شكمان عالى + فرامل غريبة جدااااا ..............

**sokasoon** · 18-08-2007 03:34 AM

الموضوع ان من يومين ثلاثة لاحظت ان صوت الشكمان ابتدى يعلى

وبالذات بعد ماتنقل من نقلة لثانية هل ديه مشكلة عادية ولا فيه حاجة

فى الشكمان وكمان اول ما ادور العربية الصبح بشم ريحة بنزين طالعة

من الشكمان وانا قاعد فى العربية وفاتح الباب والموضوع ده ماكنش بيحصل

مع العلم ان من فترة العربية كانت مع والدى وحك فى مطبين ورا بعض بالعربية علشان

كانت واطية على الارض والمطب كان عالى فممكن يكون ده سبب على المدى البعيد

وفيه حاجة تانية كمان ان لما بدوس فرامل بسمع صوت زى صاجة بتطبق مش عارف ليه

الموضوع ده حصل جديد وبحس ان الفرامل بقت الدواسة بعيدة شوية مش زى الاول

بماذا تنصحونى ؟؟؟؟؟؟؟؟؟؟؟؟؟؟؟ لانى مسافر اسكندرية يوم الثلاثاء بالعربية وخايف اسافر بيها

**hazem_khidr** · 18-08-2007 03:49 AM

بس يا لولو الصوت دا ممكن يكون خرم شكمان و بدأ الخرم يوسع و حتلاقيه بيوسع كل شويه و دا سبب انك ما حسيتش بيه بعد ما الوالد اخد المطبين.
طب تتاكد ازاي؟؟؟
تعالي عند ديل الشكمان و العربيه دايره و اكتم فتحه الشكمان بايدك المفروض ان الهوا يزق ايدك دا لو كله حاجه سليمه و مفيش تنفيس في العادم.انما لو لقيت ايدك الهوا مش بيزقها و سمعت بودنك صوت الهوا و هو طالع من من تحت يبقي كده انت تقدر تحدد مكان الخرم.
بالنسبه لريحه البنزين دي اتاكد ان غطا التانك محكم و غير كده ممكن تلاحظ لون العادم لو لونه غامق شويه يبقي عندك الحرق مش مضبوط .
بالنسبه للفرامل صوت زي الصاج اللي بيطبق دا مش عارف اتخيله بس طالما الفرامل مشوارها بقي اكبر يبقي كده انت عندك تيل فرامل عاوز يتغير و غالبا بالمنظر دا حيبقي اللي ورا.
جرب كده شوف فرامل اليد يا تري مشوارها زاد هو كمان ولا لاء؟؟؟لو مشوارها زاد و لما بتكون رافعها و بتدوس علي الفرامل حسيت ان المشوار قصر يبقي كده العيب جاي من التيل الخلفي.

**sokasoon** · 18-08-2007 04:15 AM

المشاركة الأصلية كتبت بواسطة hazem_khidr

بس يا لولو الصوت دا ممكن يكون خرم شكمان و بدأ الخرم يوسع و حتلاقيه بيوسع كل شويه و دا سبب انك ما حسيتش بيه بعد ما الوالد اخد المطبين.
طب تتاكد ازاي؟؟؟
تعالي عند ديل الشكمان و العربيه دايره و اكتم فتحه الشكمان بايدك المفروض ان الهوا يزق ايدك دا لو كله حاجه سليمه و مفيش تنفيس في العادم.انما لو لقيت ايدك الهوا مش بيزقها و سمعت بودنك صوت الهوا و هو طالع من من تحت يبقي كده انت تقدر تحدد مكان الخرم.

طيب لو فيه خرم فى الشكمان يتغير ولا يتصلح واصلحو فين ولا اروح التوكيل

المشاركة الأصلية كتبت بواسطة hazem_khidr

بالنسبه لريحه البنزين دي اتاكد ان غطا التانك محكم و غير كده ممكن تلاحظ لون العادم لو لونه غامق شويه يبقي عندك الحرق مش مضبوط .

