فية لكن الباقى واحد ما عداء حبت حجات هيفة اولا فوق جنب نور الصلون فى زى جيب بلستك وبس اة ولون الطبلوة هتلقية اسود فى رمادى كلهاء حجات شكليةاقتباس:
المشاركة الأصلية كتبت بواسطة codeziro
وكمان النور بتاع الستوب وراء بدل ما هو تحت طلعوة فوق وطبعا الشكل الخارجى الكسدمات الشنطة الفونيس المتور القديم والجديد انا على وشك انى احط موضوع اشرح الفروق بالصور نصيحة خليك فى المتور القديم الكامة الواحدة مفهوش مشاكل خالص ال1600 الجديد وحش وفى مشاكل وربنا يوفقك
فروق الكناليات بالنسبة لل 1.6 مرايات كهربا, دريكسيون متحرك , مكان للتخزين فوق جنب نور الصالون
المواتير مفيش فرق غير ان بقى بينزل منها اوتوماتيك موتور ايكوتك والمانيوال لسة زى ماهيا بالموتور القديم
فروق الشكل واضحة من برة
العربيتين واحد واللى بيركب هنا بيركب هنا الاهم من دة كلة حالة العربية بغض النظر عن العداد كام انت بتشترى عربية مش عداد , العدادات بتضرب والاستخدام بيفرق يعنى حتى لو العداد مش مضروب الاستخدام هيفرق وملهوش دعوة بالعداد كام.
طيب الماتور الايكوتك نزل فى المانيوال من موديل كام؟
وليه دايما بسمع ان الماتور القديم احسن من الايكوتيك؟مع ان المفروض دى حاجة احدث!
و بالنسبة للتكييف فيه فرق؟يعنى اتحسن عن الاول؟
والمرايات اللى بتضم بالكهرباء نزلت فى اى موديل؟و فال1600cc ولا ال2000 بس؟