انا لاحظت حاجه غريبه جدا فى العربيه و مش عارف سببها اييه , انا لما بتكون العربيه واقفه بسمع صوت طقطقه (طك )منتظم مش عارف الصوت ده جاى منين و لما بتكون العربيه ماشيه مش بلاحظه خالص , و الموضوع ده قالقنى جداااااا , اييه الحل يا جماعه الخير :( :(
عرض للطباعة
انا لاحظت حاجه غريبه جدا فى العربيه و مش عارف سببها اييه , انا لما بتكون العربيه واقفه بسمع صوت طقطقه (طك )منتظم مش عارف الصوت ده جاى منين و لما بتكون العربيه ماشيه مش بلاحظه خالص , و الموضوع ده قالقنى جداااااا , اييه الحل يا جماعه الخير :( :(
الصوت ده جاى من الموتور ؟؟
بصراحه يا استاذ اسلام مش عارف احدد الصوت جاى منين بس هوا من قدام مش من ورا
الموضوع دة كان عندي وكان السبب مكنة رفع الزجاج اليمين
بس انا مش مركب وحده رفع انت حضرتك تقصد ماكين الزجاج الكهربائى نفسها و لا وحده الرفع
ممكن تفتح الكابوت و تشوف لو فى أى حركة غريبة أو تقدر تحدد لنا مصدر الصوت جاى منين بالتحديد ؟ بسيطة ان شاء الله لا داعى للقلق. ايه أخر حاجة عملتها أو ركبتها فى العربية ؟؟
اخر حاجه عملتها كان تركيب الانذار , اه افتكرت حاجه كمان بالصدفه و انا باقفل الزجاج الخلفى و الكاسيت شغال لقيت صوت السماعات الخلفيه ضعف فضغت على الزرار تناى لفوق كأنى باقفل الزجاج رجعت السماعات اشتغلت تانى هل ده معناه ان فييه سلك ملمس و لا اييه :(
الصوت ده وانت مشغل التكيف ولا لأ؟؟؟
ده معناه فعلا على حسب خبرتى المتواضعة أن فى حاجة مش متركبة صح أو حاجة ملمسة , راجع الراجل اللى ركبلك الكاسيت ولا ده فابريكة؟ السمعات أصلى و لا تركيب؟ بس أعتقد أن صوت الطقة ده ملوش دخل بالكاسيت أو الأنذار. لو أمكن روح بيها التوكيل علشان يهدى بالك. بس شيك الأول على الكاسيت و السماعات. ربنا معاك
غالبا دا صوت ثرموستات التكييف وأنا متوقع انك تكون مشغل التكييف اثناء الصوت
بيحصل عندى كل 10 - 15 ثانية وانا واقف!
لا التكيييف مش بيكون شغال و العربيه بتكون مبطله مش دايره
يعنى صوت الطك ده و العربية مبطلة ؟؟؟ غريبة فعلا
اه فعلا و العربيه مبطله
وهى مبطلة :shock: !!!!!!!!؟؟؟؟؟؟؟؟؟؟؟؟؟؟؟؟؟؟ :shock:
كده يبقى حاجة من اتنين:
1-خنفساء ساكنة فى الكبوت من النوع اللى بيطقطق.
2-العربية معمول لها عمل :evil: :evil: :evil: .
غير كده مافيش سبب!!! :shock:
this sound happens to me it is a very weak sound and i think it is normal , it happens when i drive the car for a while and then park it in a quit place i hear the sound and i think it is due to hot parts in the engine releasing them selfs or what so ever but all i need to say that this is normal!
مكن يكون الصوت من الردياتير علشان العربية تكون بتبرد بعد مشوار :wink:
يا جماعة انا ابويا واخويا واحد معاها النترا والتانى فيرنا والصوت دة بيحصل فعلا بعد منرجع من اى مشوار ونبطل العربية وواقف بغطى او بعمل اى حاجة بسمع صوت الطق طقة دى عادى طق طق طقطق طقطق عادى جدا العربية من 2006 معانا ومفهاش مشكلة انا بتفسيرى الى ممكن محدش ياخد بية لانة متواضع اعتقد ان العربيات دى كدة يعنى المتور بيبقى لسة فاصل فا فية حاجات بتفصل وتريح بعد فصل السيارة والله واعلم بس انا شايف ان الطق طقة دى عادى ومفهاش مشكلة عمتا لو قلقان روح التوكيل ووريهم العربية اول متوصل اكيد الصوت هيبقى موجود وانا متاكد ان شاء الله انة هيقولك عادى ومفيش مشكلة والله واعلم وبردو علشان معممش دة على العربيات كلها انا معايا نوبيرا مش بيحصل معايا كدة
على حسب علمى و ملاحظتى المروحة لا تعمل بعد أن تبطل السيارة , هكذا كان الحال فى الانسر الكريستالة و الموديل الحالى برده كده , و الله أعلم.
