الموضوع: معرض الكتاب: اخبار واصدارات (متجدد)

المشاركة الأصلية كتبت بواسطة جندى مجند

سؤال يا جماعة ... أنا ناوى أروح المعرض ان شاء الله و حآجى بالعربية من اسكندرية بس مش عايز أروح المعرض بالعربية عشان الزحمة الفظيعة و مشاكل الركنة ... فإيه أفضل مكان أركن فيه العربية و آخد تاكسى لحد بوابة المعرض، بحيث و أنا راجع من المعرض أقدر برضو أوصل للمكان دة بسهولة؟ معلش أنا خبرتى بشوارع القاهرة حوالى 0% :)

ممكن تركن في الباركنج اللي أمام المعرض على طول. أنت ح تقف دقيقة في المدخل لغاية لما أي عربية تطلع وح يدخلوك مكانها. الركنة هناك بخمسة جنيه.

المشاركة الأصلية كتبت بواسطة Moh.Abdelbaset

يارب تفضل مبسوط دائماً
انا أقولك اللي شفته
دار الشروق مثلاً فيها إيه :
كتب نجيب محفوظ كلها
كتب عباس العقاد والشيخ الغزالي وسيد قطب وعبد الرحمن الشرقاوي والشيخ يوسف القرضاوي وعبد الوهاب المسيري وكذلك جمال الغيطاني ودي كلها كتب موجودة من قبل المعرض
كتب د/جلال أمين وعلاء الأسواني مفيش فيها جديد
الصراحة الجديد اللي أول مرة اشوفه في الشروق هو الكم الكبيرمن كتب جمال البنا
ومعظم المعرض كتب دينية ودي كتب لأئمة المسلمين يعني موجودة من زمان واسطوانات تعليم اللغات
ومعيار في كتب جديدة أو مفيش ده معيار شخصي
حضرتك لو شفت حاجة جديدة قول للأعضاء هنا علشان يستفيدوا
تحياتي

حضرتك أعطيت مثل لدار تنشر لكبار الكُتّاب والذين لهم إرث ضخم من الكتب. صحيح أن الاصدارات الجديدة لهم قليلة، بس أكيد حضرتك لم تقرأ كل أعمالهم. بل أنا شخصياً أول دار بدخلها في المعرض هي دار الشروق واشتري بعض الكتب التي قد تكون بعضها جديدة بالنسبة لي والبعض الآخر سمعت عنه ولم أقرأه من قبل.

بالنسبة للكتب الجديدة فعلياُ، دار ميريت مثلاً اصداراتها كل عام غزيرة. بعض اصدارات 2008:

"الفاعل" لحمدي أبو جليل
"يوتوبيا" لأحمد خالد توفيق
"وداعأ أيتها السماء" لحامد عبد الصمد
"مصر ليست أمي ... دي مرات أبويا" لأسامة غريب

وكتب تانية كتير. طبعا كلها موجودة من قبل المعرض بس لا أعتقد أن زوار المعرض يبحثون عن الكتب التي اصدرت أيام المعرض بل الكتب التي اصدرت خلال العام.

في النهاية أنا آسف على أسلوبي التهكمي. أنا عارف أنه كان غير لائق. بس جملة حضرتك الأخيرة أن المعيار معيار شخصي هي أول ما خطر على بالي عندما قلت أنك لم ترى كتب جديدة.