السلام عليكم يا جماعة, انا عاوز استشيركم فى حاجة انا ملاحظها بقالى فترة, العربية بطلع ريحة بنزين لما تجرى يعنى ابتدائا من 80 وانت طالع, مع العلم انها بتعمل معايا 150 كيلو فى الصفيحة, الريحة بتكون واضحة فى الصالون, عندكوا فكرة ده ممكن يكون سببو ايه؟
عرض للطباعة
السلام عليكم يا جماعة, انا عاوز استشيركم فى حاجة انا ملاحظها بقالى فترة, العربية بطلع ريحة بنزين لما تجرى يعنى ابتدائا من 80 وانت طالع, مع العلم انها بتعمل معايا 150 كيلو فى الصفيحة, الريحة بتكون واضحة فى الصالون, عندكوا فكرة ده ممكن يكون سببو ايه؟
بص على الغطا بتاع طلمبة البنزين هو تحت الكنبة اللى ورا ممكن يكون الوش البلاستيك مشروخ أو مكسور و لو هو يبقى أشترى اللاحام اللى مادتين بيتخلطو على بعض بس أختار بتاع البلاسيك اللى ضد البنزين و السوائل لازم تسيب العربية تنشف كفاية الأول ساعة على الأقل جرب و قولى
هوا ازاى ممكن افك الكنبة, و كمان حاجة انا مع الفرامل بسمع صوت حاجة بترج فى العربية من ورا, انا كنت علطول بقول اكيد جركن الزبت اللى فى الشنطة, ها شيل الجركن ده بردو ان شا ء الله, لو تعرف ازاى افك الكنبة يبقى ربنا يكرمك.
بسيطة خالص الكنبة نصين يمين وشمال تشد الجزء المقعد لفوق من نحيت الدهر هتتفتح معاك
تامر...... انا مش عارف اقزل ايه, انت حسستنى بجهلى, انا اول ما قريت الرد بتاعك نزلت علطول ولقيت موضوع الكنبة ده سهل قد ايه:C_laugh[1]:, بس هية ديه الدنيا حاجات صغيرة قوى مبنبقاش عرفينها بتفرق كتيير. شكرا جدا يا تامر:S_thum1[1]:
المشكلة الحيدة ان الدنيا ضلمة و الحياة تحت الكنبة مش واضحة, إن شاء الله بكره اشوفها, هو كان فيه عطا بلاستيك خفيف كدة بس معتقدش هوه ده, وهو عموما مكانش مكسور الصباح رباح
بس معلومة بقى فى الفكترا الشكل القديم, الكنبة قطعة واحدة, و عادى بتترفع لفوق من عند الدهر زى مانت قلت
هو زي ما الرجاله قالت كده اكيد دى فتحه العوامه بتاعه تانك البنزين فكت ولا حاجه
بص عليها ولو انت مش عايز تبص عليها روح لكهربائى محترم وهو يعملهالك
yes (طلمبة البنزين)
بص فى احتمال تبقاء الكوعة بتاعت مدخل البنزين بص انت هتلك كلب وخلية يشوف ههههههههههههه
شكرا للتاكيد, انا بصيت على الغطا فعلا بس دا مش بلاستيك, و هو مش مكسور ولا حاجه, هو مربوط بصواميل تقريبا 10 صواميل, غالبا الاقتراح بتاع الكهربائى ده هيكون احسن.
تسلم يا زومى فعلا كل الناس بتقولى كده, ان شاء الله خير
لحسن الكلب يدمن ولا حاجة يا عم الاقيه قاعد جنب العربية علطول ههههههههههههه
اة هو بنزين ولا لحمة وخلى بالك على عظم الشسيةههههههههههههههههههه
حصل معايا نفس الموقف .. كنت بأعمل شغل في العربية .. والبشوات نسيوا بقفلوا الغطاء البلاستيك اللي تحت الكنبة الخلفية .. فقفلته كويس و الريحة اختفت تمــــاما
يا جماعة الف شكر لكل اللى رد عليا, انا عارف ان الرد متأخر, بس انا زهقت من قفل الأكاونتات بتاعتى : ) و الموضوع فعلا غطا الطلمبة, بس مش البلاستيك, أصلا لما فولت بعدها, لقيت الراجل فى البنزينة بيقوللى فيه حاجة مسربة فى العربية, اصل الارض غرقت بنزين, فا نزلت من العربية لقيت بتاع 2 لتر مدلوقين يعنى 3 جنيه و 70 قرش فى الأرض :) , رحت طلعت على كهربائى أى كلام و قلتله يقرط على المسامير, فعمل كدة و لكن لسة البنزين بيقع, فقاللى نغير جوان, فراح عمل واحد زيه عند بتاع الجوانات, والموضوع اتكلف 15 جنيه بكل حاجة, انا كنت مستغرب بصراحة ههه , بس الريحة خلاص تمام, و استهلاك البنزين اتحسن شوية, تقريبا من ان كان 150 الى ان اصبح 160 فى الصفيحة, يعنى ... :) مش وحش
انتا عايز تغير الجوان بتاع الغطا بتاع طلمبة البنزين انا لسه مغيرة وكان عندى نفس الاعراض ومش غالى ب 30 جند
باه موضوع البنزين ده طلع جامد قوى
ممكن سوال هو السيارة تبعك موديل كام و كام 2000 سى سى
و الحمد لله عشان موضوع الى بيسرب د خطر فعلن حصل معايه فى العربيه القديمه بعد ما فولة لقية البنزين كله فى القرد الراجل قال ده الراجع
دى مشكلة حساس الكولنت ممكن تغيرو بيتباع عند سرور 60 جنية بس هاتو فيبى وبيبقى موجود جنب الدينمو ولو الفيشة بتعتو خضرة
يااااااااه دا موضوع قديم من سنه تقريبا
بص ان شاء الله مش هتخرج عن الإحتمالات دي
يكون خرطوم البنزين منفس أو فيه خرم بسيط من ناحيه الزور بتاع طلمبه البنزين
الأفيز بتاع الخرطوم مش مربوط كويس
أو جوان غطا طلمبه البنزين متقطع وعايز يتغير
وديها لكهربائي يشوفك العيب إيه
الحمد لله انها طلعت بسيطه و على قد 18.70 بسيطه