الصوت ده صوت الشكمان و العلب و هيه بتبرد و تنكمش بعد تمددها بفعل الحراره الناتجه عن العادم الخارج من الموتور.. ده شيء عادي جدا
اقتباس:
انا لما بتكون العربيه واقفه بسمع صوت طقطقه (طك )منتظم
لو من الشكمان والعلب أو من أى جزء ساخن وبيبرد لن يكون الصوت منتظم..اقتباس:
الصوت ده صوت الشكمان و العلب و هيه بتبرد و تنكمش بعد تمددها بفعل الحراره الناتجه عن العادم الخارج من الموتور
كان عندي 128 دوختني بسبب الصوت ده
بس غالبا زي مبيقول atolbaاقتباس:
this sound happens to me it is a very weak sound and i think it is normal , it happens when i drive the car for a while and then park it in a quit place i hear the sound and i think it is due to hot parts in the engine releasing them selfs or what so ever but all i need to say that this is normal
هوه ده السبب بس اللي مجنني أنه كان صوت منتظم زي دقه الساعه
أخبار الصوت ايه يا أخ مادا ؟؟ طمنا. أنا برده لا أعتقد أنه هيكون صوت الشكمان مش هيكون مسموع بالشكل ده .... و الله أعلم طبعا.
على فكرة الصوت ده عندى فى التيدا
و كمان عند واحد صاحبى معاه سكودا A5
و اظنه زي مبيقول atolba
اعتقد انه عادى
مش عارف
بس اذا كان صوت الطقطقه بعد متبطل علطول يبقي زي مالاخوه وضحو
اما اذا كان باستمرار حتي وانت نازل تدور الصبح بتسمعو يبقي اكيد حاجه تانيه غير ان العربيه بتبرد
وغالبا مشكله في الكهربا
فعلا الصوت ده مابيطلعش الا لما اكون جاى من مشوار طويل و بطلت العربيه و المنطقه اللى ساكن فيها هاديه جدا فامبسمعش غير صوت الطقطقه ده و امبارح كنت راكن العربيه تحت البيت و قلت اروح اوريها لواحد ميكانيكى خبره بتعامل معاه و كانت العربيه بارده و ان الصوت يطلع ابداااااااااا فى الاخر الراجل قعد يضحك و قالى ماتبقاش تقعد فى العربيه لواحدك و ابقى شغل قرآن و حاجات من النوع ده :mrgreen: و انا فى نص هدومى و قالى توكل على الله العربيه مافيهاش حاجه , بس بعد ما قريت مشاركه الاستاذ الفاضل atolba اعتقد ان ده ممكن يكون السبب فعلا
مش قلتلك فى الأول!!!اقتباس:
الراجل قعد يضحك و قالى ماتبقاش تقعد فى العربيه لواحدك و ابقى شغل قرآن و حاجات من النوع ده
الصوت ده عادى فى كل العربيات وهى بتبرد بعد ماكانت سخنة
الصوت ده صوت الشكمان و العلب و هيه بتبرد و تنكمش بعد تمددها بفعل الحراره الناتجه عن العادم الخارج من الموتور Tip: you can also use
color=#FF0000
this is true
أنا سمعت نفس الصوت بس ده بيحصل لما أبطل العربيه بعد ما أكون مشغل التكييف وكده يرجعنا للسبب الاول (الثرموستات) وده شئ طبيعى ... أنا لم ألاحظ الصوت إلا لما ربنا فتح عليا وركنت فى جراج مقفول فطبعا الهدوء يخليك تسمع الحاجات دى
الصوت دة صوت المتور ودة صوت عادي لما الموتور بيسخن :|
بالأمس سمعت الصوت عندى لأول مرة وتتبعته وأغلب الظن انه فعلا صادر من بداية علبة الشكمان أمام الموتور.(اللى عليها علامة يد فوقها حرف إكس)اقتباس:
المشاركة الأصلية كتبت بواسطة zozza