يعنى ايه الحرق مش مظبوط يا حازم

المشاركة الأصلية كتبت بواسطة hazem_khidr

بالنسبه للفرامل صوت زي الصاج اللي بيطبق دا مش عارف اتخيله بس طالما الفرامل مشوارها بقي اكبر يبقي كده انت عندك تيل فرامل عاوز يتغير و غالبا بالمنظر دا حيبقي اللي ورا.

هو صوت زى صاجة بتخبط تحت دواسة الفرامل

المشاركة الأصلية كتبت بواسطة hazem_khidr

جرب كده شوف فرامل اليد يا تري مشوارها زاد هو كمان ولا لاء؟؟؟لو مشوارها زاد و لما بتكون رافعها و بتدوس علي الفرامل حسيت ان المشوار قصر يبقي كده العيب جاي من التيل الخلفي.

هشوف وارد عليك يا حازم

**hazem_khidr** · 18-08-2007 04:24 AM

طيب لو فيه خرم فى الشكمان يتغير ولا يتصلح واصلحو فين ولا اروح التوكيل

لا مش محتاج توكيل ولا حاجه اعمل بس زي ما قوتلك و شوف لو فعلا مخروم روح لاي واحد بتاع شكمانات و غالبا حيبقي خرم تعمله بخمسه جنيه ولا حاجه و ما تسمعش كلامه لو قالك حاجه عاوزه تتغير علشان الشكمان بتاعك جديد ما اتعملش فيه حاجه.

يعنى ايه الحرق مش مظبوط يا حازم

بص يا وليد البنزين اللي بيخش الموتور علشان يشتعل و يولد الحركه لازم ليه هواء علشان يشعله.ف معني الحرق مش مضبوط يعني نسبه البنزين و الهواء مش مضبوطه و دا ممكن يخلي العربيه تدخن (يعني تطلع دخان اسود)او ريحه البنزين الني دا اللي بتقول عليها لو شاممها من ناحيه الشكمان.

هو صوت زى صاجة بتخبط تحت دواسة الفرامل

برضه مش قادر اتخيله

**sokasoon** · 18-08-2007 04:39 AM

المشاركة الأصلية كتبت بواسطة hazem_khidr

بص يا وليد البنزين اللي بيخش الموتور علشان يشتعل و يولد الحركه لازم ليه هواء علشان يشعله.ف معني الحرق مش مضبوط يعني نسبه البنزين و الهواء مش مضبوطه و دا ممكن يخلي العربيه تدخن (يعني تطلع دخان اسود)او ريحه البنزين الني دا اللي بتقول عليها لو شاممها من ناحيه الشكمان.

طيب وايه الحل

المشاركة الأصلية كتبت بواسطة hazem_khidr

برضه مش قادر اتخيله

[/quote]

والله انا نفسى مستغرب من الصوت بحس انو عامل زى تطبيق

كده من تحت اول ما بضغط على الفرامل والعربية تقف الفراملة

بتعمل الصوت ده

**hazem_khidr** · 18-08-2007 06:44 AM

hazem_khidr كتب:

بص يا وليد البنزين اللي بيخش الموتور علشان يشتعل و يولد الحركه لازم ليه هواء علشان يشعله.ف معني الحرق مش مضبوط يعني نسبه البنزين و الهواء مش مضبوطه و دا ممكن يخلي العربيه تدخن (يعني تطلع دخان اسود)او ريحه البنزين الني دا اللي بتقول عليها لو شاممها من ناحيه الشكمان.

sokasoon كتب:

طيب وايه الحل

دي حلها بسيط و بتروح التوكيل اوو اي حد فاهم في دايو بيظبط ليك الموتور مفيهاش مشاكل.

