الموضوع: للبيع اسبرانزا A516

يا استاذ خالد حضرتك مش شايف و كل بائعي السيارة الحاليين مش واخدين بالهم ان سعر المستعمل دة المفروض دلوقتي يقل عن كدة كتير زييه زي باقي العربيات كلها لأن العربيه جديدة من الوكيل و من الموزعين بتتباع ب 64 الف جنيه كان سعرها الاول بيرتفع مع حضرتك لأن كانت مدة الحجز سنه و ساعات كانت بتطول عن كدة علشان اللون فكان الشاري المسكين بيضطر يزود الف او الفين او تلاته و ساعات خمسه علشان يستلم العربيه في الحال و لكن الان الوضع يا جماعه اختلفففففففففف التوكيل بيسلم بسرعه روحوا اسألوا التسليم في خلال اد ايه دلوقتي الاول بالنسبه للطرفين البائع علشان يقدر يطلب سعر مناسب في عربيته و ميكونش مبالغ فيه و ميظلمش حد و الشاري علشان يعرف هوة بيشتري ايه و بكام و الفلوس اللى هيدفعها دي هيه فعلا قيمتها و لا لأ
انا سمعت من المنتدى ان في ناس استلمت في خلال اسبوعين و ناس استلمت في خلال شهر يعني حالها حال كل العربيات الطبيعيه اللى في السوق على فكرة الهوندا سيفيك حجزها دلوقتي بقا حوالي 3 شهور و الحجز كمان بخمسين الف جنيه هما خلصوا حجز 20 ابريل و 20 مايو و 20-6 و اللى هيحجز دلوقتي هيستلم 20-7
مع العلم ان لو حد اشترى العربيه و استخدمها شهور و عمل بيها 8000 كيلو اظن مش هتجيبله اكتر من 132 الف جنيه
و بالتالي مع احترامي الشديد لحضرتك و لكل البائعين الحاليين عداد حضرتك دة مع اعتبار ان السيارة كالجديدة تمام من الداخل و الخارج و مفيهاش خربوش لا يزيد سعرها عن 60 الف جنيه
و شكرا و اسف للاطاله

أيه يا عم شريف بايوو مالوش دعوه بالموضوع خالص السعر ده سعرها في التوكيل ... أنا مالي .............؟؟؟؟

http://www.nilemotors.net/Forum/view...er=asc&start=0

وبعدين العربيه دي بالذات حاله شاذه في السوق المصريه وإللي بيشتريها بيكسب فيها ومابيخسرش (مش زي عاربيتنا!!!)

وبعدين أستاذ خالد عارض السعر وما بيغصبش حد على شراها وطالما مش هاتشتري يا شريف أخرج من الـtopic ده وأتكلم زي ما انت عاوز

وأحتراما لصاحب الأعلان ارجو من الساده الأعضاء عدم الخروج عن صلب الموضوع

اظن يا استاذ بايو ان المنتدى له هدف عام و هوة خدمه كل الاعضاء و دة مش خروج عن التوبيك اظن ان دة اصل التوبيك لأن توعيه المستهلك شيء مهم جدا يعني مينفعش حضرتك تكون مشرف في المنتتدى و هتلاقي شيء يضر المستهلك واحد كاتبه في اي توبيك و هتسكت بدليل ان الكل بيتبادل خبراته في حاجات زي اسعار المعارض و انهو احسن معرض في التعامل و في الاسعار و اي واحد سعره غالي في قطع الغيار و هكذا

الاخ بائع السيارة له الحق انه يطلب فيها 100 الف جنيه هوة حر في حاجة زي دي و لكن من واجب المننتدى ( اعضاء و ادارة) التعليق لو كان الموضوع يستحق التعليق

و بعدين انا معاك ان العربيه دي ليها ظروف خاصه في سعر اعادة البيع بس الكلام دة كان من اشهر قليله لما كان التوكيل بيسلم بعد سنه فكان المشتري بيدفع فرق الفلوس دي علشان يستلم فورا
لكن الكلام دة مش موجود دلوقتي في ناس بتستلم في خلال اسبوعين يبقا السعر المستعمل لازم يعود الى قواعده سالما و هي قواعد بيع كل السيارات تحت الظروف العاديه لأن مفيش ظروف استثنائه للأسبرانزا حاليا
و شكرا و ارجو منك ان تقرا مداخلتي السابقه في التوبيك لمعرفه انه فقط لتوعيه الطرفين البائع حتى لا يظلم احدا قد يكون لسه ميعرفش ان معاد التسليم اصبح في مدة بسيطه و الشاري اللى اكيد لو اشترى بالسعر دة هيكون ميعرفش ان في ناس دلوقتي بتستلم بسرعه
و انا ضربت مثل بالهوندا و حجزها مع ان سعر الحجز اكثر من ضعف سعر حجز الاسبرانزا
و شكرا

تم الأتصال من قبل إدارة Nile Motors بتوكيل أسبرانزا وأفاد الوكيل أنهم يعطون للعميل ميعاد بالاستلام بعد 6 أشهر ولكنهم يقوموا بالتسليم بعد أربعة أشهر (ولكنهم يفضلون أعطاء العميل مده أطول لكي يستطيعوا أن يفوا بما وعدوا إذا ما واجهتهم مشاكل)


وشكرا