الاخوة الاعزاء ملاك التريوس،
الاخ العزيز ابو عبد الله
اشكر لكم معلوماتكم القيمة المتناثرة فى كافة ارجاء منتدى الدايهاتسو، والتى جعلتنى استقر على شراء التريوس 4X4+ ABS+Airbags من التوكيل مباشرة، لكنى انتظر الوقت المناسب نظرا لظروف السوق المتقلبة، وحملة خلوها تصدي
- لى رجاء هو:
- بماذا تنصحوننى قبل وبعد استلام السيارة مباشرة
- هل يوجد موضوع متكامل عن كافة المعلومات الخاصة بالتريوس، حيث اننى اضررت الى تجميع العديد من المواضيع داخل المنتدى لتغطية ما احتاجه من معلومات.
ولكم جزيل الشكر
مبروك عليك لقد احسنت الاختيار حقيقة انا اشتريتها من دبي انا مش عارف في مصر ايه النظام
لكن قبل الاستلام يمكنك تطلب منهم دهان ضد الصدا وهذا بيكون في السيارة من الأسفل
كذلك يمكنك مراجعة طفاية السجائر وخصوصا انها منفصلة
كذلك بيكون معاها طفاية حريق وهي لها مكان امام الكرسي الأمامي بجوار السائق
وكذلك عليك بتجربة السي دي خذ معاك سي دي وانت بتستلمها
أيضا معها عدد 2 مفتاح للتشغيل طبعا
وبعد الاستلام لاتتعدى سرعة 90 كم حتى الانتهاء من ال 1000 كيلو الأولى وانصحك قبل الصيانة الأولى ان تسير على سرعة 120 كم أو أعلى لأنه احيانا بيكون فيه رجة في على السرعة العالية لأنها ممكن تحتاج ترصيص أو تعديل ضغط الهواء في العجل
واخيرا مبروك عليك وربنا يكفيك شرها
مبروووووووووك عليك
وانت رايح تستلم العربية تفصص العربية حتة حتة وتتاكد من ان كل حاجة شغالة الكاسيت المكيف السماعات كلهم الانوار الاصوات العدادات والمفاتيح وتتاكد خلو العربية من اى اثار الخدوش والخبطات
وكل حاجتها معاها والاستبن والزجاج تاكد ان ال6 مافيهمش اى خدوش او كسور ولو بسيييييطة وتفتح الكبوت وتتاكد انة مفيش زيت زيادة طافح على المكنة
ولما تستلمها قلنا واحنا إن شاء الله نفيدك اكتر
مبارك عليك وربنا يعطيك خيرها ويكفي عنك شرها ان شاء الله
اما بخصوص الأستلام هيا نصيحة واحده انك تبقى يقظ ولا تأخذك فرحتك بالعربيه بحيث تبقى اكنك بتتفرج على عربيه حد تاني وبتحاول تكشف عليها
اما علشان العربيه جديده يبقى متقرصشي عليها لحد ما توصل لألف كيلو متر على الأقل
ولو افضل يبقى لحد الفين كم
ومتزودشي عن 90 او 100 كم
وربنا يباركلك فيها ان شاء الله
الاخوة الاعزاء
اشكركم جميعا لردودكم و معلوماتكم القيمة، واعتذر عن تأخرى فى تقديم الشكر.
ربنا يسهل وتتضح الرؤية، وعندها سأقدم على خطوة الشراء، هذا بالاضافة لعدم توافر السيارة بالتوكيل حاليا.
اشكركم جزيل الشكر
مبروك مقدما بس ياريت تجربها الأول لأن العربيه دى مش مريحه زى العربيات السيدان والهاتش باك وده لأنها مصممه بعفشه ناشفه عشان تستحمل ده غير ان استهلاك البنزين بتاعها مرتفع
وأنا بقولك كده عشان لو انت احتياجاتك لا تتطلب هذه العيوب الموجوده فى كل ال 4×4 فمفيش داعى انك تجيبها وتشوف عربيه مناسبه ليك أكتر إنما لو شغلك أو اقامتك محتاجه عربيه بالمواصفات دى يبقى اتوكل على الله لأنها اختيار جيد
اشكرك على اهتمامك وتعليقك، عزيزى أ/ محمد. و الحقيقة اننى محتاج لسيارة الخدمة الشاقة نظرا لاننى اقود يوميا مسافة حوالى 30 كم على الطريق الدائرى، وما ادراك ما مطبات الدائرى و هبداته.اقتباس:
المشاركة الأصلية كتبت بواسطة محمد ابراهيم 1
عفوا 30x2 كم