1- تلاقى واحد لازق جامد فيك من ورا و عاوز يعديك مع ان الطريق زحمة و مش مستاهل و لو فرمت هو ممكن يخبطك و عشان كدا بيفرمل جامد مرة واحدة و يقعد يضرب لك تلكس جامد و مش بعيد يطلع ايده برة العربية و يقول انك غلطان مع انه هو اللى لازق فيك من ورا
2- واحد بارد جدا راكن ركنة غبية جدا سادة الشارع مع انه ممكن يركن كويس و يسيب الناس تعدى اما يخليك تعدى بس بالراحة و تشوف الاجناب بتاعة العربية او يوسع لك طب ما كان من الاول
3- اللى داخل مخالف و ماشى عادى جدا ولا كأنه عامل حاجة و تبص له يقولك الجملة الشهيرة "هو فى ايه يا استاذ"
4- اكتر حاجة بتعصبنى فعلا اللى فجأة يدى اشارة و يروح كاسر و انا المطلوب منى ان البروسيسور بتاع دماغى يسجل انه هيدخل فى نانو ثانية عشان اهديله و مخبطش فيه
5- تبقى واقف فى اشارة او الطريق واقف او الطريق زحمة و كل شوية وقوف و تحرك و لو انت بس كسلت سنة او سبت مسافة بينك و بين اللى قدامك تلاقيه راح مزمر لك وبيقولك اخلص على اساس انى هدوس على الزرار اللى بيطير العربية و اوسع له
المفضلات