والله انا نفسى مستغرب من الصوت بحس انو عامل زى تطبيق

كده من تحت اول ما بضغط على الفرامل والعربية تقف الفراملة

بتعمل الصوت ده

انا مش قادر اوصل للصوت خالص علشان الصوت الوحيد اللي سمعته في الفرامل زي ما بتقول كده كان بيعمل(طق)و كان من السيرفو و يوميعا غيرته في عربيه الفيات القديمه ما اعتقدش ان هو دا اللي عندك.
طب بص يا وليد الصوت دا ممكن ما يكونش من الفرامل خالص و ممكن يكون جلب مقصات او كاوتش عفشه خلفي او حاجه اللي مطلع الصوت دا.
ركز في الصوت كويس اوي اوي و شوفه طالع منين و يا تري الصوت دا بتحسه برجلك علي بدال الفرامل ولا لاء؟؟؟

**M_ashraf** · 18-08-2007 01:11 PM

صوت الفرامل ده اعتقد انا بسمعه عندي في اللانوس
لما ادوس فرامل والعربيه تقف مع اخر اندفاعه العربيه تحس انها رجعت للوراء ووقفت وتسمع الصوت
ده ممكن يكون من نوع التيل لان في نوع تيل كوري بيعمل صوت بعد فتره ولو هوكده يبقى بسيطه ومفيش حاجه انما لوغير كده معرفش وربنا يجعلها كلها بسيطه
نصيحه متروحش بالشكمان التوكيل لانهم معندهمش لحام وهيقلك غير و الامر ممكن يكون تافه ويتعمل ب خمسه جنيه زي حازم مبيقول
سلاااام

**sokasoon** · 18-08-2007 05:06 PM

المشاركة الأصلية كتبت بواسطة hazem_khidr

انا مش قادر اوصل للصوت خالص علشان الصوت الوحيد اللي سمعته في الفرامل زي ما بتقول كده كان بيعمل(طق)و كان من السيرفو و يوميعا غيرته في عربيه الفيات القديمه ما اعتقدش ان هو دا اللي عندك.
طب بص يا وليد الصوت دا ممكن ما يكونش من الفرامل خالص و ممكن يكون جلب مقصات او كاوتش عفشه خلفي او حاجه اللي مطلع الصوت دا.
ركز في الصوت كويس اوي اوي و شوفه طالع منين و يا تري الصوت دا بتحسه برجلك علي بدال الفرامل ولا لاء؟؟؟

فعلا يا حازم انا بحسه برجلى على الفرامل

**sokasoon** · 18-08-2007 05:10 PM

المشاركة الأصلية كتبت بواسطة m

صوت الفرامل ده اعتقد انا بسمعه عندي في اللانوس
لما ادوس فرامل والعربيه تقف مع اخر اندفاعه العربيه تحس انها رجعت للوراء ووقفت وتسمع الصوت
ده ممكن يكون من نوع التيل لان في نوع تيل كوري بيعمل صوت بعد فتره ولو هوكده يبقى بسيطه ومفيش حاجه انما لوغير كده معرفش وربنا يجعلها كلها بسيطه
سلاااام

بالظبط كده يا استاذ m هو ده اللى بيحصل

بس التيل انا ماغيرتوش من ساعة ما استلمتها

والتيل ده اغيرو فى التوكيل ولو سافرت بيها كده ما يأثرش على العربية

**M_ashraf** · 19-08-2007 03:38 AM

لو هو ده العيب فعلا و الفرامل بتمسك كويس وزيت الفرامل مبينقصش ان شاء الله مفيش مشكله
و التيل ممكن تغيره في اي مكان الان امره بسيط وعلى ما اعتقد التيل مش بيكون في ضمان العربيه
لانه جزء بيستهلك
ولو هتشتري من بره في نوع تركي وفي نوع الماني كويسين
وربنا يسترها معاك وتسافر بالسلامه وطمننا عليك

الموضوع: شكمان عالى + فرامل غريبة جدااااا ..............

LinkBack

أدوات الموضوع

عرض

شكمان عالى + فرامل غريبة جدااااا .............. - انشر الموضوع فى :

-

-

-

-

-

-

المواضيع المتشابهه

بسمع صوت عالى لما بدوس فرامل في الاوبترا

حرااااااااام بجد كورولا 2003 وموتور 1777 غريبة بجد صوت الموتور عالى

صوت عالى جدااااا فى السير بالسياره وعايز رايكم

مشكلة غريبة جدااااا (ايه الحل)......؟

حاجة غريبة جدااااا

الكلمات الدلالية لهذا الموضوع

المفضلات

المفضلات

ضوابط المشاركة